- Билим ат болуб да чабар, къуш болуб да учар.
- Кёл ашады да, кеси ашады.
- Ач отунчуну ачыуу – бурнунда.
- Къызны минг тилер, бир алыр.
- Тамбла алтындан бюгюн багъыр ашхы.
- Билгенни къолу къарны джандырыр.
- Тенги кёбню джау алмаз, акъылы кёбню дау алмаз.
- Билимден уллу байлыкъ джокъду.
- Чомарт къонакъ юй иесин сыйлар.
- Акъыл аздырмаз, билим тоздурмаз.
- Джетген къыз джерли эшекни танымаз.
- Аллахха ийнаннган кишини, Аллах онгдурур ишин.
- Бети къызарыучу адамны, джюреги харам болмаз.
- Атлыны кёрсе, джаяуну буту талыр.
- Ишлегенде эринме, ишде чолакъ кёрюнме.
- Эркишини аманы тиширыуну джылатыр.
- Ургъан суудан башынгы сакъла.
- Тау башында, тау болмаз, джангыз терек, бау болмаз.
- Бир онгсуз адам адет чыгъарды, деб эштирик тюлсе.
- Телиге от эт десенг, юйюнге от салыр.
- Ёзденликни кёбю ётюрюк.
- Къатын къылыкъсыз, эр тынчлыкъсыз.
- Кёзден кетген, кёлден да кетеди.
- Джарлыны эшигин махтагъан джабар.
- Ариу сёз – джаннга азыкъ, аман сёз – башха къазыкъ.
- Джыланны къуйругъундан басарынг келсе, аны башы болгъанын унутма.
- Уллу сёзде уят джокъ.
- Сёз садакъдан кючлюдю.
- Кюлме джашха – келир башха.
- Къыз чыгъаргъан – къызыл къымжа.
- Экиндини кеч къылсанг, чабыб джетер ашхам.
- Ашхы сёз таш тешер.
- Къонакъ болсанг, ийнакъ бол.
- Къозулугъунда тоймагъан, къойлугъунда тоймаз.
- Аман хансны – урлугъу кёб.
- Босагъа таш юйге кирмей эди, тыбыр таш эшикге чыкъмай эди.
- Ауругъанны сау билмез, ач къарынны токъ билмез.
- Джарлы тюеге минсе да, ит къабар.
- Насыб бютеу халкъны юлюшюдю.
- Джаш болсун, къыз болсун, акъылы, саны тюз болсун.
- Сабийликде юретмесенг, уллу болса – тюзелмез.
- Кёпюр салгъан кеси ётер, уру къазгъан кеси кетер.
- Айтхан сёзюне табылгъан.
- Айран ичген – къутулду, джугъусун джалагъан – тутулду.
- Зар адамны насыбы болмаз.
- Ач – эснер, ат – кишнер.
- Ач келгенни – тойдур, кеч келгенни – къондур.
- Баланы адам этген анады.
- Адамны артындан къара сабан сюрме.
- Олтуруб кёрюнмей эди да, ёрге туруб кёрюне эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72