- Къуллукъчума, деб махтанма, къуллукъ – хаух джамчыды!
- Уллу айтханны этмеген – уллаймаз.
- Ким бла джюрюсенг, аны кёзю бла кёрюнюрсе.
- Эски джаугъа ышанма.
- Агъач халкъгъа алтынды, иссиликге салкъынды.
- Къарнынг ауруса, ауузунгу тый
- Сакъалы текени да бар, мыйыгъы киштикни да бар.
- Ач къарным, тынч къулагъым.
- Насыблы элин сюер, насыбсыз кесин сюер.
- Бети къызарыучу адамны, джюреги харам болмаз.
- Эрни эр этерик да, къара джер этерик да, тиширыуду.
- Тойну къарнашы – харс, джырны къарнашы – эжиу.
- Мухар, кеси тойса да, кёзю тоймаз.
- Ач, тоймам, дейди, тойгъан, ач болмам, дейди.
- Душманны тышы – акъ, ичи – къара.
- Юйлю уругъа ит чабмаз.
- Джюрек кёзден алгъа кёрюр.
- Къарт болгъан джерде, берекет болур, сабий болгъан джерде, оюн болур.
- Аджаллыгъа окъсуз шкок атылыр.
- Джашны джигитлиги сорулур, къызны джигерлиги сорулур.
- Биреу ашаб къутулур, биреу джалаб тутулур.
- Ётюрюк хапар аякъ тюбю бла джюрюйдю.
- Джыйырма къойну юч джыйырма эбзе кюте эди.
- Иги сёз – джаннга азыкъ, аман сёз башха – къазыкъ.
- Ётюрюкню къуйругъу – бир тутум.
- Этим кетсе да, сюегим къалыр.
- Тёгюлген тюгел джыйылмайды.
- Байлыкъ келсе, акъыл кетер.
- Ата джурт – алтын бешик.
- Кёз – сюйген джерде, къол – ауругъан джерде.
- Аман адам этегингден тутса, кес да къач.
- Халкъгъа джарагъан, джарлы къалмаз.
- Джумушакъ сёз къаты таякъны сындырыр.
- Тулпарлыкъ, билекден тюл – джюрекден.
- Телиге акъыл салгъандан эсе, ёлгеннге джан салырса.
- Джумушакъ терекни къурт ашар.
- Алтыда кюлмеген, алтмышда кюлмез.
- Иги адам абынса да, джангылмаз.
- Сакъламагъан затынга джолукъсанг, не бек къууанаса, не бек ачыйса.
- Джукъу тёшек сайламайды.
- Кесине оноу эте билмеген, халкъына да эте билмез.
- Джюрекге ариу – кёзге да ариу.
- Эки къатын алгъанны къулагъы тынгнгаймаз.
- Ауругъан – джашаудан умутчу.
- Баргъанынга кёре болур келгенинг.
- Юре билмеген ит, къонакъ келтирир.
- Кёбге таш атма.
- Рысхысына кёре, джаш ёсер, къышлыгъына кёре, мал ёсер.
- Гитче джилтин уллу элни джандырыр.
- Адамны сабийин сюйген джюреги, бычакъча, джитиди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72