- Асхат ашлыкъ сата, юйдегиси ачдан къата.
- Окъумагъан сокъурду, сокъур ташха абыныр!
- Къазанда болса, чолпугъа чыгъар.
- Джарашыу сюйген – джалынчакъ.
- Айырылмаз джууугъунга, унутмаз сёзню айтма.
- Ханы къызы буюгъа-буюгъа киштик болду.
- Тюз сёз баргъан сууну тыяр.
- Ичимден чыкъды хата, къайры барайым сата?
- Халкъны джырын джырласанг, халкъ санга эжиу этер.
- Джаханимни кёрмей, джандетге кёл салмазса.
- Ашха уста, юйюнде болсун
- Къонакъны къачан кетерин сорма, къачан келлигин сор.
- Тойгъа алгъа да барма, тойда артха да къалма.
- Байлыкъ келсе, акъыл кетер.
- Минг тенг да азды, бир джау да кёбдю.
- Ачны эсинде – аш.
- Aдам боллукъ, сыфатындан белгили.
- Телини эшигин, махтау джабар.
- Эртде тургъан бла эртде юйленнген сокъуранмаз.
- Элде адам къалмаса, ит тахтагъа минер.
- Къолунгдан къуймакъ ашатсанг да, атаны борчундан къутулмазса.
- Джеринден айырылгъан – джети джылар, джуртундан айырылгъан – ёлгюнчю джылар.
- Аллахха ийнаннган кишини, Аллах онгдурур ишин.
- Гугук кесини атын айтыб къычыргъанча, мен, мен деб нек тураса?
- Чакъырылмай келген къонакъ сыйланмай кетер.
- Ашхы атаны – джашы ашхы, ашхы ананы – къызы ашхы.
- Олтуруб кёрюнмей эди да, ёрге туруб кёрюне эди.
- Бек анасы джыламаз.
- Билимли ёлмез, билимсиз кёрмез.
- Сабий кёргенин унутмаз.
- Аллахдан тилесенг, кёб тиле.
- Окъдан джара эртде-кеч болса да бителир, сёз джара, ёмюрге къалыр.
- Ашхы сёз таш тешер.
- Элге къуллукъ этмеген, элге ие болмаз.
- Тас болгъан бычакъны сабы – алтын.
- Адамны джюреги нени кёрюрге сюйсе, кёзю да аны кёрюрге ёч болады.
- Чабакъсыз кёлге къармакъ салгъанлыкъгъа, чабакъ тутмазса.
- Айырылгъанланы айю ашар, бёлюннгенлени бёрю ашар.
- Кёлсюзден сёзсюз тууар.
- Къарыусузгъа кюлме, онгсузгъа тийме.
- Къайгъыны сюйген, къайгъы табар.
- Адеби болмагъан къыз – тузсуз хант.
- Зар адам ашынгы ашар, кесинги сатар.
- Ариу сёз – къылычдан джити.
- Сакъалы текени да бар, мыйыгъы киштикни да бар.
- Игиге айтсанг – билир, аманнга айтсанг – кюлюр.
- Чомартха хар кюн да байрамды.
- Дуния аламаты сен эсенг да, игиме деб айтма.
- Урама да – ёледи, сатама да – келеди.
- Къатыны харакетли болса, эри къымсыз болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72