- Баш болса, бёрк табылыр.
- Элиб деген, элге болушур.
- Кёрмегеннге кебек – танг, битмегеннге сакъал – танг.
- Тилсиз миллет джокъ болур.
- Къызгъанчдан ычхыныр, мухардан ычхынмаз.
- Кёб ант этген, кёб ётюрюк айтыр.
- Бал – татлы, балдан да бала – татлы.
- Чабакъгъа акъыл, табагъа тюшсе келеди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тойгъан джерге джети къайт.
- Ёксюзню къалачы уллу кёрюнюр.
- Адамны артындан къара сабан сюрме.
- Гитче джилтин уллу элни джандырыр.
- Кийиминг бла танылма, адамлыкъ бла таныл.
- «Ёгюз, джаргъа джууукъ барма, меннге джюк боллукъса», - дегенди эшек.
- Эринчекни эр алмаз, эр алса да, кёл салмаз, кёл салса да, кёб бармаз!
- Билим – акъылны чырагъы.
- Айтылгъан буйрукъ, сёгюлмез
- Шапа кёб болса, аш татымсыз болур.
- Байлыкъ болгъан джерде, тынчлыкъ джокъду.
- Эл тойса, тоймагъан, эл къойса, къоймагъан.
- Эки къатын алгъан – эки ташны ортасына башын салгъан.
- Иги джашны ышаны – аз сёлешиб, кёб тынгылар.
- Юйюнг бла джау болгъандан эсе, элинг бла джау бол.
- Малны кют, джерни тюрт.
- Окъумагъан сокъурду, сокъур ташха абыныр!
- Хатерли къул болур.
- Кёбню кёрген – кёб билир.
- Минг тенг да азды, бир джау да кёбдю.
- Дженгил джетерикме деб, узун джолну къоюб, къысхасын барма.
- Татлы сёз – балдан татлы.
- Окъугъанны бети джарыкъ.
- Къыйынлы джети элни къайгъысын этер.
- Окъуу – билимни ачхычы, окъуу – дунияны бачхычы.
- Душманны тышы – акъ, ичи – къара.
- Тынгылагъан тынгы бузар.
- Сёз – кюмюш, джыр – алтын.
- Чомартха хар кюн да байрамды.
- Ашхы адам – халкъ байлыгъы, ашхы джер – джашау байлыгъы.
- Тёзгеннге, джабылгъан эшик ачылыр.
- Билмейме деген – бир сёз
- Кёзден кетген, кёлден да кетеди.
- Тёзген – тёш ашар!
- Мухардан ач ычхынмаз.
- Окъугъан озар, окъумагъан тозар.
- Чомарт къолда мал къалмаз.
- Къарнынг тойгъунчу аша да, белинг талгъынчы ишле.
- Кечеси – аяз, кюню – къыш, джарлы къаргъагъа бир аш тюш!
- Сагъышы джокъ – джукъучу, акъылы джокъ – къаугъачы.
- Къонакъны къачан кетерин сорма, къачан келлигин сор.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72