Эльбрусоид :: Форум :: Архив форумов

Адам къаллай бир ишленмесе, аллай бир кесин уллу кёреди.
Иги сеники эсе да, сюйген кесимикин этеме.
Джети тилни билген джети кишиди.
Чоюнну башы ачыкъ болса, итге уят керекди.
Джахил болса анасы, не билликди баласы?
Джюрекге ариу – кёзге да ариу.
Керек ташны ауурлугъу джокъ.
Арпа, будай – ащды, алтын, кюмюш а – ташды.
Келинни – келгинчи, бёркню кийгинчи кёр.
Эшекге миннген – биринчи айыб, андан джыгъылгъан – экинчи айыб.
Бет бетге къараса, бет да джерге къарар.
Кёл ашады да, кеси ашады.
Къонакъ болсанг, ийнакъ бол.
Хансыз джомакъ болмаз.
Эрни эр этерик да, къара джер этерик да, тиширыуду.
Эр абынмай, эл танымаз.
Уллу сёзде уят джокъ.
Тау башында, тау болмаз, джангыз терек, бау болмаз.
Соргъан айыб тюлдю, билмеген айыбды.
Къар – келтирди, суу – элтди.
Мадар болса, къадар болур.
Ушамагъан – джукъмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Кирсизни – саны таза, халалны – къаны таза.
Билимли ёлмез, билимсиз кёрмез.
Сабийни джумушха джибер да, ызындан бар.
Нарт сёз – тилни бети.
Аманнга да, игиге да оноусуз къатышма.
Джангыз терек къынгыр ёсер.
Рысхысына кёре, джаш ёсер, къышлыгъына кёре, мал ёсер.
Къатыны харакетли болса, эри къымсыз болур.
Босагъагъа джууукъ орун болса, ашыгъыб тёрге озма.
Билим насыб берир, билим джолну керир.
Ётюрюк хапар аякъ тюбю бла джюрюйдю.
Игиге айтсанг – билир, аманнга айтсанг – кюлюр.
Къарнынг тойгъунчу аша да, белинг талгъынчы ишле.
Бастасын ашагъан, хантусун да ичер.
Аман адамны тепсинге олтуртсанг, къызынгы тилер.
Тамчы таш тешер.
Чакъырылмагъан къонакъ тёрге атламаз.
Кюл тюбюндеги от кёрюнмейди.
Хар адамгъа кеси миннген тау кибик.
Тойчу джашха къарама, къойчу джашха къара.
Ариу сёз джыланны орнундан чыгъарыр.
Атлыны ашхысы, ат тизгининден билинир
Джуртун къоругъан озар.
Сёз садакъдан кючлюдю.
Башсыз урчукъ тюзюне айланмаз.
Экиндини кеч къылсанг, чабыб джетер ашхам.
Сангырау къулакъ эл бузар.

Логин:
Пароль:
	Запомнить меня на этом компьютере

Забыли свой пароль?
Регистрация