- Аман адам элни бир-бирине джау этер.
- Кёб джат да, бек чаб.
- Къая джолда джортма, ачыкъ сёзден къоркъма.
- Зар адамны насыбы болмаз.
- Эл ауузу – элек, анга ийнаннган – халек.
- Орундукъ тюбюнде атылсам да, орта джиликме, де да айлан.
- Мухарны эси – ашарыкъда.
- Азыкълы ат арымаз, къатыны аман джарымаз.
- Аджалсыз ёлюм болмаз.
- Оюмсуз атлагъан, аджалсыз ёлюр.
- Чабакъ башындан чирийди.
- Ашыкъгъан cуу, тенгизге джетмез.
- Тойгъан антын унутур.
- Джан саулукъ бермей, сан саулукъ бермезсе.
- Тенгинг джокъ эсе – изле, бар эсе – сакъла!
- Хоншуну тауугъу къаз кёрюнюр, келини къыз кёрюнюр.
- Кёбге таш атма.
- Къан бла кирген, джан бла чыгъар.
- Чомартны къолу берекет.
- Бал чибинни ургъаны – ачы, балы – татлы.
- Къыйынлы джети элни къайгъысын этер.
- Гугурук къычырмаса да, тангны атары къалмаз.
- Къалгъан ишге къар джауар.
- Джарлы джети элни сёзюн этер.
- Чёбню кёлтюрсенг, тюбюнден сёз чыгъар.
- Ач отунчуну ачыуу – бурнунда.
- Биреу къой излей, биреу той излей.
- Тилчиден кери бол.
- Халкъгъа джарагъан, джарлы къалмаз.
- Окъумагъан сокъурду, сокъур ташха абыныр!
- Сакъалы текени да бар, мыйыгъы киштикни да бар.
- Тюзлюк тас болмайды.
- Джол бла сёзню къыйыры джокъ.
- Хантына кёре тузу, юйюне кёре къызы.
- Джахил болса анасы, не билликди баласы?
- Узун джолну барсанг, бюгюн келирсе, къысха джолну барсанг, тамбла келирсе.
- Къуллукъчума, деб махтанма, къуллукъ – хаух джамчыды!
- Айран тёгюлсе, джугъусу къалыр.
- Ач къалгъандан, кеч къалгъан къолай.
- Акъыл сабырлыкъ берир.
- Ишлегенден, къарагъан уста.
- Ётюрюкден тюбю джокъ, кёлтюрюрге джиби джокъ.
- Сабий болмагъан джерде, мёлек болмаз.
- Къатын байлыкъны сюер, эр саулукъну сюер.
- Суугъа – чабакъ, къаягъа – ыргъакъ.
- Джаз бир кюнню джатсанг, къыш талай кюнню абынырса.
- Сёз садакъдан кючлюдю.
- Нафысынгы айтханын этме, намысынгы айтханын эт.
- Намысы болмагъанны, сыйы болмаз.
- Джюрек кёзден алгъа кёрюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72