- Джашынгы кесинг юретмесенг, джашау юретир.
- От этилмеген джерден тютюн чыкъмайды.
- Джарлы джети элни сёзюн этер.
- Эшекни не къадар тюйсенг да, ат болмаз.
- Алтыда кюлмеген, алтмышда кюлмез.
- Таякъ этден ётер, тил сюекден ётер.
- Къыз чыгъаргъан – къызыл къымжа.
- Соргъан айыб тюлдю, билмеген айыбды.
- Тенгни тенглиги джашай барсанг билинир.
- Тойгъан джерге джети къайт.
- Этни бети бла шорпасы.
- Эки итни арасына сюек атма, эки адамны арасында сёз чыгъарма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къызын тута билмеген, тул этер, джашын тута билмеген, къул этер.
- Термилгенинги табмазса, кюлгенинге тюберсе.
- Ётюрюкню башын керти кесер.
- Аууздан келген, къолдан келсе, ким да патчах болур эди.
- Рысхы – сют юсюнде кёмюк кибикди.
- Керек ташны ауурлугъу джокъ.
- Тин – байлыгъынг, терен саулугъунг.
- Тил джюрекге джол ишлейди.
- Ачлыкъда тары гырджын халыуадан татлы.
- Тура эдим джата, къайдан чыкъды хата?
- Къошда джокъгъа – юлюш джокъ.
- Таугъа чыгъаллыкъ эсенг, тюзде къалма.
- Эрине къаргъыш этген къатын, эрнин къабар.
- Агъач халкъгъа алтынды, иссиликге салкъынды.
- Ётюрюкден тюбю джокъ, кёлтюрюрге джиби джокъ.
- Къартны сыйын кёрмеген, къартлыгъында сыйлы болмаз.
- Къайгъы тюбю – тенгиз.
- Эте билген, этген этеди, эте билмеген, юретген этеди!
- Сёз садакъдан кючлюдю.
- Башынга джетмегенни сорма.
- Гырджын – тепсини тамадасы.
- Тыш элде солтан болгъандан эсе, кесинги элде олтан болгъан игиди!
- Къуру гыбыт бек дыгъырдар.
- Ач, тоймам, дейди, тойгъан, ач болмам, дейди.
- Элде адам къалмаса, ит тахтагъа минер.
- Чомартха Тейри да борчлуду.
- Сёлеш деб шай берген, тохта деб, сом берген.
- Айтханы чапыракъдан ётмеген.
- Намыс сатылыб алынмайды.
- Къарт айтханны этмеген, къартаймаз.
- Ач уят къоймаз.
- Аджал соруб келмез, келсе, къайтыб кетмез.
- Таукел тауну аудурур.
- Терслик кетер, тюзлюк джетер.
- Кёбге таш атма.
- Эрни эр этерик да, къара джер этерик да, тиширыуду.
- Таукел адам тау тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72