- Акъыллы – эл иеси, тели – эл баласы.
- Эки къатын алгъанны къулагъы тынгнгаймаз.
- Кёб ант этген, кёб ётюрюк айтыр.
- Чомартха хар кюн да байрамды.
- Мураты болгъанны джюрек тебюую башхады.
- Аш иеси бла татлыды.
- Зар адам ашынгы ашар, кесинги сатар.
- Азыкълы ат арымаз, къатыны аман джарымаз.
- Тойну къарнашы – харс, джырны къарнашы – эжиу.
- Адамны аты башхача, акъылы да башхады.
- Къарт бла баш аша, джаш бла аякъ аша.
- Халкъгъа джарагъан, джарлы къалмаз.
- Джыйырма къойну юч джыйырма эбзе кюте эди.
- Зар адамны насыбы болмаз.
- Экиндини кеч къылсанг, чабыб джетер ашхам.
- Ач къалгъандан, кеч къалгъан къолай.
- Айыбны суу бла джууалмазса.
- Окъдан джара эртде-кеч болса да бителир, сёз джара, ёмюрге къалыр.
- Мухардан ач ычхынмаз.
- Ат басханны джер билед.
- Сёз сёзню айтдырыр.
- Сютню башын джалагъан къутулур, тюбюн ичген тутулур.
- Къуллукъчума, деб махтанма, къуллукъ – хаух джамчыды!
- Чабакъсыз кёлге къармакъ салгъанлыкъгъа, чабакъ тутмазса.
- Къууут – джелге, берне – бошха.
- Мал ёлсе, сюек къалыр, адам ёлсе, иши къалыр.
- Ётюрюкню башын керти кесер.
- Ашхы адам – халкъ байлыгъы, ашхы джер – джашау байлыгъы.
- Ханы къызы буюгъа-буюгъа киштик болду.
- Аманнга да, игиге да оноусуз къатышма.
- Тёзген – тёш ашар!
- Сёз къанатсыз учар.
- Таула не мийик болсала да, аууш табылыр.
- Къонакъ аман болса, къонакъбай джунчур
- Акъыллы айтыр эди, акъылсыз къоймайды.
- Уллу сёлешме да, уллу къаб.
- Джолунга кёре – джюрюшюнг, джагъанга кёре – юлюшюнг.
- Джангыз терек къынгыр ёсер.
- Ёлген эшек бёрюден къоркъмайды.
- Тойгъандан сора, ашны сёкме.
- Аджаллыгъа окъсуз шкок атылыр.
- Башда акъыл болмаса, эки аякъгъа кюч джетер.
- Къатын байлыкъны сюер, эр саулукъну сюер.
- Эртде тургъан джылкъычыны эркек аты тай табар.
- Джарлы эскисин джамаса, къууаныр.
- Ёксюзню тилеги къабыл болур.
- Эри аманны, къатыны – аман.
- Кеси юйюмде мен да ханма.
- Болджал ишни бёрю ашар.
- Эринчекни аурууу – кёб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72