- Бети къызарыучу адамны, джюреги харам болмаз.
- Сабийни джумушха джибер да, ызындан бар.
- Адамны джюреги нени кёрюрге сюйсе, кёзю да аны кёрюрге ёч болады.
- Тура эдим джата, къайдан чыкъды хата?
- Акъыл неден да кючлюдю.
- Эки итни арасына сюек атма, эки адамны арасында сёз чыгъарма.
- Джыйырма къойну юч джыйырма эбзе кюте эди.
- Тюзлюк тас болмайды.
- Кесине оноу эте билмеген, халкъына да эте билмез.
- Бёрю да ач къалмасын, эчки да ашалмасын.
- Телини эшигин, махтау джабар.
- Эрине къаргъыш этген къатын, эрнин къабар.
- Ата джурт – алтын бешик.
- Айтылгъан сёз ызына къайтмаз.
- Ёлген ийнек сютлю болур.
- Ауузу аманнга «иги», деме.
- Адамны сыфатына къарама, сёзюне къара.
- Шапа кёб болса, аш татымсыз болур.
- Ач къарным, тынч къулагъым.
- Чабакъсыз кёлге къармакъ салгъанлыкъгъа, чабакъ тутмазса.
- Уясында не кёрсе, учханында аны этер.
- Къызын тута билмеген, тул этер, джашын тута билмеген, къул этер.
- Эринчекни аурууу – кёб.
- Ётюрюкню къуйругъу – бир тутум.
- Аманны къуугъан, аманлыкъ табар.
- Джюрекге ариу – кёзге да ариу.
- Джангыз торгъай джырламаз.
- Къуру гыбыт бек дыгъырдар.
- Суу да къайтады чыкъгъан джерине.
- Чоюнну башы ачыкъ болса, итге уят керекди.
- Aдам боллукъ, сыфатындан белгили.
- Арба аугъандан сора, джол кёргюзтюучю кёб болур.
- Чомартха хар кюн да байрамды.
- Джылыгъа джылан илешир.
- Ишни ахырын ойламай, аллын башлама.
- Чабакъгъа акъыл, табагъа тюшсе келеди.
- Эл элде бирер малынг болгъандан эсе, бирер тенгинг болсун.
- Онгсузну – джакъла, тенгликни – сакъла.
- Уллу айтханны этмеген – уллаймаз.
- Чомартха Тейри да борчлуду.
- Таукелге нюр джауар.
- Дууулдаса – бал чибин, къонса – къара чибин.
- Тик ёргени, тик энгишгеси да болады.
- Насыб бютеу халкъны юлюшюдю.
- Ашха уста, юйюнде болсун
- Эркишиге тары кебек танг кёрюнюр.
- Къралынгы – душмандан, башынгы от бла суудан сакъла.
- Чёбню кёлтюрсенг, тюбюнден сёз чыгъар.
- Джаш къарыу бла кючлю, къарт акъыл бла кючлю.
- Билеги кючлю, бирни джыгъар, билими кючлю, мингни джыгъар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72