Эльбрусоид :: Форум :: Архив форумов

Арыгъан къош чамчы болур.
Чомартха хар кюн да байрамды.
Зар адам ашынгы ашар, кесинги сатар.
Бастасын ашагъан, хантусун да ичер.
Аллахдан тилесенг, кёб тиле.
Харам къарнашдан, халал тенг ашхы.
Рысхы джалгъанды: келген да этер, кетген да этер.
Къанны къан бла джуума, аманны аман бла къуума.
Ата джурт – алтын бешик.
Малны кют, джерни тюрт.
Къарнынг ауруса, ауузунгу тый
Къарнынг къанлынга кийирир.
Ушамагъан – джукъмаз.
Иши джокъну, сыйы джокъ.
Джарлы тюеге минсе да, ит къабар.
Игиге айтсанг – билир, аманнга айтсанг – кюлюр.
Элге къуллукъ этмеген, элге ие болмаз.
Чарсда алчыны эл кёреди.
Этим кетсе да, сюегим къалыр.
Садакъачыны джаны – къапчыгъында.
Алма терегинден кери кетмез.
Иесиз малны бёрю ашар.
Билим – акъылны чырагъы.
Эринчекни эр алмаз, эр алса да, кёл салмаз, кёл салса да, кёб бармаз!
Иги бла джюрюсенг, джетерсе муратынга, аман бла джюрюсенг, къалырса уятха.
Уруну арты – къуру.
Тиширыусуз юй – отсуз от джагъа.
Къаллай салам берсенг, аллай джууаб алырса.
Атлыны кёрсе, джаяуну буту талыр.
Акъыл сабырлыкъ берир.
Аманны къуугъан, аманлыкъ табар.
Чакъырылмагъан къонакъ – орунсуз.
Билим насыб берир, билим джолну керир.
Айныгъанлы алты кюн, тогъайгъанлы тогъуз кюн.
Джаш къарыу бла кючлю, къарт акъыл бла кючлю.
Таш бла ургъанны, аш бла ур.
Хазыр ашха – терен къашыкъ.
Таугъа чыгъаллыкъ эсенг, тюзде къалма.
Уллу суу бла уллу ауруудан башынгы сакъла.
Кюн – узун, ёмюр – къысха.
Хар ишни да аллы къыйынды.
Чыбыкълыкъда бюгюлмеген, къазыкълыкъда бюгюлмей эди.
Киштикге къанат битсе, чыпчыкъ къалмаз эди.
Сабий болмагъан джерде, мёлек болмаз.
Билмейме деген – бир сёз
Чыкълы кюнде чыкъмагъан, чыкъса къуру кирмеген.
Джюрекден джюрекге джол барды.
Эки элинги тыйсанг, джети элде махталырса.
Хантына кёре тузу, юйюне кёре къызы.
Къонакъны къачан кетерин сорма, къачан келлигин сор.

Логин:
Пароль:
	Запомнить меня на этом компьютере

Забыли свой пароль?
Регистрация