- Алтыда кюлмеген, алтмышда кюлмез.
- Джашда акъыл джокъ, къартда къарыу джокъ.
- Ач – эснер, ат – кишнер.
- Кесине оноу эте билмеген, халкъына да эте билмез.
- Таула не мийик болсала да, аууш табылыр.
- Байлыкъ болгъан джерде, тынчлыкъ джокъду.
- Билеги кючлю, бирни джыгъар, билими кючлю, мингни джыгъар.
- Башы джабылгъан челекге, кир тюшмез.
- Акъдан къара болмаз.
- Къозулугъунда тоймагъан, къойлугъунда тоймаз.
- Аман киши кеси юйюнде – къонакъ.
- Ачлыкъда тары гырджын халыуадан татлы.
- Кюл тюбюндеги от кёрюнмейди.
- Экеу тутушса, биреу джыгъылыр.
- Рысхы – насыбха къор.
- Чомарт джарлы болмаз.
- Ариу джол аджал келтирмез.
- Тёрде – темир таякълы, къаяда – чыпчыкъ аякълы.
- Гугук кесини атын айтыб къычыргъанча, мен, мен деб нек тураса?
- Ётюрюк хапар аякъ тюбю бла джюрюйдю.
- Кёрмегеннге кебек – танг, битмегеннге сакъал – танг.
- Кийимни бичсенг, кенг бич, тар этген къыйын тюлдю.
- Таш ата билмеген, башына урур.
- Хансыз джомакъ болмаз.
- Адеб джокъда, намыс джокъ.
- Ышармагъан – кюлмез, кюлмеген – къууанчны билмез.
- Эри аманны, къатыны – аман.
- Хоншуну тауугъу къаз кёрюнюр, келини къыз кёрюнюр.
- Ачыу алгъа келсе, акъыл артха къалады.
- Бозанг болмагъан джерге, къалагъынгы сукъма.
- Къолу уллу – асыу, аягъы уллу – джарсыу.
- Кечеси – аяз, кюню – къыш, джарлы къаргъагъа бир аш тюш!
- Джангызны оту джарыкъ джанмаз!
- Эркиши – от, тиширыу – суу.
- Мал тутхан – май джалар.
- Кеси юйюмде мен да ханма.
- Аманны къуугъан, аманлыкъ табар.
- Айтылгъан буйрукъ, сёгюлмез
- Аллахдан тилесенг, кёб тиле.
- Уясында не кёрсе, учханында аны этер.
- Бетинги сатма, малынгы сат.
- Къазанны башы ачыкъ болса, итге уят керекди.
- Хар зат кесини орнуна иги.
- Акъыллы эркиши атын махтар, акъылсыз эркиши къатынын махтар.
- Ашхылыкъ джерде джатмайды, аманлыкъ суугъа батмайды.
- Аш кетер да бет къалыр.
- Ёнгкюч къууана барыр, джылай келир.
- Юре билмеген ит, къонакъ келтирир.
- Ата Джуртун танымагъан, атасын да танымаз.
- Ана кёлю – балада, бала кёлю – талада.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72