Эльбрусоид :: Форум :: Архив форумов

Зар адам ашынгы ашар, кесинги сатар.
Ушамагъан – джукъмаз.
Эшекге миннген – биринчи айыб, андан джыгъылгъан – экинчи айыб.
Къарнынг тойгъунчу аша да, белинг талгъынчы ишле.
Ханнга да келеди хариблик.
Джогъун бар этген, барын бал этген.
Керек ташны ауурлугъу джокъ.
Башсыз урчукъ тюзюне айланмаз.
Адамны артындан къара сабан сюрме.
Ишлерге уял да, ашаргъа табма.
Чалманны аллы къалай башланса, арты да алай барады.
Ачылгъан эт джабылыр, кёрген кёз унутмаз.
Чомарт къолда мал къалмаз.
Тин – байлыгъынг, терен саулугъунг.
Аз сёлеш, кёб ишле.
Ашаса, ашамаса да, бёрюню ауузу – къан.
Ариу сёз – къылычдан джити.
Ач – эснер, ат – кишнер.
Эл тойса, тоймагъан, эл къойса, къоймагъан.
Адеб базарда сатылмаз.
Тешигини къатында, чычхан да батыр болур.
Адам къыйынлыгъын кёлтюрюр, зауукълугъун кёлтюрмез.
Дуния мал дунияда къалады.
Биреуге аманлыкъны тилеме да, кесинге ашхылыкъны тиле.
Кирсизни – саны таза, халалны – къаны таза.
Ач къарным, тынч къулагъым.
Джюрекден джюрекге джол барды.
Ариуну – ауруу кёб.
Кёб джашагъан – кёб билир.
Кёбге таш атма.
Онгсузну – джакъла, тенгликни – сакъла.
Айтхан – тынч, этген – къыйын.
Агъач – джерни чырайы, кийим – эрни чырайы.
Ачыу алгъа келсе, акъыл артха къалады.
Нафысынгы айтханын этме, намысынгы айтханын эт.
Акъыл къартда, джашда тюйюлдю – башдады.
Уллу суу бла уллу ауруудан башынгы сакъла.
Айтхан сёзюне табылгъан.
Иги адам абынса да, джангылмаз.
Ач бёрюге мекям джокъ.
Кёкдеги болмаса, джердегин кёрмейди.
Кимни – тили, тиши онглу, кимни – къолу, иши онглу.
Хазыр ашха – терен къашыкъ.
Тойчу джашха къарама, къойчу джашха къара.
Ёксюзню къалачы уллу кёрюнюр.
Атадан ёксюз – бир ёксюз, анадан ёксюз – эки ёксюз.
Тилде сюек болмаса да, сюек сындырыр.
Аманны эки битли тону болур, бирин сеннге кийдирир, бирин кеси киер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Чоюнну башы ачыкъ болса, итге уят керекди.

Логин:
Пароль:
	Запомнить меня на этом компьютере

Забыли свой пароль?
Регистрация