- Джигер – джаннга къыйынлыкъ.
- Юйюнг бла джау болгъандан эсе, элинг бла джау бол.
- Тенги кёбню джау алмаз, акъылы кёбню дау алмаз.
- Малны кют, джерни тюрт.
- Тилчи бир сагъатха айлыкъ хата этер.
- Ата Джуртун танымагъан, атасын да танымаз.
- Игиге айтсанг – билир, аманнга айтсанг – кюлюр.
- Къайгъыны сюйген, къайгъы табар.
- Къарт болгъан джерде, берекет болур, сабий болгъан джерде, оюн болур.
- Ачлыкъ отха секиртир.
- Баш болса, бёрк табылыр.
- Акъылсызны джууукъгъа алма, акъыллыны кенгнге салма.
- Чабар ат – джетген къыз.
- Кесинг сынамагъан затны, адамгъа буюрма.
- «Ёгюз, джаргъа джууукъ барма, меннге джюк боллукъса», - дегенди эшек.
- Къызны минг тилер, бир алыр.
- Кесинге джетмегенни, кёб сёлешме.
- Аманны тукъумуна къарама, игини тукъумун сорма.
- Тенгинг джокъ эсе – изле, бар эсе – сакъла!
- Къуру гыбыт бек дыгъырдар.
- Къарт айтханны этмеген, къартаймаз.
- Сёз къанатсыз учар.
- Урама да – ёледи, сатама да – келеди.
- Ишлегенден, къарагъан уста.
- Тил – кесген бычакъ, сёз – атылгъан окъ.
- Дуния мал дунияда къалады.
- Биреуню эскиси биреуге джангы болмайды.
- Адам сёзге тынгыла, акъыл сёзню ангыла.
- Бал ашаргъа сюе эсенг, чибин ургъаннга тёз.
- Айныгъанлы алты кюн, тогъайгъанлы тогъуз кюн.
- Билмезни кёзю кёрмез, этмезни къулагъы эшитмез.
- Мал ёлсе, сюек къалыр, адам ёлсе, иши къалыр.
- Тыш элде солтан болгъандан эсе, кесинги элде олтан болгъан игиди!
- Ёксюзню тилеги къабыл болур.
- Джиби бир къат джетмей эди да, эки къат тарта эди.
- Хатерли къул болур.
- Кесине гебен этелмеген, биреуге черен эте эди.
- Айыбны суу бла джууалмазса.
- Иги джашны ышаны – аз сёлешиб, кёб тынгылар.
- Чакъырылмай келген къонакъ сыйланмай кетер.
- Эрине къаргъыш этген къатын, эрнин къабар.
- Ашына кёре табагъы, балына кёре къалагъы.
- Булут кёкге джарашыу, уят бетге джарашыу.
- Кёб ант этген, кёб ётюрюк айтыр.
- Игини сыйлагъан адетди.
- Келинни – келгинчи, бёркню кийгинчи кёр.
- Джюрекге ариу – кёзге да ариу.
- Иесиз малны бёрю ашар.
- Ёгюзню мюйюзюнден тутадыла, адамны сёзюнден тутадыла.
- Байлыкъ адамны сокъур этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72