- Соргъан айыб тюлдю, билмеген айыбды.
- Насыб бютеу халкъны юлюшюдю.
- Уллу къашыкъ эрин джыртар.
- Шайтан алдады, тюзлюк къаргъады.
- Ашхы атаны – джашы ашхы, ашхы ананы – къызы ашхы.
- Иги сеники эсе да, сюйген кесимикин этеме.
- Билими азны – ауузунда кирит.
- Чабакъ башындан чирийди.
- Аманны къуугъан, аманлыкъ табар.
- Ашын ашагъанынгы, башын да сыйла.
- Кёбден умут этиб, аздан къуру къалма.
- Ашха уста, юйюнде болсун
- Ач къарынны, токъ билмез
- Келлик заман – къартлыкъ келтирир, кетген заман – джашлыкъ ёлтюрюр.
- Сёз садакъдан кючлюдю.
- Ач бёрюге мекям джокъ.
- Адамны аманы адамны бети бла ойнар.
- Урама да – ёледи, сатама да – келеди.
- Терек ауса, отунчу – кёб.
- Эринчекни эр алмаз, эр алса да, кёл салмаз, кёл салса да, кёб бармаз!
- Абынмазлыкъ аякъ джокъ, джангылмазлыкъ джаякъ джокъ.
- Ариу сёз аурууунгу алыр.
- Арбаз сайлама да, хоншу сайла.
- Ариу сёз – къылычдан джити.
- Къонакъны къачан кетерин сорма, къачан келлигин сор.
- Джети тилни билген джети кишиди.
- Насыблы элин сюер, насыбсыз кесин сюер.
- Билмегенинги, билгеннге сор.
- Дуния малгъа сатылма, кесингден телиге къатылма.
- Къанны къан бла джуума, аманны аман бла къуума.
- Келинни – келгинчи, бёркню кийгинчи кёр.
- Джарлы эскисин джамаса, къууаныр.
- Къан бла кирген, джан бла чыгъар.
- Айтхан сёзюне табылгъан.
- Къарт бла баш аша, джаш бла аякъ аша.
- Уруну арты – къуру.
- Ариу сёз джыланны орнундан чыгъарыр.
- Бир абыннган – минг сюрюнюр.
- Уллу сёлешме да, уллу къаб.
- Тойгъандан сора, ашны сёкме.
- Къарт айтханны этмеген, къартаймаз.
- Къарнынг бла ёч алма.
- Адамны адамлыгъы къыйынлыкъда айгъакъланады.
- Ёксюзню тилеги къабыл болур.
- Адебни адебсизден юрен.
- Кёбге таш атма.
- Окъуусуз билим – джокъ, билимсиз кюнюнг – джокъ.
- Элни кючю – эмеген.
- Къайтырыкъ эшигинги, къаты уруб чыкъма.
- Иги болса, тамадама – махтау, аман болса, меннге – айыб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72