- Асхат ашлыкъ сата, юйдегиси ачдан къата.
- Ашда – бёрю, ишде – ёлю.
- Билген билмегенни юретген адетди.
- Къан бла кирген, джан бла чыгъар.
- Джаз бир кюнню джатсанг, къыш талай кюнню абынырса.
- Чомарт къонакъ юй иесин сыйлар.
- Адеби болмагъан къыз – тузсуз хант.
- Адамны бетине къарама, адетине къара.
- Акъыл сабырлыкъ берир.
- Эринчекге кюн узун.
- Ариу сёз аурууунгу алыр.
- Босагъа таш юйге кирмей эди, тыбыр таш эшикге чыкъмай эди.
- Азыгъы аз, алгъа къабар, аты аман, алгъа чабар.
- Бетинги сатма, малынгы сат.
- Уруну арты – къуру.
- Ачыкъ джюрекге джол – ачыкъ.
- Ёпкелегенни ашы татлы болады.
- Алим болгъандан эсе, адам болгъан къыйынды.
- Рысхысына кёре, джаш ёсер, къышлыгъына кёре, мал ёсер.
- Кюн – узун, ёмюр – къысха.
- Дуния малгъа сатылма, кесингден телиге къатылма.
- Арыгъан къош чамчы болур.
- Къолунгдан къуймакъ ашатсанг да, атаны борчундан къутулмазса.
- Элни кючю – эмеген.
- Къызбайны юйюне дери сюрсенг, батыр болур.
- Экиндини кеч къылсанг, чабыб джетер ашхам.
- Азыкълы ат арымаз, къатыны аман джарымаз.
- Ариу сёз – къылычдан джити.
- Мухардан ач ычхынмаз.
- Аш кетер да бет къалыр.
- Аманнга игилик этсенг, юйюнге сау бармазса.
- Кёзню ачылгъаны – иги, ауузну джабылгъаны – иги.
- Адеб базарда сатылмаз.
- Башда акъыл болмаса, эки аякъгъа кюч джетер.
- Аууздан келген, къолдан келсе, ким да патчах болур эди.
- Биреуню тёрюнден, кесинги эшик артынг игиди.
- Бал – татлы, балдан да бала – татлы.
- Сакъламагъан затынга джолукъсанг, не бек къууанаса, не бек ачыйса.
- Суу да къайтады чыкъгъан джерине.
- Ариу сёз – джаннга азыкъ, аман сёз – башха къазыкъ.
- Юреннген ауруу къалмаз.
- Ашыкъгъан cуу, тенгизге джетмез.
- «Ма», - дегенни билмесенг, «бер», - дегенни билмезсе.
- Эл бла кёргенинг эрелей.
- Баланы адам этген анады.
- Ёлюк кебинсиз къалмаз.
- Таула не мийик болсала да, аууш табылыр.
- Биреуге кёлтюрген таягъынг, кесинги башынга урур.
- Хоншуну тауугъу къаз кёрюнюр, келини къыз кёрюнюр.
- Башланнган иш битер, къымылдагъан тиш тюшер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72