- Уллу къазанда бишген эт, чий къалмаз.
- Адамны бетине къарама, адетине къара.
- Къарын къуру болса, джюрек уру болур.
- Элиб деген, элге болушур.
- Тойгъан антын унутур.
- Кёб джашагъан – кёб билир.
- Джылар джаш, атасыны сакъалы бла ойнар.
- Эл ауузу – элек, анга ийнаннган – халек.
- Зарда марда джокъ.
- Къайгъы тюбю – тенгиз.
- Эркишини аманы тиширыуну джылатыр.
- Къарнынг къанлынга кийирир.
- Джарлы эскисин джамаса, къууаныр.
- Тёзгеннге, джабылгъан эшик ачылыр.
- Башы джабылгъан челекге, кир тюшмез.
- Эки ойлашыб, бир сёлешген.
- Акъыллы башны – тили къысха.
- Ишлемеген – тишлемез.
- Айтылгъан буйрукъ, сёгюлмез
- Сёлеш деб шай берген, тохта деб, сом берген.
- Ашхы сёз таш тешер.
- Суугъа – чабакъ, къаягъа – ыргъакъ.
- Байлыкъ адамны сокъур этер.
- Кесине оноу эте билмеген, халкъына да эте билмез.
- Джаханимни кёрмей, джандетге кёл салмазса.
- Хар сёзню орну барды.
- Алтыннга тот къонмаз.
- Сагъыш – къартлыкъгъа сюйюмчю.
- Халкъны джырын джырласанг, халкъ санга эжиу этер.
- Аманны тукъумуна къарама, игини тукъумун сорма.
- Тилсиз миллет джокъ болур.
- Юйлю уругъа ит чабмаз.
- Сёз къанатсыз учар.
- Айтылгъан сёз ызына къайтмаз.
- Чомарт бергенин айтмаз.
- Ач келгенни – тойдур, кеч келгенни – къондур.
- Насыблы элин сюер, насыбсыз кесин сюер.
- Ишни аллы бла къууанма да, арты бла къууан.
- Бир онгсуз адам адет чыгъарды, деб эштирик тюлсе.
- Билмегенинги, билгеннге сор.
- Чомартха Тейри да борчлуду.
- Сормай – алма, чакъырылмай – барма.
- Джолунга кёре – джюрюшюнг, джагъанга кёре – юлюшюнг.
- Кирсизни – саны таза, халалны – къаны таза.
- Насыб бютеу халкъны юлюшюдю.
- Бозаны арты дауур болур.
- Къолунгдан къуймакъ ашатсанг да, атаны борчундан къутулмазса.
- Тёзген – тёш ашар!
- Эр абынмай, эл танымаз.
- Накъырданы арты керти болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72