- Къонагъы джокъну – шоху джокъ.
- Кёпюр салгъан кеси ётер, уру къазгъан кеси кетер.
- Чакъырылмай келген къонакъ сыйланмай кетер.
- Атлыны кёрсе, джаяуну буту талыр.
- Джиби бир къат джетмей эди да, эки къат тарта эди.
- Кюл тюбюндеги от кёрюнмейди.
- Джылар джаш, атасыны сакъалы бла ойнар.
- Бозанг болмагъан джерге, къалагъынгы сукъма.
- Сангырау къулакъ эл бузар.
- Джангызны оту джарыкъ джанмаз!
- Сибиртки да сыйлы болду, кюрек да кюнлю болду.
- Адам сёзге тынгыла, акъыл сёзню ангыла.
- Аман хансны – урлугъу кёб.
- Хатерли къул болур.
- Ёгюзню мюйюзлери ауурлукъ этмейдиле.
- Тёзгеннге, джабылгъан эшик ачылыр.
- Тёрде – темир таякълы, къаяда – чыпчыкъ аякълы.
- Аджашханны ызындагъы кёреди, джангылгъанны джанындагъы биледи.
- Рысхысына кёре, джаш ёсер, къышлыгъына кёре, мал ёсер.
- Ауузу аманнга «иги», деме.
- Эртде тургъан джылкъычыны эркек аты тай табар.
- Джашынгы кесинг юретмесенг, джашау юретир.
- Суу кетер, таш къалыр.
- Тели турса – той бузар.
- Аман киши кеси юйюнде – къонакъ.
- Ариу сёз аурууунгу алыр.
- Къызны минг тилер, бир алыр.
- Кесине гебен этелмеген, биреуге черен эте эди.
- Къайгъыны сюйген, къайгъы табар.
- Хантына кёре тузу, юйюне кёре къызы.
- Башсыз урчукъ тюзюне айланмаз.
- Хоншуну тауугъу къаз кёрюнюр, келини къыз кёрюнюр.
- Тенги кёбню джау алмаз, акъылы кёбню дау алмаз.
- Къатын къылыкъсыз, эр тынчлыкъсыз.
- Къан бла кирген, джан бла чыгъар.
- Ач келгенни – тойдур, кеч келгенни – къондур.
- Акъыллы айтыр эди, акъылсыз къоймайды.
- Адеб этмеген, адеб кёрмез.
- Къанны къан бла джуума, аманны аман бла къуума.
- Мухарны эси – ашарыкъда.
- Джаш болсун, къыз болсун, акъылы, саны тюз болсун.
- Агъач халкъгъа алтынды, иссиликге салкъынды.
- Баш – акъыл ючюн, акъылман – халкъ ючюн.
- Адам къыйынлыгъын кёлтюрюр, зауукълугъун кёлтюрмез.
- Бал – татлы, балдан да бала – татлы.
- Къобан да къуру да къобханлай турмайды, адам да къуру да патчахлай турмайды.
- Къаллай салам берсенг, аллай джууаб алырса.
- Кесине оноу эте билмеген, халкъына да эте билмез.
- Акъыллы – эл иеси, тели – эл баласы.
- Бал чибинни ургъаны – ачы, балы – татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72