- Тил джюрекге джол ишлейди.
- Башы ишлегенни, ауузу да ишлер.
- Ёпкелегенни ашы татлы болады.
- Джаралыны джастыгъында сау ёлюр.
- Ата – билек, ана – джюрек!
- Къазанчы аман болса, къазаны къайнамаз.
- Адамны сабийин сюйген джюреги, бычакъча, джитиди.
- Кёбге таш атма.
- Тамбла алтындан бюгюн багъыр ашхы.
- Керти сёзге тёре джокъ.
- Оюмсуз атлагъан, аджалсыз ёлюр.
- Эки къатын алгъан – эки ташны ортасына башын салгъан.
- Ач уят къоймаз.
- Игилик игилик бла сингдирилиучю затды.
- Кёзюнде тереги болгъан, чёбю болгъаннга кюле эди.
- Илму – джашауну джолу.
- Телиге акъыл салгъандан эсе, ёлгеннге джан салырса.
- Нёгерсизни джолу узун.
- Ишлерге уял да, ашаргъа табма.
- Кенгеш болса, уруш болмаз.
- Алгъанда – джууукъ, бергенде – джау.
- Ашда уялгъан – мухар, ишде уялгъан – хомух.
- Джашны джигитлиги сорулур, къызны джигерлиги сорулур.
- Сёлеш деб шай берген, тохта деб, сом берген.
- Артына баргъанны, къатына барма.
- Халкъны юйю – туугъан джери.
- Кёб джат да, бек чаб.
- Байлыкъдан саулукъ ашхыды.
- Эртде тургъан бла эртде юйленнген сокъуранмаз.
- Акъыллы эркиши атын махтар, акъылсыз эркиши къатынын махтар.
- Ачны эсинде – аш.
- Асхат ашлыкъ сата, юйдегиси ачдан къата.
- Кюн – узун, ёмюр – къысха.
- Джарлыны тону джаз битер.
- Ишлемеген – тишлемез.
- Аман эсирсе, юйюн ояр.
- Тенгни тенглиги джашай барсанг билинир.
- Рысхысына кёре, джаш ёсер, къышлыгъына кёре, мал ёсер.
- Келинин тута билмеген, къул этер, къызын тута билмеген, тул этер.
- Уллу къашыкъ эрин джыртар.
- Бет бетге къараса, бет да джерге къарар.
- Чакъырылмагъан къонакъ – орунсуз.
- Сабийликде юретмесенг, уллу болса – тюзелмез.
- Ачыу алгъа келсе, акъыл артха къалады.
- Кёзню ачылгъаны – иги, ауузну джабылгъаны – иги.
- Аманны эки битли тону болур, бирин сеннге кийдирир, бирин кеси киер.
- Джангыз торгъай джырламаз.
- Тенги кёбню джау алмаз, акъылы кёбню дау алмаз.
- Терек ауса, отунчу – кёб.
- Ауузу аманнга «иги», деме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72