- Эл ауузу – элек, анга ийнаннган – халек.
- Эте билген, этген этеди, эте билмеген, юретген этеди!
- Илму – джашауну джолу.
- Ишин билген, аны сыйын чыгъарады.
- Тойгъан джерге джети къайт.
- Къатын къылыкъсыз, эр тынчлыкъсыз.
- Чыбыкълыкъда бюгюлмеген, къазыкълыкъда бюгюлмей эди.
- Чабакъгъа акъыл, табагъа тюшсе келеди.
- Ашха уста, юйюнде болсун
- Ичимден чыкъды хата, къайры барайым сата?
- Ач да бол, токъ да бол – намысынга бек бол.
- Таугъа чыгъаллыкъ эсенг, тюзде къалма.
- Ат да турмайды бир териде.
- Берекет берсин деген джерде, берекет болур.
- Уллу суу бла уллу ауруудан башынгы сакъла.
- Аман адам элни бир-бирине джау этер.
- Билимсиз иш бармаз.
- Къыз келсе, джумуш эте келеди, къатын келсе, ушакъ эте келеди.
- Хантына кёре тузу, юйюне кёре къызы.
- Къонакъ аз олтурур, кёб сынар.
- Окъугъанны бети джарыкъ.
- Бермеген къол, алмайды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эри аманны, къатыны – аман.
- Къарт бла баш аша, джаш бла аякъ аша.
- Тили узунну, намысы – къысха.
- Эки къатын алгъан – эки ташны ортасына башын салгъан.
- Джаз бир кюнню джатсанг, къыш талай кюнню абынырса.
- Халкъны джырын джырласанг, халкъ санга эжиу этер.
- Адамны артындан къара сабан сюрме.
- Шайтан алдады, тюзлюк къаргъады.
- Телиге от эт десенг, юйюнге от салыр.
- Гугурук къычырмаса да, тангны атары къалмаз.
- Намысы болмагъанны, сыйы болмаз.
- Джарлыны тону джаз битер.
- Адамны адамлыгъы къыйынлыкъда айгъакъланады.
- Джюрек кёзден алгъа кёрюр.
- Ашарыкъда сайлагъаннга – чий гырджын.
- Акъыл сабырлыкъ берир.
- Къатыны харакетли болса, эри къымсыз болур.
- Ёпкелегенни ашы татлы болады.
- Кёзден кетген, кёлден да кетеди.
- Башсыз урчукъ тюзюне айланмаз.
- Айран тёгюлсе, джугъусу къалыр.
- Айтхан сёзюне табылгъан.
- Джерни букъусу кёкге къонмаз.
- Тура эдим джата, къайдан чыкъды хата?
- Ашда уялгъан – мухар, ишде уялгъан – хомух.
- Биреуге аманлыкъны тилеме да, кесинге ашхылыкъны тиле.
- Аш кетер да бет къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72