- Чабар ат – джетген къыз.
- Эки къатын алгъан – эки ташны ортасына башын салгъан.
- Джаз бир кюнню джатсанг, къыш талай кюнню абынырса.
- Айтхан – тынч, этген – къыйын.
- Ёлген аслан – сау чычхан.
- Таукелге нюр джауар.
- Джан саулукъ бермей, сан саулукъ бермезсе.
- Эки элинги тыйсанг, джети элде махталырса.
- Къызгъанчдан ычхыныр, мухардан ычхынмаз.
- Чарсда алчыны эл кёреди.
- Кютгени беш эчки, сызгъыргъаны уа, джерни джарады.
- Суу ичген шауданынга тюкюрме.
- Терслик кетер, тюзлюк джетер.
- Кёзю сокъурдан – къоркъма, кёлю сокъурдан – къоркъ.
- Чакъырылмай келген къонакъ сыйланмай кетер.
- Тыш элде солтан болгъандан эсе, кесинги элде олтан болгъан игиди!
- Башланнган иш битер, къымылдагъан тиш тюшер.
- Юйлю уругъа ит чабмаз.
- Бети къызарыучу адамны, джюреги харам болмаз.
- Джарлы тюеге минсе да, ит къабар.
- Ачылгъан эт джабылыр, кёрген кёз унутмаз.
- Къонагъынгы артмагъын алма да, алгъышын ал.
- Керти сёзге тёре джокъ.
- Айранны сюйген, ийнек тутар.
- Джарлы эскисин джамаса, къууаныр.
- Тойну къарнашы – харс, джырны къарнашы – эжиу.
- Битмегеннге сакъал – танг.
- Татлы сёз – балдан татлы.
- Ариу – кёзге, акъыл – джюрекге.
- Тиширыусуз юй – отсуз от джагъа.
- Адеб джокъда, намыс джокъ.
- Чомартны къолун джокълукъ байлар.
- Хансыз джомакъ болмаз.
- Къан бла кирген, джан бла чыгъар.
- Тойгъандан сора, ашны сёкме.
- Къатыны харакетли болса, эри къымсыз болур.
- Къыз чыгъаргъан – къызыл къымжа.
- Джангыз терек къынгыр ёсер.
- Зарда марда джокъ.
- Намыс сатылыб алынмайды.
- Рысхы – сют юсюнде кёмюк кибикди.
- Джиби бир къат джетмей эди да, эки къат тарта эди.
- Эринчекге кюн узун.
- От этилмеген джерден тютюн чыкъмайды.
- Алгъанда – джууукъ, бергенде – джау.
- Эл ауузу – элек, анга ийнаннган – халек.
- Ёлген эшек бёрюден къоркъмайды.
- Тюзлюк тас болмайды.
- Бичгенде ашыкъма, тикгенде ашыкъ.
- Биреуге кёлтюрген таягъынг, кесинги башынга урур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72