Эльбрусоид :: Форум :: Архив форумов

Киштикге къанат битсе, чыпчыкъ къалмаз эди.
Чалманны аллы къалай башланса, арты да алай барады.
Кёрмегеннге кебек – танг, битмегеннге сакъал – танг.
Келлик заман – къартлыкъ келтирир, кетген заман – джашлыкъ ёлтюрюр.
Намысы джокъну – дуниясы джокъ.
Сёлеш деб шай берген, тохта деб, сом берген.
Сабий кёргенин унутмаз.
Керти сёзге тёре джокъ.
Ишленмеклик адамлыкъды.
Таукел къуру къалмаз.
Джылар джаш, атасыны сакъалы бла ойнар.
Чакъырылмай келген къонакъ сыйланмай кетер.
Соргъан айыб тюлдю, билмеген айыбды.
Зар адам ашынгы ашар, кесинги сатар.
Джашлыкъ этмеген, башлыкъ этмез.
Ойнай билмеген, уруб къачар.
Чабакъсыз кёлге къармакъ салгъанлыкъгъа, чабакъ тутмазса.
Арбаз къынгырды да, ийнек сауалмайма.
Биреу къой излей, биреу той излей.
Ётюрюкден тюбю джокъ, кёлтюрюрге джиби джокъ.
Таякъ этден ётер, тил сюекден ётер.
Бир абыннган – минг сюрюнюр.
Тамырсыз терекге таянма – джыгъылырса.
Ана къойну – балагъа джандет.
Къарт болгъан джерде, берекет болур, сабий болгъан джерде, оюн болур.
Рысхысына кёре, джаш ёсер, къышлыгъына кёре, мал ёсер.
Чомартха хар кюн да байрамды.
Эртде тургъан джылкъычыны эркек аты тай табар.
Эр абынмай, эл танымаз.
Джыланны къуйругъундан басарынг келсе, аны башы болгъанын унутма.
Игини сыйлагъан адетди.
Кеси юйюмде мен да ханма.
Эр сокъур болсун, къатын тилсиз болсун.
Оюмсуз атлагъан, аджалсыз ёлюр.
Джукъу тёшек сайламайды.
Айтханы чапыракъдан ётмеген.
Башы джабылгъан челекге, кир тюшмез.
Чакъырылгъанны аты, чакъырылмагъанны багъасы болур.
Эм уллу байлыкъ – джан саулукъ.
Татлы сёз – балдан татлы.
Гугурук къычырмаса да, тангны атары къалмаз.
Къартны сыйын кёрмеген, къартлыгъында сыйлы болмаз.
Иги джашны ышаны – аз сёлешиб, кёб тынгылар.
Къызны минг тилер, бир алыр.
Акъыл неден да кючлюдю.
Чомартха Тейри да борчлуду.
Алтыда кюлмеген, алтмышда кюлмез.
Къая джолда джортма, ачыкъ сёзден къоркъма.
Къазанда болса, чолпугъа чыгъар.
Бозаны арты дауур болур.

Логин:
Пароль:
	Запомнить меня на этом компьютере

Забыли свой пароль?
Регистрация