- Башланнган иш битер, къымылдагъан тиш тюшер.
- Адамны джюреги нени кёрюрге сюйсе, кёзю да аны кёрюрге ёч болады.
- Бети къызарыучу адамны, джюреги харам болмаз.
- Тил бла келеди джыр да.
- Къолу уллу – асыу, аягъы уллу – джарсыу.
- Бети бедерден, намыс сакълама.
- Мухар, кеси тойса да, кёзю тоймаз.
- Къарнынг тойгъунчу аша да, белинг талгъынчы ишле.
- Азыкълы ат арымаз, къатыны аман джарымаз.
- Агъач халкъгъа алтынды, иссиликге салкъынды.
- Уллу атлама – абынырса, уллу къабма – къарылырса.
- Ишлегенден, къарагъан уста.
- Берекет берсин деген джерде, берекет болур.
- Джюз элде джюз ёгюзюм болгъандан эсе, джюз джууугъум болсун.
- Эркиши – от, тиширыу – суу.
- Ауругъан – джашаудан умутчу.
- Иги сеники эсе да, сюйген кесимикин этеме.
- Къонакъ болсанг, ийнакъ бол.
- Эл тойса, тоймагъан, эл къойса, къоймагъан.
- Тура эдим джата, къайдан чыкъды хата?
- Къолунгдан къуймакъ ашатсанг да, атаны борчундан къутулмазса.
- Узун джолну барсанг, бюгюн келирсе, къысха джолну барсанг, тамбла келирсе.
- Тешигини къатында, чычхан да батыр болур.
- Босагъа таш юйге кирмей эди, тыбыр таш эшикге чыкъмай эди.
- Тил – миллетни джаны.
- Баланы адам этген анады.
- Тюзлюк тас болмайды.
- Сагъышы джокъ – джукъучу, акъылы джокъ – къаугъачы.
- Ата Джуртун танымагъан, атасын да танымаз.
- Азыкъ аз болса, эртде орун сал.
- Чёбню кёлтюрсенг, тюбюнден сёз чыгъар.
- Джылкъыдан – ат чыгъар, тукъумдан – джаш чыгъар.
- Чакъырылмагъан къонакъ тёрге атламаз.
- Адеб этмеген, адеб кёрмез.
- Ачны эсинде – аш.
- Тёрде – темир таякълы, къаяда – чыпчыкъ аякълы.
- Ачылгъан эт джабылыр, кёрген кёз унутмаз.
- Чомартны къолу берекет.
- Окъуу – билимни ачхычы, окъуу – дунияны бачхычы.
- Байны къызы баймакъ болса да, юйде къалмаз!
- Чомартха Тейри да борчлуду.
- Халкъны юйю – туугъан джери.
- Таукел къуру къалмаз.
- Кёзню ачылгъаны – иги, ауузну джабылгъаны – иги.
- Азыгъы аз, алгъа къабар, аты аман, алгъа чабар.
- Ач къалгъандан, кеч къалгъан къолай.
- Орундукъ тюбюнде атылсам да, орта джиликме, де да айлан.
- Халкъны джырын джырласанг, халкъ санга эжиу этер.
- Билим къая тешер.
- Кёбню кёрген – кёб билир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72