- Ишин билген, аны сыйын чыгъарады.
- Чомартха хар кюн да байрамды.
- Ойнай билмеген, оюн бузар.
- Билмейме деген – бир сёз
- Эллинг бла джау болсанг да, юйюнг бла джау болма.
- Къарын къуру болса, джюрек уру болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Ач къарынны, токъ билмез
- Ёзденликни кёбю ётюрюк.
- Элде адам къалмаса, ит тахтагъа минер.
- Шайтан алдады, тюзлюк къаргъады.
- Ашхы атаны – джашы ашхы, ашхы ананы – къызы ашхы.
- Тил джюрекге джол ишлейди.
- Сакъ юйюне сау барыр.
- Джуртун къоругъан озар.
- Билген билмегенни юретген адетди.
- Билим – акъылны чырагъы.
- Тин – байлыгъынг, терен саулугъунг.
- Джашда акъыл джокъ, къартда къарыу джокъ.
- Бал – татлы, балдан да бала – татлы.
- Кирсизни – саны таза, халалны – къаны таза.
- Бир абыннган – минг сюрюнюр.
- Окъдан джара эртде-кеч болса да бителир, сёз джара, ёмюрге къалыр.
- Малны кют, джерни тюрт.
- Кесинг сынамагъан затны, адамгъа буюрма.
- Джаным-тиним – окъуу, билим.
- Чакъырылмагъан къонакъ къачан кетерин сормаз.
- Акъдан къара болмаз.
- Аз сёлешген, къайгъысыз турур.
- Байны къызы баймакъ болса да, юйде къалмаз!
- Аякъларынгы джууургъанынга кёре узат.
- Хунаны тюбюн къазсанг, юсюнге ауар.
- Биреуге аманлыкъны тилеме да, кесинге ашхылыкъны тиле.
- Ата Джуртуму башы болмасам да, босагъасында ташы болайым.
- Кенгеш болса, уруш болмаз.
- Кесине оноу эте билмеген, халкъына да эте билмез.
- Кёрмегеннге кебек – танг, битмегеннге сакъал – танг.
- Къая джолда джортма, ачыкъ сёзден къоркъма.
- Зарда марда джокъ.
- Ата Джуртча джер болмаз, туугъан элча эл болмаз.
- Насыб бютеу халкъны юлюшюдю.
- Чабар ат – джетген къыз.
- Джахил болса анасы, не билликди баласы?
- Суу да къайтады чыкъгъан джерине.
- Тилсиз миллет джокъ болур.
- Ойнай билмеген, уруб къачар.
- Атынг аманнга чыкъгъандан эсе, джанынг тамагъынгдан чыкъсын.
- Терслик кетер, тюзлюк джетер.
- Иги болса, тамадама – махтау, аман болса, меннге – айыб.
- Нёгерсизни джолу узун.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72