- Термилгенинги табмазса, кюлгенинге тюберсе.
- Ауузу аманнга «иги», деме.
- Бети къызарыучу адамны, джюреги харам болмаз.
- Таукел къуру къалмаз.
- Ашхылыкъ джерде джатмайды, аманлыкъ суугъа батмайды.
- Иги адамны бир сёзю эки болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ачыу алгъа келсе, акъыл артха къалады.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашлыкъ – бюртюкден, джюн – тюкден.
- Иги адам абынса да, джангылмаз.
- Ишге юренсин къоллары, халкъ бла болсун джоллары.
- Къатын къылыкъсыз, эр тынчлыкъсыз.
- Хантына кёре тузу, юйюне кёре къызы.
- Тенгинг джокъ эсе – изле, бар эсе – сакъла!
- Ариу сёз – джаннга азыкъ, аман сёз – башха къазыкъ.
- Къууут – джелге, берне – бошха.
- Эринчекге кюн узун.
- Тёрени джагъы джокъ.
- Джаш къарыу бла кючлю, къарт акъыл бла кючлю.
- Гугурук къычырмаса да, тангны атары къалмаз.
- Иги болса, тамадама – махтау, аман болса, меннге – айыб.
- Къарт айтханны этмеген, къартаймаз.
- Ишин билген, аны сыйын чыгъарады.
- Эртде тургъан бла эртде юйленнген сокъуранмаз.
- Ашхы – джыяр, аман – джояр.
- Эки ойлашыб, бир сёлешген.
- Ач бёрюге мекям джокъ.
- Джети тилни билген джети кишиди.
- Эки къатын алгъанны къулагъы тынгнгаймаз.
- Акъыллы башны – тили къысха.
- Ауругъанны сау билмез, ач къарынны токъ билмез.
- Чабар ат – джетген къыз.
- Байма, деб да, къууанма, джарлыма, деб да, джылама.
- Гугук кесини атын айтыб къычыргъанча, мен, мен деб нек тураса?
- Ашатыргъа иш – ашхы, ишлетирге аш – ашхы.
- Къатын байлыкъны сюер, эр саулукъну сюер.
- Борчунг бар эсе, хурджунунга ойлаб узал.
- Терек ауса, отунчу – кёб.
- Джашлыкъ этмеген, башлыкъ этмез.
- Ётюрюк хапар аякъ тюбю бла джюрюйдю.
- Адам къаллай бир ишленмесе, аллай бир кесин уллу кёреди.
- Эшекни не къадар тюйсенг да, ат болмаз.
- Эки къатын алгъан – эки ташны ортасына башын салгъан.
- Иги сеники эсе да, сюйген кесимикин этеме.
- Акъыл аздырмаз, билим тоздурмаз.
- Джарлы эскисин джамаса, къууаныр.
- Айтылгъан сёз ызына къайтмаз.
- Киштикге къанат битсе, чыпчыкъ къалмаз эди.
- Игилик игилик бла сингдирилиучю затды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72