Эльбрусоид :: Форум :: Архив форумов

Ётюрюкню башын керти кесер.
Кёзюнде тереги болгъан, чёбю болгъаннга кюле эди.
Аман киши кеси юйюнде – къонакъ.
Татлы тилде – сёз ариу, чемер къолда – иш ариу.
Ач бёрюге мекям джокъ.
Аджалсыз ёлюм болмаз.
Башланнган иш битер, къымылдагъан тиш тюшер.
Иги адам абынса да, джангылмаз.
Джюз элде джюз ёгюзюм болгъандан эсе, джюз джууугъум болсун.
Джеринден айырылгъан – джети джылар, джуртундан айырылгъан – ёлгюнчю джылар.
Соргъан айыб тюлдю, билмеген айыбды.
Тамбла алтындан бюгюн багъыр ашхы.
Къыйынлы джети элни къайгъысын этер.
Аз сёлеш, кёб ишле.
Таукел адам тау тешер.
Акъыл неден да кючлюдю.
Тойгъанлыкъ къойгъа джарашады.
Эркишиге тары кебек танг кёрюнюр.
Кёзю сокъурдан – къоркъма, кёлю сокъурдан – къоркъ.
Ёлген ийнек сютлю болур.
Эки къатын алгъанны къулагъы тынгнгаймаз.
Къартха ушагъан джаш – акъыллы, джашха ушагъан къарт – тели.
Къулакъдан эсе, кёзге ышан.
Тилчи тилден къаныкъмаз.
Мухардан ач ычхынмаз.
Хунаны тюбюн къазсанг, юсюнге ауар.
Кёб джат да, бек чаб.
Гугук кесини атын айтыб къычыргъанча, мен, мен деб нек тураса?
Джумушакъ терекни къурт ашар.
Оюмсуз атлагъан, аджалсыз ёлюр.
Чомарт бергенин айтмаз.
Ойнай билмеген, оюн бузар.
Тёрде – темир таякълы, къаяда – чыпчыкъ аякълы.
Таякъ этден ётер, тил сюекден ётер.
Ёксюзню къалачы уллу кёрюнюр.
Кёзню ачылгъаны – иги, ауузну джабылгъаны – иги.
Ауузу бла къуш тута айланады.
Тил джюрекге джол ишлейди.
Сескекли кесин билдирир.
Къобан да къуру да къобханлай турмайды, адам да къуру да патчахлай турмайды.
Байлыкъ тауусулур, билим тауусулмаз.
Къыйынлы джети элге оноу этер.
Адамны аманы адамны бети бла ойнар.
Зарда марда джокъ.
Элге къуллукъ этмеген, элге ие болмаз.
Аш берме да, къаш бер.
Эли джокъну – кёлю джокъ.
Кёзден кетген, кёлден да кетеди.
Экеу тутушса, биреу джыгъылыр.
Джолда аягъынга сакъ бол, ушакъда тилинге сакъ бол.

Логин:
Пароль:
	Запомнить меня на этом компьютере

Забыли свой пароль?
Регистрация