- Чакъырылмагъан джерге барма, чакъырылгъан джерден къалма.
- Тешик этген тынчды, аны джамагъан къыйынды.
- Чомартны къолу берекет.
- «Ёгюз, джаргъа джууукъ барма, меннге джюк боллукъса», - дегенди эшек.
- Джаным-тиним – окъуу, билим.
- Аман къатын сабий табса, бий болур…
- Ауузу бла къуш тута айланады.
- Таукелге нюр джауар.
- Таукел къуру къалмаз.
- Джюрекден джюрекге джол барды.
- Эртде тургъан бла эртде юйленнген сокъуранмаз.
- Ач бёрюге мекям джокъ.
- Къыз тиширыу кеси юйюнде да къонакъды.
- Ариу сёз джыланны орнундан чыгъарыр.
- Джумушакъ терекни къурт ашар.
- Суу да къайтады чыкъгъан джерине.
- Биреу къой излей, биреу той излей.
- Биреуге аманлыкъны тилеме да, кесинге ашхылыкъны тиле.
- Босагъагъа джууукъ орун болса, ашыгъыб тёрге озма.
- Ишни аллы бла къууанма да, арты бла къууан.
- Элге къуллукъ этмеген, элге ие болмаз.
- Таугъа чыгъаллыкъ эсенг, тюзде къалма.
- Ёмюрлюк шохлукъну джел элтмез.
- Ариу сёз – къылычдан джити.
- Терек ауса, отунчу – кёб.
- Къатын байлыкъны сюер, эр саулукъну сюер.
- Чакъырылгъанны аты, чакъырылмагъанны багъасы болур.
- Намысы джокъну – дуниясы джокъ.
- Къонагъы джокъну – шоху джокъ.
- Ётюрюкню къуйругъу – бир тутум.
- Билмезни кёзю кёрмез, этмезни къулагъы эшитмез.
- Чыкълы кюнде чыкъмагъан, чыкъса къуру кирмеген.
- Тели турса – той бузар.
- Аш хазыр болса, иш харам болур.
- Ата Джуртун танымагъан, атасын да танымаз.
- Бозанг болмагъан джерге, къалагъынгы сукъма.
- Ушамагъан – джукъмаз.
- Тилчи тилден къаныкъмаз.
- Туз, гырджын аша, тюзлюк бла джаша.
- Джашынгы кесинг юретмесенг, джашау юретир.
- Аджалсыз ёлюм болмаз.
- Аманны къуугъан, аманлыкъ табар.
- Къарнынг бла ёч алма.
- Тин – байлыгъынг, терен саулугъунг.
- Джарлы джети элни сёзюн этер.
- Керти сёзге тёре джокъ.
- Тёзген – тёш ашар!
- Малны кют, джерни тюрт.
- Аш иеси бла татлыды.
- Джети тилни билген джети кишиди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72