- Иги болса, тамадама – махтау, аман болса, меннге – айыб.
- Хансыз джомакъ болмаз.
- «Ма», - дегенни билмесенг, «бер», - дегенни билмезсе.
- Ашда – бёрю, ишде – ёлю.
- Онгсузну – джакъла, тенгликни – сакъла.
- Билими азны – ауузунда кирит.
- Окъ къызбайны джокълайды.
- Акъдан къара болмаз.
- Кесинг сынамагъан затны, адамгъа буюрма.
- Къозулугъунда тоймагъан, къойлугъунда тоймаз.
- Юре билмеген ит, къонакъ келтирир.
- Хантына кёре тузу, юйюне кёре къызы.
- Ёлген аслан – сау чычхан.
- Этек чакъмакълары баш джаргъан, сёлешген сёзлери таш джаргъан.
- Бек ашыкъгъан меннге джетсин, дегенди аракъы.
- Тиширыусуз юй – отсуз от джагъа.
- Таукел адам тау тешер.
- Адеб джокъда, намыс джокъ.
- Джумушакъ терекни къурт ашар.
- Ачыкъ джюрекге джол – ачыкъ.
- Ата Джуртуму башы болмасам да, босагъасында ташы болайым.
- Къызбайны юйюне дери сюрсенг, батыр болур.
- Телиге от эт десенг, юйюнге от салыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джылыгъа джылан илешир.
- Оюмсуз атлагъан, аджалсыз ёлюр.
- Бир абыннган – минг сюрюнюр.
- Бюгюн дуния кибик, тамбла ахыратды.
- Айранны сюйген, ийнек тутар.
- Билимсиз иш бармаз.
- Босагъагъа джууукъ орун болса, ашыгъыб тёрге озма.
- Ургъан суудан башынгы сакъла.
- Джумушакъ сёз къаты таякъны сындырыр.
- Болджал ишни бёрю ашар.
- Алтыннга тот къонмаз.
- Урунуу – насыбны анасы.
- Кимни – тили, тиши онглу, кимни – къолу, иши онглу.
- Тойгъа барсанг, тоюб бар, эски тонунгу къоюб бар.
- Джигер – джаннга къыйынлыкъ.
- Тюзню ётмеги тюзде къалса да, тас болмаз.
- Тенгни тенглиги джашай барсанг билинир.
- Ач къарынны, токъ билмез
- Ишни аллы бла къууанма да, арты бла къууан.
- Ханы къызы буюгъа-буюгъа киштик болду.
- Ишни ахырын ойламай, аллын башлама.
- Келлик заман – къартлыкъ келтирир, кетген заман – джашлыкъ ёлтюрюр.
- Кюлме джашха – келир башха.
- Экиндини кеч къылсанг, чабыб джетер ашхам.
- Ач отунчуну ачыуу – бурнунда.
- Джукъу тёшек сайламайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72