Эльбрусоид :: Форум :: Архив форумов

Айтхан – тынч, этген – къыйын.
Къыз тиширыу кеси юйюнде да къонакъды.
Аууз сакълагъан – джан сакълар.
Рысхы – насыбха къор.
Кимни – тили, тиши онглу, кимни – къолу, иши онглу.
Чакъырылмагъан джерге барма, чакъырылгъан джерден къалма.
Ашхы адам – халкъ байлыгъы, ашхы джер – джашау байлыгъы.
Тили узунну, намысы – къысха.
Билимден уллу байлыкъ джокъду.
Аллахдан тилесенг, кёб тиле.
Ёпкелегенни ашы татлы болады.
Рысхысына кёре, джаш ёсер, къышлыгъына кёре, мал ёсер.
Кёлсюзден сёзсюз тууар.
Окъуусуз билим – джокъ, билимсиз кюнюнг – джокъ.
Тёрдеги кюлсе, эшикдеги ышарыр.
Ёгюзню мюйюзюнден тутадыла, адамны сёзюнден тутадыла.
Нарт сёз – тилни бети.
Ат да турмайды бир териде.
Кенгеш болса, уруш болмаз.
Тилчи тилден къаныкъмаз.
Тешик этген тынчды, аны джамагъан къыйынды.
Зар адамны насыбы болмаз.
Джетген къыз джерли эшекни танымаз.
Ауурну тюбю бла, дженгилни башы бла джюрюген.
Тин – байлыгъынг, терен саулугъунг.
Акъыллы башны – тили къысха.
Сёз къанатсыз учар.
Байлыкъдан саулукъ ашхыды.
Сакъламагъан затынга джолукъсанг, не бек къууанаса, не бек ачыйса.
Тойгъан антын унутур.
Гугурук къычырмаса да, тангны атары къалмаз.
Къайтырыкъ эшигинги, къаты уруб чыкъма.
Ариу – кёзге, акъыл – джюрекге.
Нафысынгы айтханын этме, намысынгы айтханын эт.
Эл тойса, тоймагъан, эл къойса, къоймагъан.
Хоншуну тауугъу къаз кёрюнюр, келини къыз кёрюнюр.
Эллинг бла джау болсанг да, юйюнг бла джау болма.
Таукел тауну аудурур.
Айтылгъан буйрукъ, сёгюлмез
Ашыкъгъан cуу, тенгизге джетмез.
Ёнгкюч къууана барыр, джылай келир.
Ойнай билмеген, уруб къачар.
Ач бёрюге мекям джокъ.
Кёл ашады да, кеси ашады.
Ишленмеген джаш – джюгенсиз ат, ишленмеген къыз – тузсуз хант.
Къарнынг бла ёч алма.
Къарын къуру болса, джюрек уру болур.
Мени джылытмагъан кюн, меннге тиймесин!
Ургъан суудан башынгы сакъла.
Орундукъ тюбюнде атылсам да, орта джиликме, де да айлан.

Логин:
Пароль:
	Запомнить меня на этом компьютере

Забыли свой пароль?
Регистрация