- Кёзю сокъурдан – къоркъма, кёлю сокъурдан – къоркъ.
- Игиге айтсанг – билир, аманнга айтсанг – кюлюр.
- Джырчы ёлсе, джыры къалыр.
- Сакъламагъан затынга джолукъсанг, не бек къууанаса, не бек ачыйса.
- Чалманны аллы къалай башланса, арты да алай барады.
- Адам къаллай бир ишленмесе, аллай бир кесин уллу кёреди.
- Эр сокъур болсун, къатын тилсиз болсун.
- Адам сёзге тынгыла, акъыл сёзню ангыла.
- Акъыллы – эл иеси, тели – эл баласы.
- Иши джокъну, сыйы джокъ.
- Уллу къазанда бишген эт, чий къалмаз.
- Джаным-тиним – окъуу, билим.
- Сабий болмагъан джерде, мёлек болмаз.
- Ариу сёз – къылычдан джити.
- Къызбайны юйюне дери сюрсенг, батыр болур.
- Айыбны суу бла джууалмазса.
- Къарт бла баш аша, джаш бла аякъ аша.
- Сескекли кесин билдирир.
- Суу кетер, таш къалыр.
- Рысхы джалгъанды: келген да этер, кетген да этер.
- Ёзденликни кёбю ётюрюк.
- Мал кёб болса, джууукъ кёб болур.
- Ашын ашагъанынгы, башын да сыйла.
- Ишни ахырын ойламай, аллын башлама.
- Тилчи бир сагъатха айлыкъ хата этер.
- Тойгъан джерге джети къайт.
- Чомарт къолда мал къалмаз.
- Кёлю джокъну – джолу джокъ.
- Къонакъ аман болса, къонакъбай джунчур
- Кесинг сынамагъан затны, адамгъа буюрма.
- Эки къатын алгъан – эки ташны ортасына башын салгъан.
- Нёгер болсанг, тенг бол, тенг болмасанг, кенг бол.
- Ат басханны джер билед.
- Ач – эснер, ат – кишнер.
- Азыкълы ат арымаз, къатыны аман джарымаз.
- Огъурлуну сёзю – суу, огъурсузну сёзю – уу.
- Джеринден айырылгъан – джети джылар, джуртундан айырылгъан – ёлгюнчю джылар.
- Ханнга да келеди хариблик.
- Иги адамны бир сёзю эки болмаз.
- Билими азны – ауузунда кирит.
- Ётюрюкчюню шагъаты – къатында.
- Тюкюрюк баш джармаз, налат кёз чыгъармаз!
- Къатын байлыкъны сюер, эр саулукъну сюер.
- Дуния малгъа сатылма, кесингден телиге къатылма.
- Къая джолда джортма, ачыкъ сёзден къоркъма.
- Намысы джокъну – дуниясы джокъ.
- Чакъырылмагъан джерге барма, чакъырылгъан джерден къалма.
- Къоркъакъны кёзю экили кёрюр.
- Сютден ауузу кюйген, суугъа юфгюре эди.
- Сютню башын джалагъан къутулур, тюбюн ичген тутулур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72