- Кёзден кетген, кёлден да кетеди.
- Чомартны къолун джокълукъ байлар.
- Баш болса, бёрк табылыр.
- Орундукъ тюбюнде атылсам да, орта джиликме, де да айлан.
- Махтаннган къыз, тойда джукълар.
- Азыгъы аз, алгъа къабар, аты аман, алгъа чабар.
- Эркишиге тары кебек танг кёрюнюр.
- Намыс болмагъан джерде, насыб болмаз.
- Суу да къайтады чыкъгъан джерине.
- Къарнынг ауруса, ауузунгу тый
- Элиб деген, элге болушур.
- Биреуню къыйынлыгъы бла кесинге джол ишлеме.
- Айныгъанлы алты кюн, тогъайгъанлы тогъуз кюн.
- Тойгъан джерге джети къайт.
- Бюгюн дуния кибик, тамбла ахыратды.
- Кирсизни – саны таза, халалны – къаны таза.
- Алтыда кюлмеген, алтмышда кюлмез.
- Суу кетер, таш къалыр.
- Ачны эсинде – аш.
- Ханнга да келеди хариблик.
- Ойнай билмеген, оюн бузар.
- Билмезни кёзю кёрмез, этмезни къулагъы эшитмез.
- Къуллукъчума, деб махтанма, къуллукъ – хаух джамчыды!
- Накъырданы арты керти болур.
- Айтхан – тынч, этген – къыйын.
- Къаллай салам берсенг, аллай джууаб алырса.
- Адеб базарда сатылмаз.
- Терек ауса, отунчу – кёб.
- Кёб джат да, бек чаб.
- Ач, тоймам, дейди, тойгъан, ач болмам, дейди.
- Къарнынг бла ёч алма.
- Бир абыннган – минг сюрюнюр.
- Къызын тута билмеген, тул этер, джашын тута билмеген, къул этер.
- Накъырда – кертини келечиси.
- Окъугъанны бети джарыкъ.
- Байлыкъдан саулукъ ашхыды.
- Бичгенде ашыкъма, тикгенде ашыкъ.
- Адам къаллай бир ишленмесе, аллай бир кесин уллу кёреди.
- Зар адам ашынгы ашар, кесинги сатар.
- Ана – юйню кюн джарыгъы.
- Хансыз джомакъ болмаз.
- Къалгъан ишге къар джауар.
- Ушамагъан – джукъмаз.
- Ашхы адам – халкъ байлыгъы, ашхы джер – джашау байлыгъы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эл ауузу – элия.
- Мухарны эси – ашарыкъда.
- Ичимден чыкъды хата, къайры барайым сата?
- Чабакъ башындан чирийди.
- Уллу къазанда бишген эт, чий къалмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72