- Уллу сёлешме да, уллу къаб.
- Терек ауса, отунчу – кёб.
- Келлик заман – къартлыкъ келтирир, кетген заман – джашлыкъ ёлтюрюр.
- Баргъанынга кёре болур келгенинг.
- Атлыны кёрсе, джаяуну буту талыр.
- Джаным-тиним – окъуу, билим.
- Ашда уялгъан – мухар, ишде уялгъан – хомух.
- Эрни эр этерик да, къара джер этерик да, тиширыуду.
- Кёбню кёрген – кёб билир.
- Таукел тауну аудурур.
- Эл ауузу – элек, анга ийнаннган – халек.
- Биреу ашаб къутулур, биреу джалаб тутулур.
- Бек ашыкъгъан меннге джетсин, дегенди аракъы.
- Татлы тилде – сёз ариу, чемер къолда – иш ариу.
- Арпа, будай – ащды, алтын, кюмюш а – ташды.
- Джылкъыдан – ат чыгъар, тукъумдан – джаш чыгъар.
- Сютню башын джалагъан къутулур, тюбюн ичген тутулур.
- Ат да турмайды бир териде.
- Ана – юйню кюн джарыгъы.
- Къарны аманнга къазан такъдырма, къолу аманнга от джакъдырма.
- Акъыл сабырлыкъ берир.
- Мухарны эси – ашарыкъда.
- Джолунга кёре – джюрюшюнг, джагъанга кёре – юлюшюнг.
- Биреуге кёлтюрген таягъынг, кесинги башынга урур.
- Адеб базарда сатылмаз.
- Ким бла джюрюсенг, аны кёзю бла кёрюнюрсе.
- Сескекли кесин билдирир.
- Эски джаугъа ышанма.
- Ётюрюкню къуйругъу – бир тутум.
- Аш кетер да бет къалыр.
- Джангызны оту джарыкъ джанмаз!
- Намысы болмагъанны, сыйы болмаз.
- Адам туугъан джеринде, ит тойгъан джеринде.
- Окъугъанны бети джарыкъ.
- Кесине гебен этелмеген, биреуге черен эте эди.
- Уллу къашыкъ эрин джыртар.
- Этни да ашады, бетни да ашады.
- Тойчу джашха къарама, къойчу джашха къара.
- Джарлы тюеге минсе да, ит къабар.
- Ачылгъан эт джабылыр, кёрген кёз унутмаз.
- Ашха уста, юйюнде болсун
- Келгинчи, къонакъ уялыр, келгенден сора, къонакъбай уялыр.
- Ишлерге уял да, ашаргъа табма.
- Къайгъыны сюйген, къайгъы табар.
- Биреуню эскиси биреуге джангы болмайды.
- Ёлген эшек бёрюден къоркъмайды.
- Кийимни бичсенг, кенг бич, тар этген къыйын тюлдю.
- Эри аманны, къатыны – аман.
- Ат басханны джер билед.
- Биреуню тёрюнден, кесинги эшик артынг игиди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72