Эльбрусоид :: Форум :: Архив форумов

Ойнай-ойнай кёз чыгъар.
Таугъа чыгъаллыкъ эсенг, тюзде къалма.
Баланы адам этген анады.
Этим кетсе да, сюегим къалыр.
Джырына кёре эжиую.
Тилчиден кери бол.
Арба аугъандан сора, джол кёргюзтюучю кёб болур.
Сабий кёргенин унутмаз.
Сибиртки да сыйлы болду, кюрек да кюнлю болду.
Эл ауузу – элек, анга ийнаннган – халек.
Урунуу – насыбны анасы.
Эшекге миннген – биринчи айыб, андан джыгъылгъан – экинчи айыб.
Туз, гырджын аша, тюзлюк бла джаша.
Кюл тюбюндеги от кёрюнмейди.
Узун джолну барсанг, бюгюн келирсе, къысха джолну барсанг, тамбла келирсе.
Ёзденликни кёбю ётюрюк.
Дуния аламаты сен эсенг да, игиме деб айтма.
Игиге айтсанг – билир, аманнга айтсанг – кюлюр.
Ана кёлю – балада, бала кёлю – талада.
Ач уят къоймаз.
«Ма», - дегенни билмесенг, «бер», - дегенни билмезсе.
Олтуруб кёрюнмей эди да, ёрге туруб кёрюне эди.
Алтыда кюлмеген, алтмышда кюлмез.
Бичгенде ашыкъма, тикгенде ашыкъ.
Чомартха хар кюн да байрамды.
Кёкдеги болмаса, джердегин кёрмейди.
Ишин билген, аны сыйын чыгъарады.
Ариуну – ауруу кёб.
Къайтырыкъ эшигинги, къаты уруб чыкъма.
Орундукъ тюбюнде атылсам да, орта джиликме, де да айлан.
Нарт сёз къарт болмаз.
Чакъырылмагъан къонакъ къачан кетерин сормаз.
Ашына кёре табагъы, балына кёре къалагъы.
Ётюрюкню къуйругъу – бир тутум.
Ашхы атаны – джашы ашхы, ашхы ананы – къызы ашхы.
Иги джашны ышаны – аз сёлешиб, кёб тынгылар.
Эл тойса, тоймагъан, эл къойса, къоймагъан.
Ашын ашагъанынгы, башын да сыйла.
Къарыусузгъа кюлме, онгсузгъа тийме.
Кёб къычыргъандан – къоркъма, тынч олтургъандан – къоркъ.
Хунаны тюбюн къазсанг, юсюнге ауар.
Айтханы чапыракъдан ётмеген.
Уллу сёзде уят джокъ.
Ишленмеклик адамлыкъды.
Къолу уллу – асыу, аягъы уллу – джарсыу.
Тюзню ётмеги тюзде къалса да, тас болмаз.
Тил джюрекге джол ишлейди.
Чомарт джарлы болмаз.
Мени джылытмагъан кюн, меннге тиймесин!
Нёгерсизни джолу узун.

Логин:
Пароль:
	Запомнить меня на этом компьютере

Забыли свой пароль?
Регистрация