- Джогъун бар этген, барын бал этген.
- Аманны тукъумуна къарама, игини тукъумун сорма.
- Айыбны суу бла джууалмазса.
- Бойнуму джети джерден кессенг да, мен ол ишни этеллик тюлме.
- Адеб джокъда, намыс джокъ.
- Чакъырылмагъан къонакъ тёрге атламаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Кёзюнде тереги болгъан, чёбю болгъаннга кюле эди.
- Урама да – ёледи, сатама да – келеди.
- Бал чибинни ургъаны – ачы, балы – татлы.
- Хар адамгъа кеси миннген тау кибик.
- Тилчиден кери бол.
- Игилик игилик бла сингдирилиучю затды.
- От кюйдюрген, сау болса да, тот кюйдюрген, сау болмаз.
- Хар сёзню орну барды.
- Эртде тургъан джылкъычыны эркек аты тай табар.
- Тешик этген тынчды, аны джамагъан къыйынды.
- Таула не мийик болсала да, аууш табылыр.
- Къарыусузгъа кюлме, онгсузгъа тийме.
- Шайтан алдады, тюзлюк къаргъады.
- Насыблы элин сюер, насыбсыз кесин сюер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ишлегенден, къарагъан уста.
- Сабийликде юретмесенг, уллу болса – тюзелмез.
- Джумушакъ терекни къурт ашар.
- Ач, тоймам, дейди, тойгъан, ач болмам, дейди.
- Татлы тилде – сёз ариу, чемер къолда – иш ариу.
- Эринчекни аурууу – кёб.
- Аджашханны ызындагъы кёреди, джангылгъанны джанындагъы биледи.
- Акъыл неден да кючлюдю.
- Зарда марда джокъ.
- Окъдан джара эртде-кеч болса да бителир, сёз джара, ёмюрге къалыр.
- Адамны артындан къара сабан сюрме.
- Акъыллы эркиши атын махтар, акъылсыз эркиши къатынын махтар.
- Аллахдан тилесенг, кёб тиле.
- Ёлген ийнек сютлю болур.
- Кёзю сокъурдан – къоркъма, кёлю сокъурдан – къоркъ.
- Джырчы джырчыгъа – къарнаш.
- Къыз чыгъаргъан – къызыл къымжа.
- Тенги кёбню джау алмаз, акъылы кёбню дау алмаз.
- Киштикге къанат битсе, чыпчыкъ къалмаз эди.
- Тас болгъан бычакъны сабы – алтын.
- Келинин тута билмеген, къул этер, къызын тута билмеген, тул этер.
- Зар адам ашынгы ашар, кесинги сатар.
- Телини эшигин, махтау джабар.
- Ишни аллы бла къууанма да, арты бла къууан.
- Ётген ёмюр – акъгъан суу.
- Тенгинг джокъ эсе – изле, бар эсе – сакъла!
- Уллу суу бла уллу ауруудан башынгы сакъла.
- Кёзню ачылгъаны – иги, ауузну джабылгъаны – иги.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72