- Азыкълы ат арымаз, къатыны аман джарымаз.
- Абынмазлыкъ аякъ джокъ, джангылмазлыкъ джаякъ джокъ.
- Элде адам къалмаса, ит тахтагъа минер.
- Къызбайны юйюне дери сюрсенг, батыр болур.
- Хар адамгъа кеси миннген тау кибик.
- Адеб этмеген, адеб кёрмез.
- Эрни эр этерик да, къара джер этерик да, тиширыуду.
- Кёбге таш атма.
- Кесине оноу эте билмеген, халкъына да эте билмез.
- Ариу сёз – джаннга азыкъ, аман сёз – башха къазыкъ.
- Ариуну – ауруу кёб.
- Къатыны харакетли болса, эри къымсыз болур.
- Аман адамны тепсинге олтуртсанг, къызынгы тилер.
- Башынга джетмегенни сорма.
- От кюйдюрген, сау болса да, тот кюйдюрген, сау болмаз.
- Илму – джашауну джолу.
- Эки къатын алгъан – эки ташны ортасына башын салгъан.
- Тыш элде солтан болгъандан эсе, кесинги элде олтан болгъан игиди!
- Ёксюзню тилеги къабыл болур.
- Ашлыкъ – бюртюкден, джюн – тюкден.
- Нарт сёз къарт болмаз.
- Биреуню тёрюнден, кесинги эшик артынг игиди.
- Алма терегинден кери кетмез.
- Къанны къан бла джуума, аманны аман бла къуума.
- Малны кют, джерни тюрт.
- Чакъырылмагъан къонакъ къачан кетерин сормаз.
- Тиширыусуз юй – отсуз от джагъа.
- Билими азны – ауузунда кирит.
- Орну джокъну – сыйы джокъ.
- Ёгюзню мюйюзлери ауурлукъ этмейдиле.
- Чомартха Тейри да борчлуду.
- Эшекге миннген – биринчи айыб, андан джыгъылгъан – экинчи айыб.
- Кимни – тили, тиши онглу, кимни – къолу, иши онглу.
- Къарнынг бла ёч алма.
- Байма, деб да, къууанма, джарлыма, деб да, джылама.
- Байдан умут эте, джарлыдан ёгюз багъасы къорады.
- Ёлген ийнек сютлю болур.
- Кёб ант этген, кёб ётюрюк айтыр.
- Шайтан алдады, тюзлюк къаргъады.
- Адамны бетине къарама, адетине къара.
- Аджаллыгъа окъсуз шкок атылыр.
- Тилчи тилден къаныкъмаз.
- Атлыны ашхысы, ат тизгининден билинир
- Джырчы джырчыгъа – къарнаш.
- Джангыз терек къынгыр ёсер.
- Эркиши – от, тиширыу – суу.
- Болджал ишни бёрю ашар.
- Окъугъанны бети джарыкъ.
- Аш кетер да бет къалыр.
- Ауузу бла къуш тута айланады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72