- Башынга джетмегенни сорма.
- Тойну къарнашы – харс, джырны къарнашы – эжиу.
- Эм уллу байлыкъ – джан саулукъ.
- Джолунга кёре – джюрюшюнг, джагъанга кёре – юлюшюнг.
- Тил – кесген бычакъ, сёз – атылгъан окъ.
- Адам боллукъ, атламындан белгили болур.
- Тенгинг джокъ эсе – изле, бар эсе – сакъла!
- Къайгъы тюбю – тенгиз.
- Бал чибинни ургъаны – ачы, балы – татлы.
- Кесине оноу эте билмеген, халкъына да эте билмез.
- Телиге от эт десенг, юйюнге от салыр.
- Урама да – ёледи, сатама да – келеди.
- Ойнай билмеген, оюн бузар.
- Мадар болса, къадар болур.
- Ач уят къоймаз.
- Билмегенинги, билгеннге сор.
- Сабийликде юретмесенг, уллу болса – тюзелмез.
- Тас болгъан бычакъны сабы – алтын.
- Кечеси – аяз, кюню – къыш, джарлы къаргъагъа бир аш тюш!
- Ауругъан – джашаудан умутчу.
- Къалгъан ишге къар джауар.
- Артына баргъанны, къатына барма.
- Эртде тургъан бла эртде юйленнген сокъуранмаз.
- Аманны эки битли тону болур, бирин сеннге кийдирир, бирин кеси киер.
- Чомартха хар кюн да байрамды.
- Ёлюк кебинсиз къалмаз.
- Атынг аманнга чыкъгъандан эсе, джанынг тамагъынгдан чыкъсын.
- Къазанны башы ачыкъ болса, итге уят керекди.
- Ауурну тюбю бла, дженгилни башы бла джюрюген.
- Айтхан – тынч, этген – къыйын.
- Чомарт къонакъ юй иесин сыйлар.
- Аллахдан тилесенг, кёб тиле.
- Окъдан джара эртде-кеч болса да бителир, сёз джара, ёмюрге къалыр.
- Кёзден кетген, кёлден да кетеди.
- Рысхы – насыбха къор.
- Бети къызарыучу адамны, джюреги харам болмаз.
- Хар сёзню орну барды.
- Таугъа чыгъаллыкъ эсенг, тюзде къалма.
- Чомартха Тейри да борчлуду.
- Кёб джат да, бек чаб.
- Булут кёкге джарашыу, уят бетге джарашыу.
- Къызын тута билмеген, тул этер, джашын тута билмеген, къул этер.
- Кийим тукъум сордурур.
- Тай асырагъан, атха минер.
- Къая джолда джортма, ачыкъ сёзден къоркъма.
- Аман хансны – урлугъу кёб.
- Шайтан алдады, тюзлюк къаргъады.
- Алгъанда – джууукъ, бергенде – джау.
- Битмегеннге сакъал – танг.
- Уруну арты – къуру.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72