- Айныгъанлы алты кюн, тогъайгъанлы тогъуз кюн.
- Бир онгсуз адам адет чыгъарды, деб эштирик тюлсе.
- Этим кетсе да, сюегим къалыр.
- Ата – баланы уясы.
- Тилде сюек болмаса да, сюек сындырыр.
- Арба аугъандан сора, джол кёргюзтюучю кёб болур.
- Ауругъанны сау билмез, ач къарынны токъ билмез.
- «Ма», - дегенни билмесенг, «бер», - дегенни билмезсе.
- Тас болгъан бычакъны сабы – алтын.
- Эр абынмай, эл танымаз.
- Азыгъы аз, алгъа къабар, аты аман, алгъа чабар.
- Иги сёз – джаннга азыкъ, аман сёз башха – къазыкъ.
- Чакъырылмагъан къонакъ тёрге атламаз.
- Урама да – ёледи, сатама да – келеди.
- Тамбла алтындан бюгюн багъыр ашхы.
- Туз, гырджын аша, тюзлюк бла джаша.
- Къатын къылыкъсыз, эр тынчлыкъсыз.
- Эки къатын алгъан – эки ташны ортасына башын салгъан.
- Адамны сыфатына къарама, сёзюне къара.
- Рысхы – насыбха къор.
- Таула не мийик болсала да, аууш табылыр.
- Тенги кёбню джау алмаз, акъылы кёбню дау алмаз.
- Кюл тюбюндеги от кёрюнмейди.
- Къазанчы аман болса, къазаны къайнамаз.
- Намыс сатылыб алынмайды.
- Джаханимни кёрмей, джандетге кёл салмазса.
- Тилчиден кери бол.
- Нарт сёз – тилни бети.
- Хоншуну тауугъу къаз кёрюнюр, келини къыз кёрюнюр.
- Иги болса, тамадама – махтау, аман болса, меннге – айыб.
- Халкъны джырын джырласанг, халкъ санга эжиу этер.
- Акъыл бла адеб эгизледиле.
- Нафысынгы айтханын этме, намысынгы айтханын эт.
- Тик ёргени, тик энгишгеси да болады.
- Мен да «сен», дейме, сен да «кесим», дейсе.
- Дуния мал дунияда къалады.
- От кюйдюрген, сау болса да, тот кюйдюрген, сау болмаз.
- Уруну арты – къуру.
- Кесинге джетмегенни, кёб сёлешме.
- Эки элинги тыйсанг, джети элде махталырса.
- Джумушакъ сёз къаты таякъны сындырыр.
- Ишленмеклик адамлыкъды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Билгенни къолу къарны джандырыр.
- Окъ къызбайны джокълайды.
- Этни бети бла шорпасы.
- Джеринден айырылгъан – джети джылар, джуртундан айырылгъан – ёлгюнчю джылар.
- Байны къызы баймакъ болса да, юйде къалмаз!
- Тили узунну, намысы – къысха.
- Иги адам абынса да, джангылмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72