- Эр сокъур болсун, къатын тилсиз болсун.
- Бойнуму джети джерден кессенг да, мен ол ишни этеллик тюлме.
- Тюзню ётмеги тюзде къалса да, тас болмаз.
- Тай асырагъан, атха минер.
- Ашхы атаны – джашы ашхы, ашхы ананы – къызы ашхы.
- Окъуу – билимни ачхычы, окъуу – дунияны бачхычы.
- Байлыкъ тауусулур, билим тауусулмаз.
- Игилик игилик бла сингдирилиучю затды.
- Сагъыш – къартлыкъгъа сюйюмчю.
- Чарсда алчыны эл кёреди.
- Акъыллы айтыр эди, акъылсыз къоймайды.
- Этни бети бла шорпасы.
- Бек анасы джыламаз.
- Таукелге нюр джауар.
- Билим насыб берир, билим джолну керир.
- Тил бла келеди джыр да.
- Ёксюзню къалачы уллу кёрюнюр.
- Билгенни къолу къарны джандырыр.
- Къолунгдан къуймакъ ашатсанг да, атаны борчундан къутулмазса.
- Аман къатын сабий табса, бий болур…
- Чакъырылмагъан къонакъ къачан кетерин сормаз.
- Кёпюр салгъан кеси ётер, уру къазгъан кеси кетер.
- Аджалсыз ёлюм болмаз.
- Аманнга игилик этсенг, юйюнге сау бармазса.
- Тиширыусуз юй – отсуз от джагъа.
- Кийимни бичсенг, кенг бич, тар этген къыйын тюлдю.
- Кесинге джетмегенни, кёб сёлешме.
- Джукъу тёшек сайламайды.
- Тойчу джашха къарама, къойчу джашха къара.
- Хазыр ашха – терен къашыкъ.
- Эли джокъну – кёлю джокъ.
- Тил – миллетни джаны.
- Миллетни бойну – базыкъ, аны бла кюрешген – джазыкъ.
- Байлыкъ болгъан джерде, тынчлыкъ джокъду.
- Ашлыкъ – бюртюкден, джюн – тюкден.
- Айтылгъан сёз ызына къайтмаз.
- Тойгъан антын унутур.
- Окъдан джара эртде-кеч болса да бителир, сёз джара, ёмюрге къалыр.
- Таш бла ургъанны, аш бла ур.
- Агъач – джерни чырайы, кийим – эрни чырайы.
- Билмейме деген – бир сёз
- Артына баргъанны, къатына барма.
- Намыс сатылыб алынмайды.
- Ач къарынны, токъ билмез
- Ариу сёз – къылычдан джити.
- Тил – кесген бычакъ, сёз – атылгъан окъ.
- Къуру гыбыт бек дыгъырдар.
- Сыфатында болмагъаны, суратында болмаз.
- Джангыз терек къынгыр ёсер.
- Ашхылыкъ джерде джатмайды, аманлыкъ суугъа батмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72