- Ашхы атаны – джашы ашхы, ашхы ананы – къызы ашхы.
- Терек ауса, отунчу – кёб.
- Гитче джилтин уллу элни джандырыр.
- Киштикге къанат битсе, чыпчыкъ къалмаз эди.
- Ана – юйню кюн джарыгъы.
- Аш хазыр болса, иш харам болур.
- Эл ауузу – элек, анга ийнаннган – халек.
- Кечеси – аяз, кюню – къыш, джарлы къаргъагъа бир аш тюш!
- Аджаллыгъа окъсуз шкок атылыр.
- Эм ашхы къайын ана мамукъ бла башынгы тешер.
- Аманнга алтын чыдамаз.
- Ёлген аслан – сау чычхан.
- Джырчы джырчыгъа – къарнаш.
- Тели турса – той бузар.
- Аманны эки битли тону болур, бирин сеннге кийдирир, бирин кеси киер.
- Ариу джол аджал келтирмез.
- Арпа, будай – ащды, алтын, кюмюш а – ташды.
- Биреуге аманлыкъ этиб, кесинге игилик табмазса.
- Баш – акъыл ючюн, акъылман – халкъ ючюн.
- Тамчы таш тешер.
- Сабыр джетер муратха, сабырсыз къалыр уятха.
- Ач бёрюге мекям джокъ.
- Адамны сыфатына къарама, сёзюне къара.
- Аманны тукъумуна къарама, игини тукъумун сорма.
- Бети бедерден, намыс сакълама.
- Къуллукъчума, деб махтанма, къуллукъ – хаух джамчыды!
- Къартны бурнун сюрт да, оноугъа тут.
- Чомартха хар кюн да байрамды.
- Эшекге миннген – биринчи айыб, андан джыгъылгъан – экинчи айыб.
- Кесине гебен этелмеген, биреуге черен эте эди.
- Башсыз урчукъ тюзюне айланмаз.
- Къатын байлыкъны сюер, эр саулукъну сюер.
- Къызгъанчдан ычхыныр, мухардан ычхынмаз.
- Таукелге нюр джауар.
- Ичимден чыкъды хата, къайры барайым сата?
- Тёзген – тёш ашар!
- Бозаны арты дауур болур.
- Намысы джокъну – дуниясы джокъ.
- Кёлсюзден сёзсюз тууар.
- Кийимни бичсенг, кенг бич, тар этген къыйын тюлдю.
- Окъугъанны бети джарыкъ.
- Керек ташны ауурлугъу джокъ.
- Махтаннган къыз, тойда джукълар.
- Адам туугъан джеринде, ит тойгъан джеринде.
- Ишлемеген – тишлемез.
- Къарт болгъан джерде, берекет болур, сабий болгъан джерде, оюн болур.
- Ашхы болсанг, атынг чыгъар, аман болсанг, джанынг чыгъар.
- Айран тёгюлсе, джугъусу къалыр.
- Тилчи бир сагъатха айлыкъ хата этер.
- Рысхы – насыбха къор.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72