- Магъанасыз сёз – тауушсуз сыбызгъы.
- Айран ичген – къутулду, джугъусун джалагъан – тутулду.
- Суугъа – таянма, джаугъа – ийнанма.
- Келинин тута билмеген, къул этер, къызын тута билмеген, тул этер.
- Юйюнг бла джау болгъандан эсе, элинг бла джау бол.
- Керти сёзге тёре джокъ.
- Айраннга суу къош, телиге джол бош.
- Чакъырылмагъан къонакъ къачан кетерин сормаз.
- Босагъа таш юйге кирмей эди, тыбыр таш эшикге чыкъмай эди.
- Адебсиз адам – джюгенсиз ат.
- Билимсиз иш бармаз.
- Джерни букъусу кёкге къонмаз.
- Дуния мал дунияда къалады.
- Бичгенде ашыкъма, тикгенде ашыкъ.
- Къыйынлы джети элге оноу этер.
- Аякъларынгы джууургъанынга кёре узат.
- Башы ишлегенни, ауузу да ишлер.
- Иши джокъну, сыйы джокъ.
- Арба аугъандан сора, джол кёргюзтюучю кёб болур.
- Кёрмегеннге кебек – танг, битмегеннге сакъал – танг.
- Чакъырылмагъан къонакъ – орунсуз.
- Элни кючю – эмеген.
- Эл ауузу – элек, анга ийнаннган – халек.
- Терслик кетер, тюзлюк джетер.
- Къуру гыбыт бек дыгъырдар.
- Хар адамгъа кеси миннген тау кибик.
- Аз айтсам, кёб ангылагъыз.
- Керилген да, ургъан кибикди.
- Чакъырылмагъан джерге барма, чакъырылгъан джерден къалма.
- Аман адам этегингден тутса, кес да къач.
- Тамбла алтындан бюгюн багъыр ашхы.
- Тил бла келеди джыр да.
- Джогъун бар этген, барын бал этген.
- Мухардан ач ычхынмаз.
- Этим кетсе да, сюегим къалыр.
- Кёб джат да, бек чаб.
- Ёмюрлюк шохлукъну джел элтмез.
- Ким бла джюрюсенг, аны кёзю бла кёрюнюрсе.
- Баргъанынга кёре болур келгенинг.
- Адам боллукъ, атламындан белгили болур.
- Келлик заман – къартлыкъ келтирир, кетген заман – джашлыкъ ёлтюрюр.
- Берекет берсин деген джерде, берекет болур.
- Ариуну – ауруу кёб.
- Тилчи бир сагъатха айлыкъ хата этер.
- Узун джолну барсанг, бюгюн келирсе, къысха джолну барсанг, тамбла келирсе.
- Аманны эки битли тону болур, бирин сеннге кийдирир, бирин кеси киер.
- Татлы тилде – сёз ариу, чемер къолда – иш ариу.
- Ёлген аслан – сау чычхан.
- Джырчы джырчыгъа – къарнаш.
- Бек анасы джыламаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72