- Акъыллы – эл иеси, тели – эл баласы.
- Къызны минг тилер, бир алыр.
- Сескекли кесин билдирир.
- Чомарт джарлы болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Джогъун бар этген, барын бал этген.
- Дуния мал дунияда къалады.
- Игилик игилик бла сингдирилиучю затды.
- Эл бла кёргенинг эрелей.
- Ётюрюкчюню шагъаты – къатында.
- Джарлыны эшигин махтагъан джабар.
- Башы джабылгъан челекге, кир тюшмез.
- Джаш къарыу бла кючлю, къарт акъыл бла кючлю.
- «Ма», - дегенни билмесенг, «бер», - дегенни билмезсе.
- Булут кёкге джарашыу, уят бетге джарашыу.
- Къалгъан ишге къар джауар.
- Къонагъы джокъну – шоху джокъ.
- Бал – татлы, балдан да бала – татлы.
- Ёмюрлюк шохлукъну джел элтмез.
- Ачлыкъда тары гырджын халыуадан татлы.
- Акъылсызны джууукъгъа алма, акъыллыны кенгнге салма.
- От кюйдюрген, сау болса да, тот кюйдюрген, сау болмаз.
- Ургъан суудан башынгы сакъла.
- Ат да турмайды бир териде.
- Эте билген, этген этеди, эте билмеген, юретген этеди!
- Элде адам къалмаса, ит тахтагъа минер.
- Джетген къыз джерли эшекни танымаз.
- Баш болса, бёрк табылыр.
- Таякъ этден ётер, тил сюекден ётер.
- Адамны адамлыгъы къыйынлыкъда айгъакъланады.
- Адам сёзюнден белгили.
- Ашын ашагъанынгы, башын да сыйла.
- Эркиши – от, тиширыу – суу.
- Билимли ёлмез, билимсиз кёрмез.
- Джаз бир кюнню джатсанг, къыш талай кюнню абынырса.
- Сибиртки да сыйлы болду, кюрек да кюнлю болду.
- Джырчы джырчыгъа – къарнаш.
- Иги адам абынса да, джангылмаз.
- Билимсиз иш бармаз.
- Эки элинги тыйсанг, джети элде махталырса.
- Дууулдаса – бал чибин, къонса – къара чибин.
- Билгенни къолу къарны джандырыр.
- Ишге юренсин къоллары, халкъ бла болсун джоллары.
- Къошда джокъгъа – юлюш джокъ.
- Аман адам этегингден тутса, кес да къач.
- Сёз – кюмюш, джыр – алтын.
- Уруну арты – къуру.
- Къарны аманнга къазан такъдырма, къолу аманнга от джакъдырма.
- Телини эшигин, махтау джабар.
- Олтуруб кёрюнмей эди да, ёрге туруб кёрюне эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72