- Кеси юйюмде мен да ханма.
- Ашхы болсанг, атынг чыгъар, аман болсанг, джанынг чыгъар.
- Эр абынмай, эл танымаз.
- Джаз бир кюнню джатсанг, къыш талай кюнню абынырса.
- Халкъгъа джарагъан, джарлы къалмаз.
- Айтхан сёзюне табылгъан.
- Джюз элде джюз ёгюзюм болгъандан эсе, джюз джууугъум болсун.
- Ашына кёре табагъы, балына кёре къалагъы.
- Керти сёзге тёре джокъ.
- Байлыкъ келсе, акъыл кетер.
- Берекет берсин деген джерде, берекет болур.
- Мухар, кеси тойса да, кёзю тоймаз.
- Кёрмегеннге кебек – танг, битмегеннге сакъал – танг.
- Иесиз малны бёрю ашар.
- Ханы къызы буюгъа-буюгъа киштик болду.
- Билмезни кёзю кёрмез, этмезни къулагъы эшитмез.
- Байлыкъдан саулукъ ашхыды.
- Адамны джюреги нени кёрюрге сюйсе, кёзю да аны кёрюрге ёч болады.
- Айырылгъанланы айю ашар, бёлюннгенлени бёрю ашар.
- Джаханимни кёрмей, джандетге кёл салмазса.
- Кёб джат да, бек чаб.
- Акъдан къара болмаз.
- Эринчекни аурууу – кёб.
- Телиге акъыл салгъандан эсе, ёлгеннге джан салырса.
- Рысхы джалгъанды: келген да этер, кетген да этер.
- Игилик игилик бла сингдирилиучю затды.
- Эм уллу байлыкъ – джан саулукъ.
- Тау башында, тау болмаз, джангыз терек, бау болмаз.
- Кёзню ачылгъаны – иги, ауузну джабылгъаны – иги.
- Адам сёзге тынгыла, акъыл сёзню ангыла.
- Уллу сёлешме да, уллу къаб.
- Кютгени беш эчки, сызгъыргъаны уа, джерни джарады.
- Тенги кёбню джау алмаз, акъылы кёбню дау алмаз.
- Джыланны къуйругъундан басарынг келсе, аны башы болгъанын унутма.
- Джырчы джырчыгъа – къарнаш.
- Аш берме да, къаш бер.
- Кийиминг бла танылма, адамлыкъ бла таныл.
- Ойнай билмеген, оюн бузар.
- Башы джабылгъан челекге, кир тюшмез.
- Сютден ауузу кюйген, суугъа юфгюре эди.
- Чоюнну башы ачыкъ болса, итге уят керекди.
- Аллахха ийнаннган кишини, Аллах онгдурур ишин.
- Баланы адам этген анады.
- Биреуню эскиси биреуге джангы болмайды.
- Адебсиз адам – джюгенсиз ат.
- От кюйдюрген, сау болса да, тот кюйдюрген, сау болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Хаухну атма, ёнгкючню сатма.
- Бал чибинни ургъаны – ачы, балы – татлы.
- Суу ичген шауданынга тюкюрме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72