- Тил джюрекге джол ишлейди.
- Юй кюйдю да, кюйюз чыкъды, ортасындан тюйюш чыкъды.
- Билген билмегенни юретген адетди.
- Башы ишлегенни, ауузу да ишлер.
- Эртде тургъан бла эртде юйленнген сокъуранмаз.
- Аш кетер да бет къалыр.
- Кеси юйюмде мен да ханма.
- Тели турса – той бузар.
- Тик ёргени, тик энгишгеси да болады.
- Ач отунчуну ачыуу – бурнунда.
- Бозаны арты дауур болур.
- Къарнынг тойгъунчу аша да, белинг талгъынчы ишле.
- Мухар, кеси тойса да, кёзю тоймаз.
- Башсыз урчукъ тюзюне айланмаз.
- Аджашханны ызындагъы кёреди, джангылгъанны джанындагъы биледи.
- Тау башында, тау болмаз, джангыз терек, бау болмаз.
- Чакъырылмагъан джерге барма, чакъырылгъан джерден къалма.
- Уллу къашыкъ эрин джыртар.
- Тили узунну, намысы – къысха.
- Байлыкъ болгъан джерде, тынчлыкъ джокъду.
- Адам сёзге тынгыла, акъыл сёзню ангыла.
- Тулпарлыкъ, билекден тюл – джюрекден.
- Тин – байлыгъынг, терен саулугъунг.
- Аман хансны – урлугъу кёб.
- Ашаса, ашамаса да, бёрюню ауузу – къан.
- Къоркъакъны кёзю экили кёрюр.
- Окъуу – билимни ачхычы, окъуу – дунияны бачхычы.
- Билим насыб берир, билим джолну керир.
- Этни бети бла шорпасы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ач къалгъандан, кеч къалгъан къолай.
- Чомарт бергенин айтмаз.
- Джарашыу сюйген – джалынчакъ.
- Намыс болмагъан джерде, насыб болмаз.
- Акъылсызны джууукъгъа алма, акъыллыны кенгнге салма.
- Кийимни бичсенг, кенг бич, тар этген къыйын тюлдю.
- Тиширыусуз юй – отсуз от джагъа.
- Ашын ашагъанынгы, башын да сыйла.
- Джылар джаш, атасыны сакъалы бла ойнар.
- Намыс сатылыб алынмайды.
- Ашлыкъ – бюртюкден, джюн – тюкден.
- Иги – алгъыш этер, аман – къаргъыш этер.
- Чакъырылмагъан къонакъ – орунсуз.
- Сёз къанатсыз учар.
- Эринчекни аурууу – кёб.
- Узун джолну барсанг, бюгюн келирсе, къысха джолну барсанг, тамбла келирсе.
- Рысхы – насыбха къор.
- Келгинчи, къонакъ уялыр, келгенден сора, къонакъбай уялыр.
- Ашхы тенг джолгъа салыр, аман тенг джолдан тайдырыр.
- Джети тилни билген джети кишиди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72