Эльбрусоид :: Форум :: Архив форумов

Узун джолну барсанг, бюгюн келирсе, къысха джолну барсанг, тамбла келирсе.
Ётюрюкню къуйругъу – бир тутум.
Баш болса, бёрк табылыр.
Гугук кесини атын айтыб къычыргъанча, мен, мен деб нек тураса?
Ата джурт – алтын бешик.
Хата – гитчеден.
Арыгъан къош чамчы болур.
Байны оноуу, джарлыгъа джарамаз.
Тыш элде солтан болгъандан эсе, кесинги элде олтан болгъан игиди!
Кёб джат да, бек чаб.
Акъыл къартда, джашда тюйюлдю – башдады.
Нафысынгы айтханын этме, намысынгы айтханын эт.
Тура эдим джата, къайдан чыкъды хата?
Кёб джашагъан – кёб билир.
Тёрдеги кюлсе, эшикдеги ышарыр.
Тилчиден кери бол.
Адамны артындан къара сабан сюрме.
Мал ёлсе, сюек къалыр, адам ёлсе, иши къалыр.
Джеринден айырылгъан – джети джылар, джуртундан айырылгъан – ёлгюнчю джылар.
Байлыкъдан саулукъ ашхыды.
Ашхы – джыяр, аман – джояр.
Босагъагъа джууукъ орун болса, ашыгъыб тёрге озма.
Айтхан сёзюне табылгъан.
Илму – джашауну джолу.
Къарнынг ауруса, ауузунгу тый
Игиге айтсанг – билир, аманнга айтсанг – кюлюр.
Юйлю уругъа ит чабмаз.
Гугурук къычырмаса да, тангны атары къалмаз.
Ариу сёз аурууунгу алыр.
Ата Джуртча джер болмаз, туугъан элча эл болмаз.
Акъыллы айтыр эди, акъылсыз къоймайды.
Кёб къычыргъандан – къоркъма, тынч олтургъандан – къоркъ.
Адеб базарда сатылмаз.
Къуру гыбыт бек дыгъырдар.
Бастасын ашагъан, хантусун да ичер.
Акъыл аздырмаз, билим тоздурмаз.
Намысы болмагъанны, сыйы болмаз.
Тюзлюк тас болмайды.
Ёнгкюч къууана барыр, джылай келир.
Кёбню кёрген – кёб билир.
Тойгъан антын унутур.
Насыблы элин сюер, насыбсыз кесин сюер.
Къатын байлыкъны сюер, эр саулукъну сюер.
Ёлген аслан – сау чычхан.
Минг тенг да азды, бир джау да кёбдю.
Халкъгъа джарагъан, джарлы къалмаз.
Уруну арты – къуру.
Ариу сёз джыланны орнундан чыгъарыр.
Эр сокъур болсун, къатын тилсиз болсун.
Ашха уста, юйюнде болсун

Логин:
Пароль:
	Запомнить меня на этом компьютере

Забыли свой пароль?
Регистрация