- Ёксюзню къалачы уллу кёрюнюр.
- Биреу къой излей, биреу той излей.
- Тёгюлген тюгел джыйылмайды.
- Ишни аллы бла къууанма да, арты бла къууан.
- Ётюрюкчюню шагъаты – къатында.
- Термилгенинги табмазса, кюлгенинге тюберсе.
- Джукъу тёшек сайламайды.
- Малны кют, джерни тюрт.
- Ашын ашагъанынгы, башын да сыйла.
- Уясында не кёрсе, учханында аны этер.
- Ата Джуртуму башы болмасам да, босагъасында ташы болайым.
- Ашхылыкъ джерде джатмайды, аманлыкъ суугъа батмайды.
- Къонакъны къачан кетерин сорма, къачан келлигин сор.
- Ышармагъан – кюлмез, кюлмеген – къууанчны билмез.
- Къар – келтирди, суу – элтди.
- Элге къуллукъ этмеген, элге ие болмаз.
- Ёгюзню мюйюзюнден тутадыла, адамны сёзюнден тутадыла.
- Эри аманны, къатыны – аман.
- Джылыгъа джылан илешир.
- Таякъ этден ётер, тил сюекден ётер.
- Босагъагъа джууукъ орун болса, ашыгъыб тёрге озма.
- Аякъларынгы джууургъанынга кёре узат.
- Кёл ашады да, кеси ашады.
- Тешигини къатында, чычхан да батыр болур.
- Чыбыкълыкъда бюгюлмеген, къазыкълыкъда бюгюлмей эди.
- Адеб этмеген, адеб кёрмез.
- Аш хазыр болса, иш харам болур.
- Кийим тукъум сордурур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Нарт сёз къарт болмаз.
- Хантына кёре тузу, юйюне кёре къызы.
- Башсыз урчукъ тюзюне айланмаз.
- Арбаз сайлама да, хоншу сайла.
- Акъылсызны джууукъгъа алма, акъыллыны кенгнге салма.
- Тилчиден кери бол.
- Ач да бол, токъ да бол – намысынга бек бол.
- Джюрекден джюрекге джол барды.
- Шапа кёб болса, аш татымсыз болур.
- Ойнай-ойнай кёз чыгъар.
- Ёпкелегенни ашы татлы болады.
- Къыз чыгъаргъан – къызыл къымжа.
- Адамны аманы адамны бети бла ойнар.
- Чакъырылгъанны аты, чакъырылмагъанны багъасы болур.
- Таукелге нюр джауар.
- Ишлегенде эринме, ишде чолакъ кёрюнме.
- Иесиз малны бёрю ашар.
- Байлыкъ келсе, акъыл кетер.
- Къаллай салам берсенг, аллай джууаб алырса.
- Ишге юренсин къоллары, халкъ бла болсун джоллары.
- Эр абынмай, эл танымаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72