Эльбрусоид :: Форум :: Архив форумов

Эски джаугъа ышанма.
Биреу къой излей, биреу той излей.
Мураты болгъанны джюрек тебюую башхады.
Чыбыкълыкъда бюгюлмеген, къазыкълыкъда бюгюлмей эди.
Ишге юренсин къоллары, халкъ бла болсун джоллары.
Акъдан къара болмаз.
Эртде тургъан бла эртде юйленнген сокъуранмаз.
Сангырау къулакъ эл бузар.
Акъылсызны джууукъгъа алма, акъыллыны кенгнге салма.
Юйлю уругъа ит чабмаз.
Тилчи тилден къаныкъмаз.
«Ма», - дегенни билмесенг, «бер», - дегенни билмезсе.
Чакъырылмагъан къонакъ – орунсуз.
Эркишини аманы тиширыуну джылатыр.
Тулпарлыкъ, билекден тюл – джюрекден.
Адам туугъан джеринде, ит тойгъан джеринде.
Ашхы атаны – джашы ашхы, ашхы ананы – къызы ашхы.
Эки къатын алгъан – эки ташны ортасына башын салгъан.
Окъугъанны бети джарыкъ.
Келлик заман – къартлыкъ келтирир, кетген заман – джашлыкъ ёлтюрюр.
Мал тутхан – май джалар.
Босагъа таш юйге кирмей эди, тыбыр таш эшикге чыкъмай эди.
Ёлюк кебинсиз къалмаз.
Ашыкъгъан cуу, тенгизге джетмез.
Аманнга алтын чыдамаз.
Чыкълы кюнде чыкъмагъан, чыкъса къуру кирмеген.
Кийим тукъум сордурур.
Къонагъынгы артмагъын алма да, алгъышын ал.
Айранны сюйген, ийнек тутар.
Чакъырылмагъан къонакъ тёрге атламаз.
Башда акъыл болмаса, эки аякъгъа кюч джетер.
Къая джолда джортма, ачыкъ сёзден къоркъма.
Оюмсуз атлагъан, аджалсыз ёлюр.
Ойнай билмеген, оюн бузар.
Мен да «сен», дейме, сен да «кесим», дейсе.
Битмегеннге сакъал – танг.
Мадар болса, къадар болур.
Ётюрюкчюню шагъаты – къатында.
Ёзденликни кёбю ётюрюк.
Джетген къыз джерли эшекни танымаз.
Ишленмеклик адамлыкъды.
Намыс болмагъан джерде, насыб болмаз.
Ариу сёз джыланны орнундан чыгъарыр.
Эки къатын алгъанны къулагъы тынгнгаймаз.
Айтхан – тынч, этген – къыйын.
Билмейме деген – бир сёз
Этим кетсе да, сюегим къалыр.
Ашда – бёрю, ишде – ёлю.
Ётюрюкню къуйругъу – бир тутум.
Танг атмайма десе да, кюн къоярыкъ тюйюлдю.

Логин:
Пароль:
	Запомнить меня на этом компьютере

Забыли свой пароль?
Регистрация