- Къарнынг ауруса, ауузунгу тый
- Сёз къанатсыз учар.
- Дженгил джетерикме деб, узун джолну къоюб, къысхасын барма.
- Джюрек кёзден алгъа кёрюр.
- Ишни аллы бла къууанма да, арты бла къууан.
- Байдан умут эте, джарлыдан ёгюз багъасы къорады.
- Чабакъсыз кёлге къармакъ салгъанлыкъгъа, чабакъ тутмазса.
- Бал – татлы, балдан да бала – татлы.
- Босагъагъа джууукъ орун болса, ашыгъыб тёрге озма.
- Ашхы атаны – джашы ашхы, ашхы ананы – къызы ашхы.
- Аман хансны – урлугъу кёб.
- Тюзлюк шохлукъну бегитир.
- Сакъалы текени да бар, мыйыгъы киштикни да бар.
- Эки элинги тыйсанг, джети элде махталырса.
- Тил – миллетни джаны.
- Босагъа таш юйге кирмей эди, тыбыр таш эшикге чыкъмай эди.
- Ауузу аманнга «иги», деме.
- Къызгъанчдан ычхыныр, мухардан ычхынмаз.
- Чомарт бергенин айтмаз.
- Аз сёлеш, кёб ишле.
- Урама да – ёледи, сатама да – келеди.
- Джаш къарыу бла кючлю, къарт акъыл бла кючлю.
- Айныгъанлы алты кюн, тогъайгъанлы тогъуз кюн.
- Джети тилни билген джети кишиди.
- Къарнынг къанлынга кийирир.
- Къарт бла баш аша, джаш бла аякъ аша.
- Джумушакъ терекни къурт ашар.
- Борчунг бар эсе, хурджунунга ойлаб узал.
- Дууулдаса – бал чибин, къонса – къара чибин.
- Хансыз джомакъ болмаз.
- Тилчи бир сагъатха айлыкъ хата этер.
- Джан саулукъ бермей, сан саулукъ бермезсе.
- Ашхы тенг джолгъа салыр, аман тенг джолдан тайдырыр.
- Айырылгъанланы айю ашар, бёлюннгенлени бёрю ашар.
- Ёлген аслан – сау чычхан.
- Хар адамгъа кеси миннген тау кибик.
- Чёбню кёлтюрсенг, тюбюнден сёз чыгъар.
- Къая джолда джортма, ачыкъ сёзден къоркъма.
- Эте билген, этген этеди, эте билмеген, юретген этеди!
- Джарлы эскисин джамаса, къууаныр.
- Кёл – къызбай, къол – батыр.
- Къумурсхала джыйылсала, пилни да джыгъадыла.
- Аууздан келген, къолдан келсе, ким да патчах болур эди.
- Ачыу алгъа келсе, акъыл артха къалады.
- Биреуге кёлтюрген таягъынг, кесинги башынга урур.
- Кийим тукъум сордурур.
- Ойнаб айтсанг да, эслеб айт.
- Къазанны башы ачыкъ болса, итге уят керекди.
- Малны кют, джерни тюрт.
- Адамны аманы адамны бети бла ойнар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72