Эльбрусоид :: Форум :: Архив форумов

Сёз садакъдан кючлюдю.
Накъырда – кертини келечиси.
Игиге айтсанг – билир, аманнга айтсанг – кюлюр.
Ашхылыкъ джерде джатмайды, аманлыкъ суугъа батмайды.
Тёгюлген тюгел джыйылмайды.
Болджал ишни бёрю ашар.
Ата – билек, ана – джюрек!
Ёпкелегенни ашы татлы болады.
Байлыкъ тауусулур, билим тауусулмаз.
Айраннга суу къош, телиге джол бош.
Биреуню эскиси биреуге джангы болмайды.
Къартны сыйын кёрмеген, къартлыгъында сыйлы болмаз.
Иесиз малны бёрю ашар.
Ана къолу ачытмаз.
Юре билмеген ит, къонакъ келтирир.
Тас болгъан бычакъны сабы – алтын.
Тин – байлыгъынг, терен саулугъунг.
Адамны сыфатына къарама, сёзюне къара.
Къатын къылыкъсыз, эр тынчлыкъсыз.
Эртде тургъан бла эртде юйленнген сокъуранмаз.
Эки элинги тыйсанг, джети элде махталырса.
Эки къатын алгъан – эки ташны ортасына башын салгъан.
Аманны эки битли тону болур, бирин сеннге кийдирир, бирин кеси киер.
Къыз тиширыу кеси юйюнде да къонакъды.
Чомарт бергенин айтмаз.
Кесинг сынамагъан затны, адамгъа буюрма.
Джумушакъ сёз къаты таякъны сындырыр.
Сыфатында болмагъаны, суратында болмаз.
Ана – юйню кюн джарыгъы.
Олтуруб кёрюнмей эди да, ёрге туруб кёрюне эди.
Нарт сёз – тилни бети.
Келинин тута билмеген, къул этер, къызын тута билмеген, тул этер.
Кесинге джетмегенни, кёб сёлешме.
Кёзюнде тереги болгъан, чёбю болгъаннга кюле эди.
Тыш элде солтан болгъандан эсе, кесинги элде олтан болгъан игиди!
Джаханимни кёрмей, джандетге кёл салмазса.
Сагъыш – къартлыкъгъа сюйюмчю.
Хата – гитчеден.
Тил – миллетни джаны.
Телиге акъыл салгъандан эсе, ёлгеннге джан салырса.
Джетген къыз джерли эшекни танымаз.
Магъанасыз сёз – тауушсуз сыбызгъы.
Джаш къарыу бла кючлю, къарт акъыл бла кючлю.
Гугурук къычырмаса да, тангны атары къалмаз.
Танг атмайма десе да, кюн къоярыкъ тюйюлдю.
Билим къая тешер.
Эринчекге кюн узун.
Аман къатын сабий табса, бий болур…
Кёб ант этген, кёб ётюрюк айтыр.
Кёл – къызбай, къол – батыр.

Логин:
Пароль:
	Запомнить меня на этом компьютере

Забыли свой пароль?
Регистрация