- Чомарт бергенин айтмаз.
- Ачыу алгъа келсе, акъыл артха къалады.
- Джаханимни кёрмей, джандетге кёл салмазса.
- Тойгъандан сора, ашны сёкме.
- Адам сёзюнден белгили.
- Джашны джигитлиги сорулур, къызны джигерлиги сорулур.
- Арбаз къынгырды да, ийнек сауалмайма.
- Шапа кёб болса, аш татымсыз болур.
- Къонакъны къачан кетерин сорма, къачан келлигин сор.
- Кёбге таш атма.
- Ауругъаннга – кийик саулукъ, джетген къызгъа – чилле джаулукъ.
- Ариу – кёзге, акъыл – джюрекге.
- Ат да турмайды бир териде.
- Олтуруб кёрюнмей эди да, ёрге туруб кёрюне эди.
- Кёзю сокъурдан – къоркъма, кёлю сокъурдан – къоркъ.
- Ачлыкъ отха секиртир.
- Ёгюзню мюйюзюнден тутадыла, адамны сёзюнден тутадыла.
- Къарнынг ауруса, ауузунгу тый
- «Ёгюз, джаргъа джууукъ барма, меннге джюк боллукъса», - дегенди эшек.
- Баргъанынга кёре болур келгенинг.
- Иги бла джюрюсенг, джетерсе муратынга, аман бла джюрюсенг, къалырса уятха.
- Билмегенинги, билгеннге сор.
- Къызны минг тилер, бир алыр.
- Адамны аты башхача, акъылы да башхады.
- Берекет берсин деген джерде, берекет болур.
- Эрине къаргъыш этген къатын, эрнин къабар.
- Джаным-тиним – окъуу, билим.
- Аякъларынгы джууургъанынга кёре узат.
- Окъдан джара эртде-кеч болса да бителир, сёз джара, ёмюрге къалыр.
- Бети къызарыучу адамны, джюреги харам болмаз.
- Мухардан ач ычхынмаз.
- Атлыны ашхысы, ат тизгининден билинир
- Намыс сатылыб алынмайды.
- Уясында не кёрсе, учханында аны этер.
- Урама да – ёледи, сатама да – келеди.
- Айырылмаз джууугъунга, унутмаз сёзню айтма.
- Акъыл бла адеб эгизледиле.
- Хар ишни да аллы къыйынды.
- Эм уллу байлыкъ – джан саулукъ.
- Дууулдаса – бал чибин, къонса – къара чибин.
- Илму – джашауну джолу.
- Тешик этген тынчды, аны джамагъан къыйынды.
- Джерни букъусу кёкге къонмаз.
- Аманны къуугъан, аманлыкъ табар.
- Джылкъыдан – ат чыгъар, тукъумдан – джаш чыгъар.
- Этек чакъмакълары баш джаргъан, сёлешген сёзлери таш джаргъан.
- Айранын берсенг, челегин да къызгъанма.
- Кесине гебен этелмеген, биреуге черен эте эди.
- Тил – миллетни джаны.
- Киштикге къанат битсе, чыпчыкъ къалмаз эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72