- Тилчи бир сагъатха айлыкъ хата этер.
- Тил бла келеди джыр да.
- Хатерли къул болур.
- Акъыл бла адеб эгизледиле.
- Къайгъыны сюйген, къайгъы табар.
- Келинин тута билмеген, къул этер, къызын тута билмеген, тул этер.
- Адамны бетине къарама, адетине къара.
- Элиб деген, элге болушур.
- Айтханы чапыракъдан ётмеген.
- Бал – татлы, балдан да бала – татлы.
- Акъыллы – эл иеси, тели – эл баласы.
- Тенги кёбню джау алмаз, акъылы кёбню дау алмаз.
- Ёнгкюч къууана барыр, джылай келир.
- Таш бла ургъанны, аш бла ур.
- Билимсиз иш бармаз.
- Ауругъанны сау билмез, ач къарынны токъ билмез.
- Айран тёгюлсе, джугъусу къалыр.
- Ач бёрюге мекям джокъ.
- Экеулен сёлеше тура эселе, орталарына барыб кирме.
- Юйюнг бла джау болгъандан эсе, элинг бла джау бол.
- Ач уят къоймаз.
- Мухарны эси – ашарыкъда.
- Тойгъа барсанг, тоюб бар, эски тонунгу къоюб бар.
- Ашхы атаны – джашы ашхы, ашхы ананы – къызы ашхы.
- Бети бедерден, намыс сакълама.
- Хар адамгъа кеси миннген тау кибик.
- Чомартха Тейри да борчлуду.
- Ишни аллы бла къууанма да, арты бла къууан.
- Сескекли кесин билдирир.
- Къарт бла баш аша, джаш бла аякъ аша.
- Босагъа таш юйге кирмей эди, тыбыр таш эшикге чыкъмай эди.
- Кесинге джетмегенни, кёб сёлешме.
- Акъыл къартда, джашда тюйюлдю – башдады.
- Джукъу тёшек сайламайды.
- Арбаз къынгырды да, ийнек сауалмайма.
- Чабакъсыз кёлге къармакъ салгъанлыкъгъа, чабакъ тутмазса.
- Джыгъылгъанны сырты джерден тоймаз.
- Айранны сюйген, ийнек тутар.
- Аджаллыгъа окъсуз шкок атылыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Соргъан айыб тюлдю, билмеген айыбды.
- Къайтырыкъ эшигинги, къаты уруб чыкъма.
- Аман киши кеси юйюнде – къонакъ.
- Тилчи тилден къаныкъмаз.
- Джашлыкъ этмеген, башлыкъ этмез.
- Ашхы адам – халкъ байлыгъы, ашхы джер – джашау байлыгъы.
- Тойгъан антын унутур.
- Ашда уялгъан – мухар, ишде уялгъан – хомух.
- Итли къонакъ джарашмаз.
- Тёзгеннге, джабылгъан эшик ачылыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72