- Къар – келтирди, суу – элтди.
- Уясында не кёрсе, учханында аны этер.
- Хатерли къул болур.
- Тюкюрюк баш джармаз, налат кёз чыгъармаз!
- Рысхысына кёре, джаш ёсер, къышлыгъына кёре, мал ёсер.
- Ашлыкъ – бюртюкден, джюн – тюкден.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аман хансны – урлугъу кёб.
- Айныгъанлы алты кюн, тогъайгъанлы тогъуз кюн.
- Джарлы тюеге минсе да, ит къабар.
- Окъугъан – асыу, окъумагъан – джарсыу.
- Ашыкъгъан cуу, тенгизге джетмез.
- Бетинги сатма, малынгы сат.
- Бет бетге къараса, бет да джерге къарар.
- Aдам боллукъ, сыфатындан белгили.
- Ханы къызы буюгъа-буюгъа киштик болду.
- Тойну къарнашы – харс, джырны къарнашы – эжиу.
- Чоюнну башы ачыкъ болса, итге уят керекди.
- Къалгъан ишге къар джауар.
- Биреуге аманлыкъны тилеме да, кесинге ашхылыкъны тиле.
- Джырчы джырчыгъа – къарнаш.
- Гугук кесини атын айтыб къычыргъанча, мен, мен деб нек тураса?
- Гырджын – тепсини тамадасы.
- Джерни букъусу кёкге къонмаз.
- Ашхы – джыяр, аман – джояр.
- Къатын къылыкъсыз, эр тынчлыкъсыз.
- Ач, тоймам, дейди, тойгъан, ач болмам, дейди.
- Кюлме джашха – келир башха.
- Рысхы джалгъанды: келген да этер, кетген да этер.
- Хоншуну тауугъу къаз кёрюнюр, келини къыз кёрюнюр.
- Окъдан джара эртде-кеч болса да бителир, сёз джара, ёмюрге къалыр.
- Тюзлюк шохлукъну бегитир.
- Агъач – джерни чырайы, кийим – эрни чырайы.
- Тёрде – темир таякълы, къаяда – чыпчыкъ аякълы.
- Чабакъсыз кёлге къармакъ салгъанлыкъгъа, чабакъ тутмазса.
- Алтыннга тот къонмаз.
- Аман адамны тепсинге олтуртсанг, къызынгы тилер.
- Къарнынг тойгъунчу аша да, белинг талгъынчы ишле.
- Айтханы чапыракъдан ётмеген.
- Адам сёзюнден белгили.
- Алтыда кюлмеген, алтмышда кюлмез.
- Элни кючю – эмеген.
- Къартны бурнун сюрт да, оноугъа тут.
- Кёбден умут этиб, аздан къуру къалма.
- Акъыл неден да кючлюдю.
- Садакъачыны джаны – къапчыгъында.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джигер – джаннга къыйынлыкъ.
- Эм ашхы къайын ана мамукъ бла башынгы тешер.
- Тешигини къатында, чычхан да батыр болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72