- Эки къатын алгъанны къулагъы тынгнгаймаз.
- Терек ауса, отунчу – кёб.
- Келинин тута билмеген, къул этер, къызын тута билмеген, тул этер.
- Зар адамны насыбы болмаз.
- Аманны къуугъан, аманлыкъ табар.
- Ана къойну – балагъа джандет.
- Берекет берсин деген джерде, берекет болур.
- Онгсузну – джакъла, тенгликни – сакъла.
- Чакъырылмагъан къонакъ тёрге атламаз.
- Джаш болсун, къыз болсун, акъылы, саны тюз болсун.
- Аурууну келиую тынч, кетиую – къыйын.
- Кюн – узун, ёмюр – къысха.
- Аман киши кеси юйюнде – къонакъ.
- Суу да къайтады чыкъгъан джерине.
- Атынг аманнга чыкъгъандан эсе, джанынг тамагъынгдан чыкъсын.
- Мал кёб болса, джууукъ кёб болур.
- Окъуу – билимни ачхычы, окъуу – дунияны бачхычы.
- Ариу сёзде ауруу джокъ.
- Махтаннган къыз, тойда джукълар.
- Керилген да, ургъан кибикди.
- Атадан ёксюз – бир ёксюз, анадан ёксюз – эки ёксюз.
- Биреуню эскиси биреуге джангы болмайды.
- Зар адам ашынгы ашар, кесинги сатар.
- Хоншуну тауугъу къаз кёрюнюр, келини къыз кёрюнюр.
- Тюзню ётмеги тюзде къалса да, тас болмаз.
- Ашхылыкъ джерде джатмайды, аманлыкъ суугъа батмайды.
- Чомартны къолун джокълукъ байлар.
- Сангырау къулакъ эл бузар.
- Окъугъанны бети джарыкъ.
- Намыс болмагъан джерде, насыб болмаз.
- Керти сёзге тёре джокъ.
- Ёзденликни кёбю ётюрюк.
- Ётюрюкчюню шагъаты – къатында.
- Кийиминг бла танылма, адамлыкъ бла таныл.
- Аууздан келген, къолдан келсе, ким да патчах болур эди.
- Чыкълы кюнде чыкъмагъан, чыкъса къуру кирмеген.
- Абынмазлыкъ аякъ джокъ, джангылмазлыкъ джаякъ джокъ.
- Адамны аманы адамны бети бла ойнар.
- Къуллукъчума, деб махтанма, къуллукъ – хаух джамчыды!
- Сабийликде юретмесенг, уллу болса – тюзелмез.
- Ёмюрлюк шохлукъну джел элтмез.
- Къарын къуру болса, джюрек уру болур.
- Огъурлуну сёзю – суу, огъурсузну сёзю – уу.
- Ач бёрюге мекям джокъ.
- Джаным-тиним – окъуу, билим.
- Ачлыкъда тары гырджын халыуадан татлы.
- Къазанда болса, чолпугъа чыгъар.
- Келинни – келгинчи, бёркню кийгинчи кёр.
- Ёгюзню мюйюзюнден тутадыла, адамны сёзюнден тутадыла.
- Къарнынг ауруса, ауузунгу тый
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72