- Азыгъы аз, алгъа къабар, аты аман, алгъа чабар.
- Джюрек кёзден алгъа кёрюр.
- Уруну арты – къуру.
- Эл ауузу – элия.
- Ёлмесенг да, къарт дамы болмазса?
- Сагъыш – къартлыкъгъа сюйюмчю.
- Танг атмайма десе да, кюн къоярыкъ тюйюлдю.
- Окъдан джара эртде-кеч болса да бителир, сёз джара, ёмюрге къалыр.
- Къартха ушагъан джаш – акъыллы, джашха ушагъан къарт – тели.
- Кесинге джетмегенни, кёб сёлешме.
- Къолунгдан къуймакъ ашатсанг да, атаны борчундан къутулмазса.
- Эки къатын алгъан – эки ташны ортасына башын салгъан.
- Гитче джилтин уллу элни джандырыр.
- Эшекни не къадар тюйсенг да, ат болмаз.
- Хансыз джомакъ болмаз.
- Бир онгсуз адам адет чыгъарды, деб эштирик тюлсе.
- Аллахдан тилесенг, кёб тиле.
- Адам боллукъ, атламындан белгили болур.
- Байлыкъдан саулукъ ашхыды.
- Адебсиз адам – джюгенсиз ат.
- Къарнынг тойгъунчу аша да, белинг талгъынчы ишле.
- Къыйынлы джети элге оноу этер.
- Билим насыб берир, билим джолну керир.
- Джети тилни билген джети кишиди.
- Къайгъы тюбю – тенгиз.
- Сибиртки да сыйлы болду, кюрек да кюнлю болду.
- Джеринден айырылгъан – джети джылар, джуртундан айырылгъан – ёлгюнчю джылар.
- Къыз тиширыу кеси юйюнде да къонакъды.
- Джашны джигитлиги сорулур, къызны джигерлиги сорулур.
- Акъдан къара болмаз.
- Къалгъан ишге къар джауар.
- Тик ёргени, тик энгишгеси да болады.
- Сангырау къулакъ эл бузар.
- Ач да бол, токъ да бол – намысынга бек бол.
- Уллу сёлешме да, уллу къаб.
- Къарны аманнга къазан такъдырма, къолу аманнга от джакъдырма.
- Окъуу – билимни ачхычы, окъуу – дунияны бачхычы.
- Тёрде – темир таякълы, къаяда – чыпчыкъ аякълы.
- Адеб этмеген, адеб кёрмез.
- Чакъырылгъанны аты, чакъырылмагъанны багъасы болур.
- Эли джокъну – кёлю джокъ.
- Билмегенинги, билгеннге сор.
- Ариу сёз джыланны орнундан чыгъарыр.
- Ариу сёз – къылычдан джити.
- Джиби бир къат джетмей эди да, эки къат тарта эди.
- Ана – юйню кюн джарыгъы.
- Чакъырылмагъан къонакъ – орунсуз.
- Тенгинг джокъ эсе – изле, бар эсе – сакъла!
- Игини сыйлагъан адетди.
- Элиб деген, элге болушур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72