- Таукел тауну аудурур.
- Тура эдим джата, къайдан чыкъды хата?
- Тойгъан джерден туугъан джер игиди.
- Ашда – бёрю, ишде – ёлю.
- Ауузу аманнга «иги», деме.
- Миллетни бойну – базыкъ, аны бла кюрешген – джазыкъ.
- Билмейме деген – бир сёз
- Къралынгы – душмандан, башынгы от бла суудан сакъла.
- Суу да къайтады чыкъгъан джерине.
- Ата Джуртча джер болмаз, туугъан элча эл болмаз.
- Тёзген – тёш ашар!
- Чакъырылмагъан къонакъ – орунсуз.
- Ишге юренсин къоллары, халкъ бла болсун джоллары.
- Бек анасы джыламаз.
- Джыланны къуйругъундан басарынг келсе, аны башы болгъанын унутма.
- Кёзден кетген, кёлден да кетеди.
- Бал – татлы, балдан да бала – татлы.
- Тенги кёбню джау алмаз, акъылы кёбню дау алмаз.
- Къайтырыкъ эшигинги, къаты уруб чыкъма.
- Къая джолда джортма, ачыкъ сёзден къоркъма.
- Келинин тута билмеген, къул этер, къызын тута билмеген, тул этер.
- Ариу сёз – джаннга азыкъ, аман сёз – башха къазыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёпкелегенни ашы татлы болады.
- Нарт сёз къарт болмаз.
- Азыкълы ат арымаз, къатыны аман джарымаз.
- Кесине гебен этелмеген, биреуге черен эте эди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джаз бир кюнню джатсанг, къыш талай кюнню абынырса.
- Чёбню кёлтюрсенг, тюбюнден сёз чыгъар.
- Битмегеннге сакъал – танг.
- Хар ишни да аллы къыйынды.
- Джети тилни билген джети кишиди.
- Джахил болса анасы, не билликди баласы?
- Ёгюзню мюйюзюнден тутадыла, адамны сёзюнден тутадыла.
- Кенгеш болса, уруш болмаз.
- Аллахха ийнаннган кишини, Аллах онгдурур ишин.
- Къонакъ болсанг, ийнакъ бол.
- Бети бедерден, намыс сакълама.
- Алгъанда – джууукъ, бергенде – джау.
- Телини эшигин, махтау джабар.
- Башсыз урчукъ тюзюне айланмаз.
- От кюйдюрген, сау болса да, тот кюйдюрген, сау болмаз.
- Татлы тилде – сёз ариу, чемер къолда – иш ариу.
- Чомартны къолун джокълукъ байлар.
- Ариу сёзде ауруу джокъ.
- Джарлы тюеге минсе да, ит къабар.
- Нёгер болсанг, тенг бол, тенг болмасанг, кенг бол.
- Эски джаугъа ышанма.
- Ашхы тенг джолгъа салыр, аман тенг джолдан тайдырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72