Эльбрусоид :: Форум :: Архив форумов

Хар адамгъа кеси миннген тау кибик.
Ишлерге уял да, ашаргъа табма.
Эрни эр этерик да, къара джер этерик да, тиширыуду.
Баргъанынга кёре болур келгенинг.
Тас болгъан бычакъны сабы – алтын.
Тойгъанлыкъ къойгъа джарашады.
Мухар, кеси тойса да, кёзю тоймаз.
Игилик игилик бла сингдирилиучю затды.
Джуртун къоругъан озар.
Айырылмаз джууугъунга, унутмаз сёзню айтма.
Къая джолда джортма, ачыкъ сёзден къоркъма.
Телиге акъыл салгъандан эсе, ёлгеннге джан салырса.
Эр абынмай, эл танымаз.
Къыз чыгъаргъан – къызыл къымжа.
Ашда – бёрю, ишде – ёлю.
Джолда аягъынга сакъ бол, ушакъда тилинге сакъ бол.
Чакъырылмагъан къонакъ – орунсуз.
Юйюнг бла джау болгъандан эсе, элинг бла джау бол.
Ана кёлю – балада, бала кёлю – талада.
Баланы адам этген анады.
Джаралыны джастыгъында сау ёлюр.
Атадан ёксюз – бир ёксюз, анадан ёксюз – эки ёксюз.
Мухарны эси – ашарыкъда.
Ач да бол, токъ да бол – намысынга бек бол.
Ишлемеген – тишлемез.
Тамчы таш тешер.
Нарт сёз – тилни бети.
Билим ат болуб да чабар, къуш болуб да учар.
Ач уят къоймаз.
Нафысынгы айтханын этме, намысынгы айтханын эт.
Къонакъны къачан кетерин сорма, къачан келлигин сор.
Хар зат кесини орнуна иги.
Джукъу тёшек сайламайды.
Эшекни не къадар тюйсенг да, ат болмаз.
Харам къарнашдан, халал тенг ашхы.
Бети – къучакълар, джюреги – бычакълар.
Къанны къан бла джуума, аманны аман бла къуума.
Юре билмеген ит, къонакъ келтирир.
Узун джолну барсанг, бюгюн келирсе, къысха джолну барсанг, тамбла келирсе.
Аман адам этегингден тутса, кес да къач.
Къарнынг тойгъунчу аша да, белинг талгъынчы ишле.
Уллу сёлешме да, уллу къаб.
Адамны артындан къара сабан сюрме.
Булут кёкге джарашыу, уят бетге джарашыу.
Бойнуму джети джерден кессенг да, мен ол ишни этеллик тюлме.
Намыс сатылыб алынмайды.
Чабакъгъа акъыл, табагъа тюшсе келеди.
Этим кетсе да, сюегим къалыр.
Дуния мал дунияда къалады.
Ач бёрюге мекям джокъ.

Логин:
Пароль:
	Запомнить меня на этом компьютере

Забыли свой пароль?
Регистрация