- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Дуния малгъа сатылма, кесингден телиге къатылма.
- Ётген ёмюр – акъгъан суу.
- Зар адамны насыбы болмаз.
- Ишлемеген – тишлемез.
- Ана кёлю – балада, бала кёлю – талада.
- Агъач – джерни чырайы, кийим – эрни чырайы.
- Билими азны – ауузунда кирит.
- Ойнаб айтсанг да, эслеб айт.
- Намыс сатылыб алынмайды.
- Аджашханны ызындагъы кёреди, джангылгъанны джанындагъы биледи.
- Кёб джат да, бек чаб.
- Эл ауузу – элек, анга ийнаннган – халек.
- Кюн – узун, ёмюр – къысха.
- Кёпюр салгъан кеси ётер, уру къазгъан кеси кетер.
- Тёрдеги кюлсе, эшикдеги ышарыр.
- Бети къызарыучу адамны, джюреги харам болмаз.
- Ётюрюкчюню шагъаты – къатында.
- Джаралыны джастыгъында сау ёлюр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къарнынг къанлынга кийирир.
- Акъдан къара болмаз.
- Джахил болса анасы, не билликди баласы?
- Джерни букъусу кёкге къонмаз.
- Биреу ашаб къутулур, биреу джалаб тутулур.
- Сакъалы текени да бар, мыйыгъы киштикни да бар.
- Тура эдим джата, къайдан чыкъды хата?
- Башынга джетмегенни сорма.
- Къарт бла баш аша, джаш бла аякъ аша.
- Адамны сабийин сюйген джюреги, бычакъча, джитиди.
- Айтхан сёзюне табылгъан.
- Джогъун бар этген, барын бал этген.
- Къартны сыйын кёрмеген, къартлыгъында сыйлы болмаз.
- Тас болгъан бычакъны сабы – алтын.
- Татлы сёз – балдан татлы.
- Керек ташны ауурлугъу джокъ.
- Къызын тута билмеген, тул этер, джашын тута билмеген, къул этер.
- Уллу къазанда бишген эт, чий къалмаз.
- Таукелге нюр джауар.
- Дуния мал дунияда къалады.
- Чомарт джарлы болмаз.
- Ёлген ийнек сютлю болур.
- Билмезни кёзю кёрмез, этмезни къулагъы эшитмез.
- Сёлеш деб шай берген, тохта деб, сом берген.
- Джылар джаш, атасыны сакъалы бла ойнар.
- Билеги кючлю, бирни джыгъар, билими кючлю, мингни джыгъар.
- Керти сёзге тёре джокъ.
- Юре билмеген ит, къонакъ келтирир.
- Танг атмайма десе да, кюн къоярыкъ тюйюлдю.
- Аманны эки битли тону болур, бирин сеннге кийдирир, бирин кеси киер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72