- Джолунга кёре – джюрюшюнг, джагъанга кёре – юлюшюнг.
- Адеб этмеген, адеб кёрмез.
- Ауругъаннга – кийик саулукъ, джетген къызгъа – чилле джаулукъ.
- Ойнаб айтсанг да, эслеб айт.
- Акъдан къара болмаз.
- Къартха ушагъан джаш – акъыллы, джашха ушагъан къарт – тели.
- Акъыл бла адеб эгизледиле.
- Ёлюк кебинсиз къалмаз.
- Биреу къой излей, биреу той излей.
- Къалгъан ишге къар джауар.
- Эшекни не къадар тюйсенг да, ат болмаз.
- Тенгни тенглиги джашай барсанг билинир.
- Окъуу – билимни ачхычы, окъуу – дунияны бачхычы.
- Юй кюйдю да, кюйюз чыкъды, ортасындан тюйюш чыкъды.
- Ётюрюк хапар аякъ тюбю бла джюрюйдю.
- Ким бла джюрюсенг, аны кёзю бла кёрюнюрсе.
- Ачлыкъ отха секиртир.
- Тилде сюек болмаса да, сюек сындырыр.
- Къазанчы аман болса, къазаны къайнамаз.
- Ата – баланы уясы.
- Таукелге нюр джауар.
- Ишге юренсин къоллары, халкъ бла болсун джоллары.
- Тойчу джашха къарама, къойчу джашха къара.
- Аякъларынгы джууургъанынга кёре узат.
- Къарын къуру болса, джюрек уру болур.
- Билмегенинги, билгеннге сор.
- Сёз сёзню айтдырыр.
- Къозулугъунда тоймагъан, къойлугъунда тоймаз.
- Аманны эки битли тону болур, бирин сеннге кийдирир, бирин кеси киер.
- Насыблы элин сюер, насыбсыз кесин сюер.
- Эки итни арасына сюек атма, эки адамны арасында сёз чыгъарма.
- Рысхы джалгъанды: келген да этер, кетген да этер.
- Кирсизни – саны таза, халалны – къаны таза.
- Аманнга игилик этсенг, юйюнге сау бармазса.
- Сютден ауузу кюйген, суугъа юфгюре эди.
- Ачыу алгъа келсе, акъыл артха къалады.
- Тюзлюк шохлукъну бегитир.
- Айран тёгюлсе, джугъусу къалыр.
- Ариу джол аджал келтирмез.
- Биреуню тёрюнден, кесинги эшик артынг игиди.
- Ашда – бёрю, ишде – ёлю.
- Кеси юйюмде мен да ханма.
- Эринчекге кюн узун.
- Сескекли кесин билдирир.
- Алтыннга тот къонмаз.
- Билгенни къолу къарны джандырыр.
- Адам боллукъ, атламындан белгили болур.
- Кёб къычыргъандан – къоркъма, тынч олтургъандан – къоркъ.
- Аман киши кеси юйюнде – къонакъ.
- Адеби болмагъан къыз – тузсуз хант.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72