- Кёкдеги болмаса, джердегин кёрмейди.
- Келинин тута билмеген, къул этер, къызын тута билмеген, тул этер.
- Аллахха ийнаннган кишини, Аллах онгдурур ишин.
- Ётюрюкчюню шагъаты – къатында.
- Джуртун къоругъан озар.
- Окъ къызбайны джокълайды.
- Джукъу тёшек сайламайды.
- Ата Джуртча джер болмаз, туугъан элча эл болмаз.
- Битмегеннге сакъал – танг.
- Акъыллы эркиши атын махтар, акъылсыз эркиши къатынын махтар.
- Тиширыусуз юй – отсуз от джагъа.
- Ышармагъан – кюлмез, кюлмеген – къууанчны билмез.
- Билим – акъылны чырагъы.
- Чакъырылмай келген къонакъ сыйланмай кетер.
- Бёрю да ач къалмасын, эчки да ашалмасын.
- Къарнынг бла ёч алма.
- Гырджын – тепсини тамадасы.
- Накъырданы арты керти болур.
- Эркишини аманы тиширыуну джылатыр.
- Джиби бир къат джетмей эди да, эки къат тарта эди.
- Азыкълы ат арымаз, къатыны аман джарымаз.
- Тенгни тенглиги джашай барсанг билинир.
- Ашына кёре табагъы, балына кёре къалагъы.
- Этни да ашады, бетни да ашады.
- Юй кюйдю да, кюйюз чыкъды, ортасындан тюйюш чыкъды.
- Ёлген эшек бёрюден къоркъмайды.
- Хоншуну тауугъу къаз кёрюнюр, келини къыз кёрюнюр.
- Акъдан къара болмаз.
- Тойчу джашха къарама, къойчу джашха къара.
- Ичимден чыкъды хата, къайры барайым сата?
- Айранны сюйген, ийнек тутар.
- Артына баргъанны, къатына барма.
- Къозулугъунда тоймагъан, къойлугъунда тоймаз.
- Къобан да къуру да къобханлай турмайды, адам да къуру да патчахлай турмайды.
- Эм ашхы къайын ана мамукъ бла башынгы тешер.
- Ёлмесенг да, къарт дамы болмазса?
- Къумурсхала джыйылсала, пилни да джыгъадыла.
- Сабий болмагъан джерде, мёлек болмаз.
- Джылар джаш, атасыны сакъалы бла ойнар.
- Чомарт бергенин айтмаз.
- Джаханимни кёрмей, джандетге кёл салмазса.
- Чарсда алчыны эл кёреди.
- Окъугъанны бети джарыкъ.
- Кёпюр салгъан кеси ётер, уру къазгъан кеси кетер.
- Къыз келсе, джумуш эте келеди, къатын келсе, ушакъ эте келеди.
- Къая джолда джортма, ачыкъ сёзден къоркъма.
- Тёзген – тёш ашар!
- Адамны сабийин сюйген джюреги, бычакъча, джитиди.
- Эртде тургъан джылкъычыны эркек аты тай табар.
- Иги бла джюрюсенг, джетерсе муратынга, аман бла джюрюсенг, къалырса уятха.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72