Эльбрусоид :: Форум :: Архив форумов

Эллинг бла джау болсанг да, юйюнг бла джау болма.
Сёз – кюмюш, джыр – алтын.
Аз сёлешген, къайгъысыз турур.
Шапа кёб болса, аш татымсыз болур.
Айтылгъан сёз ызына къайтмаз.
Ат басханны джер билед.
Къумурсхала джыйылсала, пилни да джыгъадыла.
Ёлюр джаннга, ёкюл джокъ.
Босагъагъа джууукъ орун болса, ашыгъыб тёрге озма.
Кёл – къызбай, къол – батыр.
Дженгил джетерикме деб, узун джолну къоюб, къысхасын барма.
Бети – къучакълар, джюреги – бычакълар.
Кёб ант этген, кёб ётюрюк айтыр.
Тулпарлыкъ, билекден тюл – джюрекден.
Чоюнну башы ачыкъ болса, итге уят керекди.
Ауурну тюбю бла, дженгилни башы бла джюрюген.
Айырылмаз джууугъунга, унутмаз сёзню айтма.
Къошда джокъгъа – юлюш джокъ.
Нарт сёз къарт болмаз.
Эки итни арасына сюек атма, эки адамны арасында сёз чыгъарма.
Аманнга да, игиге да оноусуз къатышма.
Таякъ этден ётер, тил сюекден ётер.
Этек чакъмакълары баш джаргъан, сёлешген сёзлери таш джаргъан.
Ётюрюкчюню шагъаты – къатында.
Бичгенде ашыкъма, тикгенде ашыкъ.
Джангызны оту джарыкъ джанмаз!
Къарны аманнга къазан такъдырма, къолу аманнга от джакъдырма.
Джауумдан сора, кюн кюйдюрюр, ётюрюкден сора, айыб кюйдюрюр.
Бал чибинни ургъаны – ачы, балы – татлы.
Хантына кёре тузу, юйюне кёре къызы.
Аууз сакълагъан – джан сакълар.
Чакъырылмай келген къонакъ сыйланмай кетер.
Ургъан суудан башынгы сакъла.
Кийимни бичсенг, кенг бич, тар этген къыйын тюлдю.
Эри аманны, къатыны – аман.
Рысхы джалгъанды: келген да этер, кетген да этер.
Ата джурт – алтын бешик.
Сагъыш – къартлыкъгъа сюйюмчю.
Ариуну – ауруу кёб.
Тыш элде солтан болгъандан эсе, кесинги элде олтан болгъан игиди!
Тели турса – той бузар.
Ёлюк кебинсиз къалмаз.
Суу да къайтады чыкъгъан джерине.
Къызны минг тилер, бир алыр.
Ашлыкъ – бюртюкден, джюн – тюкден.
Ашарыкъда сайлагъаннга – чий гырджын.
Алгъанда – джууукъ, бергенде – джау.
Тюз сёз баргъан сууну тыяр.
Байлыкъ болгъан джерде, тынчлыкъ джокъду.
Джолда аягъынга сакъ бол, ушакъда тилинге сакъ бол.

Логин:
Пароль:
	Запомнить меня на этом компьютере

Забыли свой пароль?
Регистрация