- Чомартха хар кюн да байрамды.
- Ана къойну – балагъа джандет.
- Ёлген ийнек сютлю болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Аман киши кеси юйюнде – къонакъ.
- Махтаннган къыз, тойда джукълар.
- Джыгъылгъанны сырты джерден тоймаз.
- Эски джаугъа ышанма.
- Тилсиз миллет джокъ болур.
- Нёгер болсанг, тенг бол, тенг болмасанг, кенг бол.
- Кюлме джашха – келир башха.
- Дууулдаса – бал чибин, къонса – къара чибин.
- Къыз чыгъаргъан – къызыл къымжа.
- Бети бедерден, намыс сакълама.
- Битмегеннге сакъал – танг.
- Окъдан джара эртде-кеч болса да бителир, сёз джара, ёмюрге къалыр.
- Атадан ёксюз – бир ёксюз, анадан ёксюз – эки ёксюз.
- Биреу къой излей, биреу той излей.
- Ач бёрюге мекям джокъ.
- Ашатыргъа иш – ашхы, ишлетирге аш – ашхы.
- Ариуну – ауруу кёб.
- Баланы адам этген анады.
- Ёпкелегенни ашы татлы болады.
- Адам туугъан джеринде, ит тойгъан джеринде.
- Иги сёз – джаннга азыкъ, аман сёз башха – къазыкъ.
- Чомартны къолун джокълукъ байлар.
- Элде адам къалмаса, ит тахтагъа минер.
- Къар – келтирди, суу – элтди.
- Адамны адамлыгъы къыйынлыкъда айгъакъланады.
- Байлыкъдан саулукъ ашхыды.
- Сангырау къулакъ эл бузар.
- Тамбла алтындан бюгюн багъыр ашхы.
- Тойгъандан сора, ашны сёкме.
- Джюрек кёзден алгъа кёрюр.
- Ёксюзню къалачы уллу кёрюнюр.
- Акъыллы айтыр эди, акъылсыз къоймайды.
- Этим кетсе да, сюегим къалыр.
- Суу ичген шауданынга тюкюрме.
- Кийим тукъум сордурур.
- Биреуге аманлыкъ этиб, кесинге игилик табмазса.
- Сагъышы джокъ – джукъучу, акъылы джокъ – къаугъачы.
- Олтуруб кёрюнмей эди да, ёрге туруб кёрюне эди.
- Хунаны тюбюн къазсанг, юсюнге ауар.
- Тик ёргени, тик энгишгеси да болады.
- Чабакъ башындан чирийди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джуртун къоругъан озар.
- Бети – къучакълар, джюреги – бычакълар.
- Ишни аллы бла къууанма да, арты бла къууан.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72