- Тойгъан джерге джети къайт.
- Тюзлюк тас болмайды.
- Чомартны къолу берекет.
- Ойнай-ойнай кёз чыгъар.
- Джолда аягъынга сакъ бол, ушакъда тилинге сакъ бол.
- Эки ойлашыб, бир сёлешген.
- Адамны сыфатына къарама, сёзюне къара.
- Билим насыб берир, билим джолну керир.
- Эл ауузу – элия.
- Соргъан айыб тюлдю, билмеген айыбды.
- Тюзню ётмеги тюзде къалса да, тас болмаз.
- Бастасын ашагъан, хантусун да ичер.
- Биреуню тёрюнден, кесинги эшик артынг игиди.
- Хоншуну тауугъу къаз кёрюнюр, келини къыз кёрюнюр.
- Ана – юйню кюн джарыгъы.
- Адамны бетине къарама, адетине къара.
- Къозулугъунда тоймагъан, къойлугъунда тоймаз.
- Алма терегинден кери кетмез.
- Тик ёргени, тик энгишгеси да болады.
- Къатыны харакетли болса, эри къымсыз болур.
- Ата Джуртча джер болмаз, туугъан элча эл болмаз.
- Суугъа – чабакъ, къаягъа – ыргъакъ.
- Этек чакъмакълары баш джаргъан, сёлешген сёзлери таш джаргъан.
- Сууда джау джокъ, кёб сёзде магъана джокъ.
- Бал – татлы, балдан да бала – татлы.
- Билимден уллу байлыкъ джокъду.
- Къуллукъчума, деб махтанма, къуллукъ – хаух джамчыды!
- Тамбла алтындан бюгюн багъыр ашхы.
- Кёбню кёрген – кёб билир.
- Суугъа – таянма, джаугъа – ийнанма.
- Акъыллы башны – тили къысха.
- Халкъны юйю – туугъан джери.
- Ойнай билмеген, оюн бузар.
- Чоюнну башы ачыкъ болса, итге уят керекди.
- Айтханы чапыракъдан ётмеген.
- Иги адам абынса да, джангылмаз.
- Эр сокъур болсун, къатын тилсиз болсун.
- Джырына кёре эжиую.
- Биреу къой излей, биреу той излей.
- Акъыл бла адеб эгизледиле.
- Башы джабылгъан челекге, кир тюшмез.
- Аз сёлешген, къайгъысыз турур.
- Тил джюрекге джол ишлейди.
- Джангыз терек къынгыр ёсер.
- Аш кетер да бет къалыр.
- Айныгъанлы алты кюн, тогъайгъанлы тогъуз кюн.
- Чабар ат – джетген къыз.
- Бюгюн дуния кибик, тамбла ахыратды.
- Рысхы – насыбха къор.
- Аман хансны – урлугъу кёб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72