- Чомарт къолда мал къалмаз.
- Адеб джокъда, намыс джокъ.
- Джуртун къоругъан озар.
- Уясында не кёрсе, учханында аны этер.
- Сабыр джетер муратха, сабырсыз къалыр уятха.
- Дуния малгъа сатылма, кесингден телиге къатылма.
- Къарны аманнга къазан такъдырма, къолу аманнга от джакъдырма.
- Мал кёб болса, джууукъ кёб болур.
- Чомартха хар кюн да байрамды.
- Билимли ёлмез, билимсиз кёрмез.
- Таукел къуру къалмаз.
- Байны оноуу, джарлыгъа джарамаз.
- Гугук кесини атын айтыб къычыргъанча, мен, мен деб нек тураса?
- Башы ишлегенни, ауузу да ишлер.
- Кесине оноу эте билмеген, халкъына да эте билмез.
- Тил – миллетни джаны.
- Тойгъан джерге джети къайт.
- Намыс сатылыб алынмайды.
- Адамны адамлыгъы къыйынлыкъда айгъакъланады.
- Тыш элде солтан болгъандан эсе, кесинги элде олтан болгъан игиди!
- Игини сыйлагъан адетди.
- Иги адам абынса да, джангылмаз.
- Босагъагъа джууукъ орун болса, ашыгъыб тёрге озма.
- Джаш къарыу бла кючлю, къарт акъыл бла кючлю.
- Ишни ахырын ойламай, аллын башлама.
- Башы джабылгъан челекге, кир тюшмез.
- Юй кюйдю да, кюйюз чыкъды, ортасындан тюйюш чыкъды.
- Кёлсюзден сёзсюз тууар.
- Алтыда кюлмеген, алтмышда кюлмез.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эри аманны, къатыны – аман.
- Адебсиз адам – джюгенсиз ат.
- Таукел тауну аудурур.
- Аман къатын сабий табса, бий болур…
- Ашхы атаны – джашы ашхы, ашхы ананы – къызы ашхы.
- Уллу сёзде уят джокъ.
- Билимден уллу байлыкъ джокъду.
- Аллахдан тилесенг, кёб тиле.
- Оюмсуз атлагъан, аджалсыз ёлюр.
- Онгсузну – джакъла, тенгликни – сакъла.
- Тил джюрекге джол ишлейди.
- Ата Джуртун танымагъан, атасын да танымаз.
- Джарлы эскисин джамаса, къууаныр.
- Байлыкъ тауусулур, билим тауусулмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Суугъа – чабакъ, къаягъа – ыргъакъ.
- Бозанг болмагъан джерге, къалагъынгы сукъма.
- Халкъгъа джарагъан, джарлы къалмаз.
- Ашхы сёз таш тешер.
- Акъыл аздырмаз, билим тоздурмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72