- Къолунгдан къуймакъ ашатсанг да, атаны борчундан къутулмазса.
- Минг тенг да азды, бир джау да кёбдю.
- Акъыллы башны – тили къысха.
- Аманны эки битли тону болур, бирин сеннге кийдирир, бирин кеси киер.
- Джюрек кёзден алгъа кёрюр.
- Болджал ишни бёрю ашар.
- Бойнуму джети джерден кессенг да, мен ол ишни этеллик тюлме.
- Ачлыкъ отха секиртир.
- Джарашыу сюйген – джалынчакъ.
- Тойгъан джерден туугъан джер игиди.
- Ариу сёз аурууунгу алыр.
- Ишлегенден, къарагъан уста.
- Тёзген – тёш ашар!
- Ашхылыкъ джерде джатмайды, аманлыкъ суугъа батмайды.
- Малны кют, джерни тюрт.
- Хар ишни да аллы къыйынды.
- Эр абынмай, эл танымаз.
- Алма терегинден кери кетмез.
- Хазыр ашха – терен къашыкъ.
- Аман къатын сабий табса, бий болур…
- Тюзлюк тас болмайды.
- Сёлеш деб шай берген, тохта деб, сом берген.
- Акъыллы эркиши атын махтар, акъылсыз эркиши къатынын махтар.
- Шекер бла туз – бир болмаз, ушамагъан – юй болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Aдам боллукъ, сыфатындан белгили.
- Дуния малгъа сатылма, кесингден телиге къатылма.
- Тешик этген тынчды, аны джамагъан къыйынды.
- Аманнга да, игиге да оноусуз къатышма.
- Ауузу бла къуш тута айланады.
- Къарт болгъан джерде, берекет болур, сабий болгъан джерде, оюн болур.
- Зар адам ашынгы ашар, кесинги сатар.
- Ауругъанны сау билмез, ач къарынны токъ билмез.
- Дууулдаса – бал чибин, къонса – къара чибин.
- Чакъырылгъанны аты, чакъырылмагъанны багъасы болур.
- Къарнынг къанлынга кийирир.
- Джумушакъ терекни къурт ашар.
- Кенгеш болса, уруш болмаз.
- Тели турса – той бузар.
- Терек ауса, отунчу – кёб.
- Сагъышы джокъ – джукъучу, акъылы джокъ – къаугъачы.
- Ачлыкъда тары гырджын халыуадан татлы.
- Байны оноуу, джарлыгъа джарамаз.
- Биреуге кёлтюрген таягъынг, кесинги башынга урур.
- Ариу сёз – къылычдан джити.
- Биреуню къыйынлыгъы бла кесинге джол ишлеме.
- Тилчи бир сагъатха айлыкъ хата этер.
- Ашатыргъа иш – ашхы, ишлетирге аш – ашхы.
- Джогъун бар этген, барын бал этген.
- Къатыны харакетли болса, эри къымсыз болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72