- Ким бла джюрюсенг, аны кёзю бла кёрюнюрсе.
- Аджашхан тёгерек айланыр.
- Юре билмеген ит, къонакъ келтирир.
- Тулпарлыкъ, билекден тюл – джюрекден.
- Айыбны суу бла джууалмазса.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джангызны оту джарыкъ джанмаз!
- Намыс болмагъан джерде, насыб болмаз.
- Джиби бир къат джетмей эди да, эки къат тарта эди.
- Биреуге кёлтюрген таягъынг, кесинги башынга урур.
- Юреннген ауруу къалмаз.
- Айтханы чапыракъдан ётмеген.
- Дууулдаса – бал чибин, къонса – къара чибин.
- Мухардан ач ычхынмаз.
- Къайгъыны сюйген, къайгъы табар.
- Джашда акъыл джокъ, къартда къарыу джокъ.
- Башланнган иш битер, къымылдагъан тиш тюшер.
- Адеб этмеген, адеб кёрмез.
- Туз, гырджын аша, тюзлюк бла джаша.
- Джолунга кёре – джюрюшюнг, джагъанга кёре – юлюшюнг.
- Бет бетге къараса, бет да джерге къарар.
- Ашха уста, юйюнде болсун
- Аджалсыз ёлюм болмаз.
- Чабакъгъа акъыл, табагъа тюшсе келеди.
- Кёл ашады да, кеси ашады.
- Окъумагъан сокъурду, сокъур ташха абыныр!
- Термилгенинги табмазса, кюлгенинге тюберсе.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джумушакъ терекни къурт ашар.
- Нёгер болсанг, тенг бол, тенг болмасанг, кенг бол.
- Келинни – келгинчи, бёркню кийгинчи кёр.
- Арпа, будай – ащды, алтын, кюмюш а – ташды.
- Ашыкъгъанны этеги бутуна чырмалыр.
- Ач, тоймам, дейди, тойгъан, ач болмам, дейди.
- Окъугъан – асыу, окъумагъан – джарсыу.
- Азыкълы ат арымаз, къатыны аман джарымаз.
- Этим кетсе да, сюегим къалыр.
- Шайтан алдады, тюзлюк къаргъады.
- Къанны къан бла джуума, аманны аман бла къуума.
- Джыланны къуйругъундан басарынг келсе, аны башы болгъанын унутма.
- Аууз сакълагъан – джан сакълар.
- Керилген да, ургъан кибикди.
- Къызбайны юйюне дери сюрсенг, батыр болур.
- Сабий болмагъан джерде, мёлек болмаз.
- Игиге айтсанг – билир, аманнга айтсанг – кюлюр.
- Айтхан – тынч, этген – къыйын.
- Джангыз терек къынгыр ёсер.
- Суугъа – чабакъ, къаягъа – ыргъакъ.
- Сёз сёзню айтдырыр.
- Насыблы элин сюер, насыбсыз кесин сюер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72