- Къонакъны къачан кетерин сорма, къачан келлигин сор.
- Ашына кёре табагъы, балына кёре къалагъы.
- Атлыны ашхысы, ат тизгининден билинир
- Иги джашны ышаны – аз сёлешиб, кёб тынгылар.
- Ат басханны джер билед.
- Уллу айтханны этмеген – уллаймаз.
- Джерни букъусу кёкге къонмаз.
- Келинин тута билмеген, къул этер, къызын тута билмеген, тул этер.
- Билгенни къолу къарны джандырыр.
- Билимден уллу байлыкъ джокъду.
- Ата – баланы уясы.
- Битмегеннге сакъал – танг.
- Ёмюрлюк шохлукъну джел элтмез.
- Окъуусуз билим – джокъ, билимсиз кюнюнг – джокъ.
- Урама да – ёледи, сатама да – келеди.
- Аллахха ийнаннган кишини, Аллах онгдурур ишин.
- Къайгъыны сюйген, къайгъы табар.
- Ач отунчуну ачыуу – бурнунда.
- Билмегенинги, билгеннге сор.
- Хар сёзню орну барды.
- Билим насыб берир, билим джолну керир.
- Хантына кёре тузу, юйюне кёре къызы.
- Айраннга суу къош, телиге джол бош.
- Ашхы болсанг, атынг чыгъар, аман болсанг, джанынг чыгъар.
- Ишлерге уял да, ашаргъа табма.
- Тёрдеги кюлсе, эшикдеги ышарыр.
- Ёлюр джаннга, ёкюл джокъ.
- Халкъны юйю – туугъан джери.
- Эртде тургъан бла эртде юйленнген сокъуранмаз.
- Биреуге аманлыкъ этиб, кесинге игилик табмазса.
- Кёпюр салгъан кеси ётер, уру къазгъан кеси кетер.
- Ауурну тюбю бла, дженгилни башы бла джюрюген.
- Джан саулукъ бермей, сан саулукъ бермезсе.
- Айранны сюйген, ийнек тутар.
- Къолу уллу – асыу, аягъы уллу – джарсыу.
- Къыз тиширыу кеси юйюнде да къонакъды.
- Кесинг сынамагъан затны, адамгъа буюрма.
- Окъугъан озар, окъумагъан тозар.
- Ариу – кёзге, акъыл – джюрекге.
- Ётюрюкчюню шагъаты – къатында.
- Къошда джокъгъа – юлюш джокъ.
- Эм уллу байлыкъ – джан саулукъ.
- Сакъ юйюне сау барыр.
- Кесине гебен этелмеген, биреуге черен эте эди.
- Таукел адам тау тешер.
- Уллу сёзде уят джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эки элинги тыйсанг, джети элде махталырса.
- Эли джокъну – кёлю джокъ.
- Таякъ этден ётер, тил сюекден ётер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72