- Джахил болса анасы, не билликди баласы?
- Билими азны – ауузунда кирит.
- Эм уллу байлыкъ – джан саулукъ.
- Эр абынмай, эл танымаз.
- Ёгюзню мюйюзлери ауурлукъ этмейдиле.
- Джангыз торгъай джырламаз.
- Эки къатын алгъанны къулагъы тынгнгаймаз.
- Бал ашаргъа сюе эсенг, чибин ургъаннга тёз.
- Аджашханны ызындагъы кёреди, джангылгъанны джанындагъы биледи.
- Эр сокъур болсун, къатын тилсиз болсун.
- От кюйдюрген, сау болса да, тот кюйдюрген, сау болмаз.
- Чомартха Тейри да борчлуду.
- Ата – баланы уясы.
- Кечеси – аяз, кюню – къыш, джарлы къаргъагъа бир аш тюш!
- Эли джокъну – кёлю джокъ.
- Къыз тиширыу кеси юйюнде да къонакъды.
- Айтханы чапыракъдан ётмеген.
- Тешигини къатында, чычхан да батыр болур.
- Зар адам ашынгы ашар, кесинги сатар.
- Адам къаллай бир ишленмесе, аллай бир кесин уллу кёреди.
- Джан саулукъ бермей, сан саулукъ бермезсе.
- Эл ауузу – элек, анга ийнаннган – халек.
- Тиширыусуз юй – отсуз от джагъа.
- Халкъны джырын джырласанг, халкъ санга эжиу этер.
- Къарт бла баш аша, джаш бла аякъ аша.
- Эри аманны, къатыны – аман.
- Къарт болгъан джерде, берекет болур, сабий болгъан джерде, оюн болур.
- Джарлы джети элни сёзюн этер.
- Окъугъан – асыу, окъумагъан – джарсыу.
- Ашхы адам – халкъ байлыгъы, ашхы джер – джашау байлыгъы.
- Ач отунчуну ачыуу – бурнунда.
- Ким бла джюрюсенг, аны кёзю бла кёрюнюрсе.
- Ариуну – ауруу кёб.
- Мени джылытмагъан кюн, меннге тиймесин!
- Мал кёб болса, джууукъ кёб болур.
- Къанны къан бла джуума, аманны аман бла къуума.
- Ишлегенде эринме, ишде чолакъ кёрюнме.
- Гырджын – тепсини тамадасы.
- Кёб джат да, бек чаб.
- Чакъырылмагъан джерге барма, чакъырылгъан джерден къалма.
- Байлыкъ адамны сокъур этер.
- Кюн – узун, ёмюр – къысха.
- Чакъырылгъанны аты, чакъырылмагъанны багъасы болур.
- Ач къалгъандан, кеч къалгъан къолай.
- Биреуге кёлтюрген таягъынг, кесинги башынга урур.
- Къазанда болса, чолпугъа чыгъар.
- Келинни – келгинчи, бёркню кийгинчи кёр.
- Аманны тукъумуна къарама, игини тукъумун сорма.
- Экеу тутушса, биреу джыгъылыр.
- Минг тенг да азды, бир джау да кёбдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72