- Ёлген эшек бёрюден къоркъмайды.
- Мадар болса, къадар болур.
- Керилген да, ургъан кибикди.
- Ариу сёз аурууунгу алыр.
- Адамны сыфатына къарама, сёзюне къара.
- Таугъа чыгъаллыкъ эсенг, тюзде къалма.
- Адам туугъан джеринде, ит тойгъан джеринде.
- Джумушакъ сёз къаты таякъны сындырыр.
- Сормай – алма, чакъырылмай – барма.
- Джырчы ёлсе, джыры къалыр.
- Ойнай билмеген, оюн бузар.
- Эрине къаргъыш этген къатын, эрнин къабар.
- Окъугъан – асыу, окъумагъан – джарсыу.
- Эр сокъур болсун, къатын тилсиз болсун.
- Тойгъа алгъа да барма, тойда артха да къалма.
- Эм ашхы къайын ана мамукъ бла башынгы тешер.
- Сёз къанатсыз учар.
- Ач уят къоймаз.
- Иши джокъну, сыйы джокъ.
- Къарт айтханны этмеген, къартаймаз.
- Айранны сюйген, ийнек тутар.
- Аман хансны – урлугъу кёб.
- Аз айтсам, кёб ангылагъыз.
- Келинни – келгинчи, бёркню кийгинчи кёр.
- Керек ташны ауурлугъу джокъ.
- Кюлме джашха – келир башха.
- Байны оноуу, джарлыгъа джарамаз.
- Бир абыннган – минг сюрюнюр.
- Танг атмайма десе да, кюн къоярыкъ тюйюлдю.
- Таукел къуру къалмаз.
- Ёзденликни кёбю ётюрюк.
- Къумурсхала джыйылсала, пилни да джыгъадыла.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сютню башын джалагъан къутулур, тюбюн ичген тутулур.
- Билими азны – ауузунда кирит.
- Ашлыкъ – бюртюкден, джюн – тюкден.
- Кёпюр салгъан кеси ётер, уру къазгъан кеси кетер.
- Чакъырылгъанны аты, чакъырылмагъанны багъасы болур.
- Акъыллы эркиши атын махтар, акъылсыз эркиши къатынын махтар.
- Баш болса, бёрк табылыр.
- Борчунг бар эсе, хурджунунга ойлаб узал.
- Къуру гыбыт бек дыгъырдар.
- Биреуню эскиси биреуге джангы болмайды.
- Ач, тоймам, дейди, тойгъан, ач болмам, дейди.
- Шекер бла туз – бир болмаз, ушамагъан – юй болмаз.
- Ариу сёзде ауруу джокъ.
- Кёл ашады да, кеси ашады.
- Гугук кесини атын айтыб къычыргъанча, мен, мен деб нек тураса?
- Баланы адам этген анады.
- Уллу атлама – абынырса, уллу къабма – къарылырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72