- Къошда джокъгъа – юлюш джокъ.
- Эркиши – от, тиширыу – суу.
- Айтылгъан буйрукъ, сёгюлмез
- Орну джокъну – сыйы джокъ.
- Чомартны къолу берекет.
- Ойнай билмеген, оюн бузар.
- Уллу къашыкъ эрин джыртар.
- Къайгъы тюбю – тенгиз.
- Джаш къарыу бла кючлю, къарт акъыл бла кючлю.
- Ач бёрюге мекям джокъ.
- Адамны аты башхача, акъылы да башхады.
- Къартны сыйын кёрмеген, къартлыгъында сыйлы болмаз.
- Кимни – тили, тиши онглу, кимни – къолу, иши онглу.
- Ёксюзню къалачы уллу кёрюнюр.
- Эринчекни эр алмаз, эр алса да, кёл салмаз, кёл салса да, кёб бармаз!
- Миллетни бойну – базыкъ, аны бла кюрешген – джазыкъ.
- Сёз – кюмюш, джыр – алтын.
- Агъач халкъгъа алтынды, иссиликге салкъынды.
- Насыблы элин сюер, насыбсыз кесин сюер.
- Чабакъсыз кёлге къармакъ салгъанлыкъгъа, чабакъ тутмазса.
- Къонагъынгы артмагъын алма да, алгъышын ал.
- Бал чибинни ургъаны – ачы, балы – татлы.
- Къонакъны къачан кетерин сорма, къачан келлигин сор.
- Аууздан келген, къолдан келсе, ким да патчах болур эди.
- Тюзлюк тас болмайды.
- Чомартха хар кюн да байрамды.
- Тёзгеннге, джабылгъан эшик ачылыр.
- Таш ата билмеген, башына урур.
- Джаз бир кюнню джатсанг, къыш талай кюнню абынырса.
- Адеб базарда сатылмаз.
- Аш иеси бла татлыды.
- Эки къатын алгъан – эки ташны ортасына башын салгъан.
- Экеулен сёлеше тура эселе, орталарына барыб кирме.
- Ишин билген, аны сыйын чыгъарады.
- Арба аугъандан сора, джол кёргюзтюучю кёб болур.
- Ёлген аслан – сау чычхан.
- Тёрени джагъы джокъ.
- Ёлюк кебинсиз къалмаз.
- Ана къойну – балагъа джандет.
- Тешигини къатында, чычхан да батыр болур.
- Кёлю джокъну – джолу джокъ.
- Аш хазыр болса, иш харам болур.
- Хар сёзню орну барды.
- Джарлы джети элни сёзюн этер.
- Къызны минг тилер, бир алыр.
- Къарт айтханны этмеген, къартаймаз.
- Джерни букъусу кёкге къонмаз.
- Эр абынмай, эл танымаз.
- Тил бла келеди джыр да.
- Ашхы сёз таш тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72