- Эшекге миннген – биринчи айыб, андан джыгъылгъан – экинчи айыб.
- Ишлегенден, къарагъан уста.
- Битмегеннге сакъал – танг.
- Ёксюзню къалачы уллу кёрюнюр.
- Суу да къайтады чыкъгъан джерине.
- Ойнай билмеген, оюн бузар.
- Адамны аманы адамны бети бла ойнар.
- Кийимни бир кюнню аясанг, минг кюннге джарар.
- Ашлыкъны арба юйге келтирир, чана базаргъа элтир.
- Келлик заман – къартлыкъ келтирир, кетген заман – джашлыкъ ёлтюрюр.
- Ата джурт – алтын бешик.
- Къарт бла баш аша, джаш бла аякъ аша.
- Алтыннга тот къонмаз.
- Таукел тауну аудурур.
- Бети – къучакълар, джюреги – бычакълар.
- Этни да ашады, бетни да ашады.
- Дуния малгъа сатылма, кесингден телиге къатылма.
- Суугъа – таянма, джаугъа – ийнанма.
- Чакъырылмагъан къонакъ къачан кетерин сормаз.
- Тил – кесген бычакъ, сёз – атылгъан окъ.
- Зарда марда джокъ.
- Къартха ушагъан джаш – акъыллы, джашха ушагъан къарт – тели.
- Къарнынг ауруса, ауузунгу тый
- Аман эсирсе, юйюн ояр.
- Биреуню тёрюнден, кесинги эшик артынг игиди.
- Бек ашыкъгъан меннге джетсин, дегенди аракъы.
- Къызын тута билмеген, тул этер, джашын тута билмеген, къул этер.
- Этни бети бла шорпасы.
- Халкъны юйю – туугъан джери.
- Арба аугъандан сора, джол кёргюзтюучю кёб болур.
- Тыш элде солтан болгъандан эсе, кесинги элде олтан болгъан игиди!
- Ариу джол аджал келтирмез.
- Тёрени джагъы джокъ.
- Къатын байлыкъны сюер, эр саулукъну сюер.
- Сангырау къулакъ эл бузар.
- Байны оноуу, джарлыгъа джарамаз.
- Мадар болса, къадар болур.
- Кюлме джашха – келир башха.
- Чарсда алчыны эл кёреди.
- Ушамагъан – джукъмаз.
- Хоншуну тауугъу къаз кёрюнюр, келини къыз кёрюнюр.
- Тёзгеннге, джабылгъан эшик ачылыр.
- Аллахдан тилесенг, кёб тиле.
- Этим кетсе да, сюегим къалыр.
- Биреу ашаб къутулур, биреу джалаб тутулур.
- Билим къая тешер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ариу сёз джыланны орнундан чыгъарыр.
- Таукел къуру къалмаз.
- Ариу сёз – джаннга азыкъ, аман сёз – башха къазыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72