- Ишни ахырын ойламай, аллын башлама.
- Кечеси – аяз, кюню – къыш, джарлы къаргъагъа бир аш тюш!
- Таукелге нюр джауар.
- Узун джолну барсанг, бюгюн келирсе, къысха джолну барсанг, тамбла келирсе.
- Эм ашхы къайын ана мамукъ бла башынгы тешер.
- Адам боллукъ, атламындан белгили болур.
- Джолунга кёре – джюрюшюнг, джагъанга кёре – юлюшюнг.
- Сормай – алма, чакъырылмай – барма.
- Суу ичген шауданынга тюкюрме.
- Чакъырылмагъан къонакъ – орунсуз.
- Бети къызарыучу адамны, джюреги харам болмаз.
- Аманнга алтын чыдамаз.
- Ашхы атаны – джашы ашхы, ашхы ананы – къызы ашхы.
- Биреуню къыйынлыгъы бла кесинге джол ишлеме.
- Биреуге аманлыкъны тилеме да, кесинге ашхылыкъны тиле.
- Ёлген эшек бёрюден къоркъмайды.
- Къулакъдан эсе, кёзге ышан.
- Гугурук къычырмаса да, тангны атары къалмаз.
- Игини сыйлагъан адетди.
- Адам сёзге тынгыла, акъыл сёзню ангыла.
- Къайгъыны сюйген, къайгъы табар.
- Адамны сабийин сюйген джюреги, бычакъча, джитиди.
- Ач уят къоймаз.
- Азыгъы аз, алгъа къабар, аты аман, алгъа чабар.
- Джылкъыдан – ат чыгъар, тукъумдан – джаш чыгъар.
- Къызгъанчдан ычхыныр, мухардан ычхынмаз.
- Агъач халкъгъа алтынды, иссиликге салкъынды.
- Аллахха ийнаннган кишини, Аллах онгдурур ишин.
- Телини эшигин, махтау джабар.
- Эки къатын алгъанны къулагъы тынгнгаймаз.
- Хатерли къул болур.
- Юре билмеген ит, къонакъ келтирир.
- Джаш болсун, къыз болсун, акъылы, саны тюз болсун.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ана кёлю – балада, бала кёлю – талада.
- Юйлю уругъа ит чабмаз.
- Халкъны юйю – туугъан джери.
- Биреу къой излей, биреу той излей.
- Босагъа таш юйге кирмей эди, тыбыр таш эшикге чыкъмай эди.
- Джолда аягъынга сакъ бол, ушакъда тилинге сакъ бол.
- Тин – байлыгъынг, терен саулугъунг.
- Къозулугъунда тоймагъан, къойлугъунда тоймаз.
- Аллахдан тилесенг, кёб тиле.
- Керти сёзге тёре джокъ.
- Нарт сёз – тилни бети.
- Кийимни бир кюнню аясанг, минг кюннге джарар.
- Харам къарнашдан, халал тенг ашхы.
- Аз айтсам, кёб ангылагъыз.
- Тыш элде солтан болгъандан эсе, кесинги элде олтан болгъан игиди!
- Чомартха Тейри да борчлуду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72