Эльбрусоид :: Форум :: Архив форумов

Аман къатын алгъан, арыр, иги къатын алгъан джарыр.
Къобан да къуру да къобханлай турмайды, адам да къуру да патчахлай турмайды.
Адам къаллай бир ишленмесе, аллай бир кесин уллу кёреди.
Тойгъан антын унутур.
Аууз сакълагъан – джан сакълар.
Ат да турмайды бир териде.
Эллинг бла джау болсанг да, юйюнг бла джау болма.
Тили узунну, намысы – къысха.
Юй ишлеген балта эшикде къалыр.
Урунуу – насыбны анасы.
Къыйынлы джети элни къайгъысын этер.
Тынгылагъан тынгы бузар.
Бети къызарыучу адамны, джюреги харам болмаз.
Биреуню къыйынлыгъы бла кесинге джол ишлеме.
Джашда акъыл джокъ, къартда къарыу джокъ.
Кёзден кетген, кёлден да кетеди.
Адамны артындан къара сабан сюрме.
Ишлерге уял да, ашаргъа табма.
Ауругъаннга – кийик саулукъ, джетген къызгъа – чилле джаулукъ.
Нарт сёз – тилни бети.
Кёзню ачылгъаны – иги, ауузну джабылгъаны – иги.
Иши джокъну, сыйы джокъ.
Кёб джат да, бек чаб.
Ачлыкъ отха секиртир.
Тёзгеннге, джабылгъан эшик ачылыр.
Джыгъылгъанны сырты джерден тоймаз.
Къая джолда джортма, ачыкъ сёзден къоркъма.
Бир онгсуз адам адет чыгъарды, деб эштирик тюлсе.
Азыкъ аз болса, эртде орун сал.
Эски джаугъа ышанма.
Татлы тилде – сёз ариу, чемер къолда – иш ариу.
Ёгюзню мюйюзлери ауурлукъ этмейдиле.
От этилмеген джерден тютюн чыкъмайды.
Таукел тауну аудурур.
Байма, деб да, къууанма, джарлыма, деб да, джылама.
Джаным-тиним – окъуу, билим.
Минг тенг да азды, бир джау да кёбдю.
Эл элде бирер малынг болгъандан эсе, бирер тенгинг болсун.
Чакъырылмай келген къонакъ сыйланмай кетер.
Айыбны суу бла джууалмазса.
Джырына кёре эжиую.
Акъыл аздырмаз, билим тоздурмаз.
Таш бла ургъанны, аш бла ур.
Арыгъан къош чамчы болур.
Бети бедерден, намыс сакълама.
Ата – билек, ана – джюрек!
Биреуге аманлыкъ этиб, кесинге игилик табмазса.
Эки къатын алгъанны къулагъы тынгнгаймаз.
Ишлемеген – тишлемез.
Ата джурт – алтын бешик.

Логин:
Пароль:
	Запомнить меня на этом компьютере

Забыли свой пароль?
Регистрация