- Джаш болсун, къыз болсун, акъылы, саны тюз болсун.
- Азыгъы аз, алгъа къабар, аты аман, алгъа чабар.
- Душманны тышы – акъ, ичи – къара.
- Юй кюйдю да, кюйюз чыкъды, ортасындан тюйюш чыкъды.
- Къарын къуру болса, джюрек уру болур.
- Джахил болса анасы, не билликди баласы?
- Чабар ат – джетген къыз.
- Танг атмайма десе да, кюн къоярыкъ тюйюлдю.
- Къонакъ кёб келюучю юйню, къазаны отдан тюшмез.
- Тели турса – той бузар.
- Магъанасыз сёз – тауушсуз сыбызгъы.
- Намысы болмагъанны, сыйы болмаз.
- Адеб джокъда, намыс джокъ.
- Мураты болгъанны джюрек тебюую башхады.
- Ишлегенде эринме, ишде чолакъ кёрюнме.
- Гугурук къычырмаса да, тангны атары къалмаз.
- Джыйырма къойну юч джыйырма эбзе кюте эди.
- Кесинге джетмегенни, кёб сёлешме.
- Кёпюр салгъан кеси ётер, уру къазгъан кеси кетер.
- Дууулдаса – бал чибин, къонса – къара чибин.
- Кёбню кёрген – кёб билир.
- Ашхы сёз таш тешер.
- Ётюрюкню башын керти кесер.
- Аууздан келген, къолдан келсе, ким да патчах болур эди.
- Къазанчы аман болса, къазаны къайнамаз.
- Ашыкъгъанны этеги бутуна чырмалыр.
- Хар адамгъа кеси миннген тау кибик.
- Артына баргъанны, къатына барма.
- Окъугъан – асыу, окъумагъан – джарсыу.
- Ётюрюкден тюбю джокъ, кёлтюрюрге джиби джокъ.
- Ётюрюкню къуйругъу – бир тутум.
- Ауурну тюбю бла, дженгилни башы бла джюрюген.
- Бети къызарыучу адамны, джюреги харам болмаз.
- Кимни – тили, тиши онглу, кимни – къолу, иши онглу.
- Ариу сёз – джаннга азыкъ, аман сёз – башха къазыкъ.
- Сёз къанатсыз учар.
- Бети – къучакълар, джюреги – бычакълар.
- Чомарт бергенин айтмаз.
- Чёбню кёлтюрсенг, тюбюнден сёз чыгъар.
- Сормай – алма, чакъырылмай – барма.
- Тешигини къатында, чычхан да батыр болур.
- Акъыллы башны – тили къысха.
- Ётюрюк хапар аякъ тюбю бла джюрюйдю.
- Биреуге аманлыкъ этиб, кесинге игилик табмазса.
- Адамны сыфатына къарама, сёзюне къара.
- Ач уят къоймаз.
- Кёзюнде тереги болгъан, чёбю болгъаннга кюле эди.
- Билимден уллу байлыкъ джокъду.
- Дуния аламаты сен эсенг да, игиме деб айтма.
- Иги сёз – джаннга азыкъ, аман сёз башха – къазыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72