- Адамны аты башхача, акъылы да башхады.
- Тойгъан джерге джети къайт.
- Азыкъ аз болса, эртде орун сал.
- Аш берме да, къаш бер.
- Ач бёрюге мекям джокъ.
- Джылыгъа джылан илешир.
- Адеби болмагъан къыз – тузсуз хант.
- Алим болгъандан эсе, адам болгъан къыйынды.
- Кесине оноу эте билмеген, халкъына да эте билмез.
- Юйлю уругъа ит чабмаз.
- Къарыусузгъа кюлме, онгсузгъа тийме.
- Этни да ашады, бетни да ашады.
- Къонагъынгы артмагъын алма да, алгъышын ал.
- Аджашхан тёгерек айланыр.
- Гугурук къычырмаса да, тангны атары къалмаз.
- Кёб джашагъан – кёб билир.
- Бир абыннган – минг сюрюнюр.
- Эски джаугъа ышанма.
- Къыз келсе, джумуш эте келеди, къатын келсе, ушакъ эте келеди.
- Ауузу бла къуш тута айланады.
- Иги сеники эсе да, сюйген кесимикин этеме.
- Эринчекге кюн узун.
- Ётюрюкчюню шагъаты – къатында.
- Джетген къыз джерли эшекни танымаз.
- Телини эшигин, махтау джабар.
- Акъдан къара болмаз.
- Джаным-тиним – окъуу, билим.
- Чакъырылмагъан къонакъ тёрге атламаз.
- Терек ауса, отунчу – кёб.
- Ашхы болсанг, атынг чыгъар, аман болсанг, джанынг чыгъар.
- Игини сыйлагъан адетди.
- Махтаннган къыз, тойда джукълар.
- Уллу айтханны этмеген – уллаймаз.
- От кюйдюрген, сау болса да, тот кюйдюрген, сау болмаз.
- Эл ауузу – элек, анга ийнаннган – халек.
- «Ма», - дегенни билмесенг, «бер», - дегенни билмезсе.
- Эшекни не къадар тюйсенг да, ат болмаз.
- Сибиртки да сыйлы болду, кюрек да кюнлю болду.
- Ким бла джюрюсенг, аны кёзю бла кёрюнюрсе.
- Биреуню эскиси биреуге джангы болмайды.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашаса, ашамаса да, бёрюню ауузу – къан.
- Дуния мал дунияда къалады.
- Джангыз торгъай джырламаз.
- Ачлыкъда тары гырджын халыуадан татлы.
- Этек чакъмакълары баш джаргъан, сёлешген сёзлери таш джаргъан.
- Намысы болмагъанны, сыйы болмаз.
- Алтыннга тот къонмаз.
- Джыйырма къойну юч джыйырма эбзе кюте эди.
- Бек анасы джыламаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72